آئیے اپنے ماں باپ کی قبر کو ٹھنڈا کریں !!!

[محمد عامر یونس]

آئیے اپنے ماں باپ کی قبر کو ٹھنڈا کریں !!!

​

​

​

​

1-دعا :

​

سیدنا ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا:

جب انسان مر جاتا ہے تو تین اعمال کے علاوہ تمام اعمال منقطع ہو جاتے ہیں صدقہ جاریہ یا وہ علم جس سے نفع اٹھایا جائے یا نیک اولاد جو اس کے لیے دعا کرتی رہے۔

صحیح مسلم:جلد دوم:حدیث نمبر 1730​

2-صدقہ و خیرات :

​

سیدہ عائشہ صدیقہ رضی اللہ تعالیٰ عنہا سے روایت ہے کہ ایک آدمی نبی کریم صلی اللہ علیہ وآلہ وسلم کے پاس آیا اور عرض کیا اے اللہ کے رسول! (صلی اللہ علیہ وسلم) میری ماں کا اچانک انتقال ہوگیا ہے لیکن اس نے کوئی وصیت نہیں کی اور میرا اس کے بارے میں گمان ہے کہ اگر وہ بات کرتی تو صدقہ کرتی۔ اگر میں اس کی طرف سے صدقہ کروں تو کیا اس کے لیے ثواب ہوگا آپ صلی اللہ علیہ وآلہ وسلم نے ارشاد فرمایا ہاں۔

صحیح مسلم:جلد دوم:حدیث نمبر 1728​

3-حج کرنا :

​

أمرتِ امرأةٌ سنانَ بنِ سلمةَ الجُهَنِيَّ أن يسألَ رسولَ اللَّهِ صلَّى اللَّه عليه وسلم ، أنَّ أمَّها ماتت ولم تحجَّ أفيجزيء عن أمِّها أن تحجَّ عنْها قالَ : نعم ! لو كانَ على أمِّها دينٌ فقضتْهُ عنْها ألم يَكن يجزيء عنْها فلتحجَّ عن أمِّها
الراوي: عبدالله بن عباس المحدث: الألباني - المصدر: صحيح النسائي - الصفحة أو الرقم: 2632

خلاصة حكم المحدث: إسناده صحيح​

سیدنا ابن عباس رضی اللہ تعالیٰ عنہ فرماتے ہیں ایک خاتون نے سیدنا سنان بن سلمہ جہنی رضی اللہ عنہ سے کہا کہ رسول کریم صلی اللہ علیہ وآلہ وسلم سے دریافت کرو کہ میری والدہ حج کے بغیر انتقال فرما گئیں کیا میں ان کی جانب سے حج کرسکتی ہوں؟ تو ایسا کرنا صحیح ہوگا اور ان کی طرف سے حج درست ہو جائے گا؟ انہوں نے پوچھا تو آپ صلی اللہ علیہ وآلہ وسلم نے فرمایا ہاں! اگر ان کے ذمہ قرضہ ہوتا اور وہ اس کو ادا کرتی تو کیا اس کا قرض ادا نہ ہوتا اس وجہ سے اس کو چاہیے کہ اپنی والدہ کی جانب سے حج ادا کرے۔

سنن نسائی:جلد دوم:حدیث نمبر 544​

سیدنا ابورزین عقیلی رضی اللہ تعالیٰ عنہ فرماتے ہیں کہ میں نبی اکرم صلی اللہ علیہ وآلہ وسلم کی خدمت میں حاضر ہوا اور عرض کیا یا رسول اللہ صلی اللہ علیہ وآلہ وسلم میرے والد بہت بوڑھے ہیں نہ حج کر سکتے ہیں نہ عمرہ اور نہ سواری پر بیٹھنے کے قابل ہیں آپ صلی اللہ علیہ وآلہ وسلم نے فرمایا تم اپنے باپ کی طرف سے حج اور عمرہ کرلو، امام ابوعیسی ترمذی فرماتے ہیں یہ حدیث حسن صحیح ہے نبی اکرم صلی اللہ علیہ وآلہ وسلم کی طرف سے عمرے کا ذکر صرف اسی حدیث میں ہے کہ کسی دوسرے کی طرف سے بھی کیا جاسکتا ہے ۔ سیدنا ابورزین عقیلی رضی اللہ تعالٰی عنہ کا نام لقیط بن عامر ہے۔

جامع ترمذی:جلد اول:حدیث نمبر 920​

4-ماں باپ کے دوستوں اور رشتہ داروں سے اچھا سلوک کرنا :

​

​

عبداللہ بن دینار سے روایت ہے کہ سیدنا ابن عمر رضی اللہ تعالیٰ عنہ سے ایک دیہاتی آدمی مکہ مکرمہ کے راستے میں ملا ۔ سیدنا عبداللہ نے اس دیہاتی پر سلام کیا اور اسے اپنے گدھے پر سوار کرلیا جس پر وہ سوار تھے اور اسے عمامہ عطا کیا جو ان کے اپنے سر پر تھا حضرت ابن دینار نے کہا ہم نے ان سے کہا اللہ آپ کو بہتر بدلہ عطا فرمائے وہ دیہاتی لوگ ہیں جو تھوڑی سی چیز پر راضی ہو جاتے ہیں سیدنا عبداللہ نے فرمایا اس دیہاتی کا باپ سیدنا عمر بن خطاب رضی اللہ عنہ کا دوست تھا اور میں نے رسول اللہ صلی اللہ علیہ وسلم سے سنا آپ صلی اللہ علیہ وسلم نے فرماتے ہیں بیٹے کی نیکیوں میں سے سب سے بڑی نیکی اپنے باپ کے دوستوں کے ساتھ اچھا سلوک کرنا ہے۔

صحیح مسلم:جلد سوم:حدیث نمبر 2012​

5-کنواں کھدوانا ( نلکا یا واٹر پمپ لگوانا) :

​

سیدنا سعد بن عبادہ رضی اللہ تعالیٰ عنہ سے روایت ہے کہ میں نے عرض کیا یا رسول اللہ صلی اللہ علیہ وآلہ وسلم میری والدہ کی وفات ہوگئی ہے۔ کیا میں ان کی جانب سے صدقہ کر سکتا ہوں؟ آپ صلی اللہ علیہ وآلہ وسلم نے فرمایا جی ہاں۔ میں نے عرض کیا کہ پھر کونسا صدقہ افضل ہے؟ آپ صلی اللہ علیہ وآلہ وسلم نے فرمایا کہ پانی پلانے والا۔

سنن نسائی:جلد دوم:حدیث نمبر 1607​

الراوي: سیدنا سعد بن عبادةرضی اللہ عنہ المحدث : الألباني - المصدر: صحيح النسائي - الصفحة أو الرقم: 3668​

خلاصة حكم المحدث: حسن [لغيره]​

 

[محمد شاہد]

​

​

 

[محمد عامر یونس]

​

رسول اللہ صلی اللہ علیہ وسلم نے فرمایا:

جب آدمی فوت ہو جاتا ہے تو اس کا عمل موقوف ہو جاتا ہے مگر تین چیزوں کا ثواب جاری رہتا ہے۔ ایک صدقہ جاریہ کا، دوسرا اس علم کا جس سے لوگ فائدہ اٹھائیں اور تیسرا نیک بخت اولاد کا جو اس کے لیے دعا کرے

(صحیح مسلم ، كتاب الوصية : 1631 (4005))
​

 

[فرحان]

7774 اٹیچمنٹ کو ملاحظہ فرمائیں
​

رسول اللہ صلی اللہ علیہ وسلم نے فرمایا:

جب آدمی فوت ہو جاتا ہے تو اس کا عمل موقوف ہو جاتا ہے مگر تین چیزوں کا ثواب جاری رہتا ہے۔ ایک صدقہ جاریہ کا، دوسرا اس علم کا جس سے لوگ فائدہ اٹھائیں اور تیسرا نیک بخت اولاد کا جو اس کے لیے دعا کرے

(صحیح مسلم ، كتاب الوصية : 1631 (4005))
​

السلام علیکم ورحمتہ اللہ وبرکاتہ

بھائ وہ ایک حدیث کا حوالہ تو دے دیں جس میں ایک شخص کو عذاب قبر ہورہا تھا اس کے بیٹے نے دعا کی تھی اس پر سے عذاب قبر ہلکہ ہوگیا تھا


جزاک اللہ خیرا کثیرا