آپ مانیں یا نہ مانیں یہ ایک حقیقت ہے!

[مشکٰوۃ]

تین چار دن قبل رات گئے ایک فیس بک سٹیٹس پڑھا کہ آفس میں دوستوں سے پریشانی وجہ پوچھی تو کہنے لگے’’ خیریت تو ہے اتنے دن ہو گئے بجلی نہیں گئی ۔۔۔‘‘واقعی میں ،حیرت ہوئی مجھے تو یاد ہی نہیں رہا تھا کہ بجلی آتی جاتی بھی ہے ۔۔۔سٹیٹس لائک کیا اور سونے چل دی ۔۔فجر کی نماز میں لائٹ نہیں تھی وہ وقت اور اب بجلی کی آنیاں جانیاں جاری ہیں ۔۔۔۔ دوستوں کی پریشانی تو ختم ہو گئی ہو گی ۔۔۔۔غصے والا آئیکون

 

[اخت ولید]

آپ مانیں یانہ مانیں لیکن یہ ایک حقیقت ہے محدث فورم پر بھی چکر لگانا مشکل ہو گیا ہے

خنساء !یہ کون کہتا ہے کہ فورم پر گول گول چکر لگایا کریں۔بس آرام سے سیدھا سیدھا آیا کریں:)

سبزی لانے سے پہلے وعظ و نصیحت سننی پڑتی ہے اور سبزی لانے کے بعد بھی۔۔۔۔
ایک دن تو ہم نے دکاندار کو کہہ ہی دیا:"یار ! ایسے آلو دینا کہ جھڑکیاں نہ پڑیں"۔۔۔۔۔۔۔ابتسامہ۔۔۔۔۔۔۔۔

:)
ہمارے ہاں سربراہِ گھرانہ ڈانٹ ڈپٹ کے بعدکہتیں"اچھا خیر!!لائے گا تو اسے خریداری کا پتا چلے گا۔۔دو دفعہ ایسی لے آیا ہے۔۔اگلی دفعہ اچھی چیز لے آئے گا۔۔ایک دفعہ انار کی پیٹی آئی۔۔سربراہِ گھرانہ خوش ہو گئیں کہ اب خریداری کی سمجھ آ گئی ہے۔۔۔"دیکھو طیب کے ساتھ گیا تھا ناں۔۔اس لیے۔۔کم قیمت بھی مل گئی ہے۔۔"۔۔کہا گیا"میں تو کہہ رہا تھا کہ گھوم پھر کر خریدتے ہیں۔۔مگر میرے آنے تک طیب بات کر چکا تھا"۔۔پھر تو مزید خوشی۔۔اور پھر تین چارانار خراب نکل آئے۔۔ہہہ۔۔۔"طیب نے ہی جلد بازی کی تھی۔۔۔یہ تو دھیان سے دیکھ بھال کر لے لیتا"امیاں بھی ناں:)

ابتسامہ ۔۔۔اس میں بھی بھلائی ہی ہے کہ بعد میں یہ نہ کہہ دیا جائے ’’چار کلو سبزی میں سے تین پاؤ بنا کر رکھ دی ۔۔۔باقی میکے بھجوا دی کیا‘‘۔۔۔ہہ

کیوں آپ کے گھر ایسا ایسا ہوتا ہے؟؟؟کانا آئیکون

 

[مشکٰوۃ]

کیوں آپ کے گھر ایسا ایسا ہوتا ہے؟؟؟کانا آئیکون

ہہہ۔۔۔نہیں بجو! ہمارے ابو خود ہی کہہ دیتے تھے میکے بھیج دو۔۔۔ابتسامہ
ابو جی کو سبزی جو مرضی کہو لاتے اپنی پسند کی ہیں ۔۔جب امی کہتی تھیں ’آپ یہ لے آئے ہیں بچے نہیں کھاتے،ایسے ہی پڑی رہے گی ‘ تو ابو بڑے ،مزے سے کہہ دیتے تھے ’’اچھا پھر کسی کو دے دیں ‘‘ زیادہ مسئلہ ہوتا تو کہہ دیتے ’’رکھ دو میں خود ہی کھا لوں گا ‘‘ پر کھاتا کون ہے ۔۔ابتسامہ
پتہ تو جب چلتا جب پکی ہوئی کھاتے ۔۔۔امی پکاتیں تو ہم بھوکے رہ لیتے سبزی بھی پڑی رہتی اور ابو کا سوا ل’’اور کچھ نہیں بنایا ؟‘‘ اب امی کیا کہتیں کہ خود ہی کہا تھا۔۔۔
سبزی پڑی رہتی تو امی ناراض ہوتیں کہ ضائع ہو رہی ہے تو بڑے آرام سے کہتے ’’اچھا کسی کے گھر بھیج دو‘‘۔۔آسان حل نکالا تھا۔۔یہ’’کسی‘‘ جو ہے نا ایک طرح سے امی کا میکہ تھا کہ امی کی جان پہچان والی سب آنٹیاں ۔۔امی کی بہنیں ہیں اور ہماری خالائیں ۔۔۔
یا
ابو جی ایک ہی دفعہ دو سال کی سبزی لے آتے ۔۔افففف۔۔۔۔۔دس کلو گوبھی جو ہمیں آج تک نہیں بھولتی ۔کہاں کہاں نہیں ڈالا تھا اسے ۔۔فریج میں ،فریزر میں چاولوں میں ،سالن میں ،،گوبھی کے پراٹھے ،مکس سبزیاں لیکن وہ بھی گوبھی ہی تھی پوری کی پوری ۔ختم ہونے کا نام ہی نہیں لیتی تھی اور اوپر سے ہم گھر کے چار افراد ۔آپی ،بھیا تو جامعہ میں تھے ہم تینوں بہنیں ،امی ،ابو اور ساری گوبھی ):
ابو سوچتے ہوں گے کہ بہن بھائیوں سے اداس ہیں تو گوبھی سے دل لگارہے گا۔۔۔۔
ابو تو کہہ دیتے ‘‘کچھ اور بھی پکا لو‘‘اور امی ’’اب یہ ختم نہیں کرنی ؟‘‘
نتیجتا ہر دوسرے دن گوبھی کی زیارت ہوتی۔اور ہم نے دو سال مسلسل گوبھی کھانے کے بعد اگلے پانچ سال گوبھی کا نام سننا بھی گورا نہیں کیا ۔۔۔

ایک مزے کی بات یاد آئی ۔۔۔ابو ویسے تو تازہ سبزی لاتے ہیں لیکن رات دیر سے آنے کی بنا پر مہینے بھر کا راشن اور سبزی گاڑی میں پڑی رہتی ہے اور صبح جب نکالو تو ان سب کا فالودہ بنا ہوتا ہے ۔۔۔آنسوؤں والا آئیکون
ایک دفعہ جمعہ کے روز رات گئے ابو سبزی لائے تو خود گھر آ گئے اور سبزی کو گاڑی میں چھوڑ آئے نماز کے لئے گئے تو یاد آیا سبزی بھی آئی ہے ۔۔ہمیں چابی دی کے سبزی نکال لائیں ۔۔گرمیوں کی دوپہر کی رکھی سبزی رات گیارہ بجے تک ۔۔سمجھ تو گئے ہوں گے ۔۔۔اب جب ہم بہن بھائی کھینچ تان کر سبزی گھر لائے تو ابو جان کسی سے محو گفتگو تھے کسی نے کوئی دینی سوال پوچھا تھا ابو جواب دے رہے تھے۔جواب دیتے ہوئے کہنے لگے ’’اگر آپ گلی سڑی سبزی گھر لائیں تو بیگم رکھ لے گی ۔۔؟نہیں بلکہ اٹھا کر آپ کے سر میں مارے گی ۔۔۔۔‘‘
امی نے بات سن لی جو سبزی کا حشر دیکھ کر آ رہی تھیں فورا کہنے لگیں ’’لیکن میں نے تو ایسا کچھ نہیں کیا‘‘۔ابتسامہ
اس پر ابو کی ہنسی چھوٹ گئی اور ہم سب بھی ہنسنے لگے ۔۔۔
رب ارحمھما کما ربیانی صغیرا

 

[مشکٰوۃ]

اب تو لائٹ دوستی کروانے میں بھی اہم کردر ادا کرنے لگی ہے ۔۔آنسوؤ ں والا آئیکون

میں جمعہ کو ہی آپ سے دوستی کرنے والی تھی مگر لائٹ چلی گئی

 

[اخت ولید]

ف ب بھی پرہم بہت کچھ کر سکتےہیں۔۔گزشتہ دنوں ہمارے ایک عزیز لاہور بیٹھے بیٹھے "کوریا" پہنچ کر فوٹو گرافی کر رہے تھے:)اتنا "پہنچا " ہوا کبھی کوئی ہوا ہو گا؟؟؟

 

[خنساء]

مجھے فورم پر آنے کے لیے بستے اور کتابوں کاپیوں کا ایک بہت بڑا چکر لگانا پڑتا ہے اگر تو وہ چکر مکمل ہو جائے تو ٹھیک نہیں تو پھر ایکسیڈنٹ ہو جاتا ہے۔۔:(

 

[خنساء]

تھپڑ کھانے کا اسی وقت مزا آتا ہے جب ہمارے ساتھ کسی اور کو بھی پڑے۔:)

 

[خنساء]

آپ مانیں یا مانیں لیکن یہ ایک حقیقت ہے کہ مجھے اب بڑے بھائی کی اہمیت کا پتہ چلا ہے جب ا تناکچھ اٹھانا پڑتا ہےاور دھوپ میں چلنا پڑتا ہے۔۔۔۔۔

 

[مشکٰوۃ]

 

[اخت ولید]

آپ مانیں یا مانیں لیکن یہ ایک حقیقت ہے کہ مجھے اب بڑے بھائی کی اہمیت کا پتہ چلا ہے جب ا تناکچھ اٹھانا پڑتا ہےاور دھوپ میں چلنا پڑتا ہے۔۔۔۔۔

):
کیوں پہلے بھیا جی خنساء کی مزدوری کیا کرتے تھے؟؟:)

بھائی بڑے ہوں یا چھوٹے بہت اہمیت کے حامل ہوتے ہیں۔۔لیکن ان کی قدر اس وقت آتی ہے جب ہم ان سے دور ہو جاتے ہیں۔۔ہم سمجھتے ہیں کہ ہمارا بھائی تو ہمیں پوچھتا ہی نہیں ہے۔۔۔۔وہی تو آپ کو تب پوچھتا ہے،جب کوئی ارد گرد میں آپ کو پوچھنے والا نہیں ہوتا!!!
یا رب ہمارے بھائیوں کو اپنی حفظ و امان میں،اپنے اہل و عیال میں خوش و خرم اور صراط مستقیم پر گامزن رکھنا۔آمین