ابوالحسن علوی بھائی سے گزارش

[siddique]

بسم اللہ الرحمن الرحیم​

السلام علیکم ورحمۃ اللہ وبرکاتہ
چند دنوں سے مجھے ایسا محسوس ہو رہا ہے جیسے محدث فورم کا پُرامن ماحول بدامنی کا شکار ہو گیا ہے،اس کی وجہ جہاں تک مجھے سمجھ آئی ہے وہ یہ کہ ڈاکٹر فرحت ہاشمی صاحبہ کے متعلق ایک تھریڈ میں ابوالحسن علوی بھائی نے عورتوں کے غیر فقہیہ اور مجتہدہ نہ ہونے کے متعلق بات شروع کی جس میں اماں عائشہ رضی اللہ عنہا کی فقاہت پر بھی لکھا،یہ بات تو اللہ تعالیٰ بہتر جانتا ہے کہ یہ تمام باتیں لکھتے وقت شیخ ابوالحسن علوی بھائی کی کیا نیت تھی لیکن بظاہر دیکھنے سے ان کی باتیں قابل اعتراض تھیں جن کا بہترین اور احسن طریقے سے علمی انداز اپناتے ہوئے شیخ سرفراز فیضی حفظہ اللہ،شیخ کفایت اللہ حفظہ اللہ،انس نضر حفظہ اللہ اور ابن داود حفظہ اللہ نے جواب دیا،اور ان تمام لوگوں کی گفتگو عورتوں کی فقاہت اور مجتہد ہونے کے متعلق بات کو سمجھنے کے لیے بہترین تھیں،لیکن چند لوگوں نے شیخ ابوالحسن علوی بھائی کی اس بات کو منفی لیا اور بحث کا ایک طوفان اُمڈ آیا،اور طرح طرح کی باتیں ہونا شروع ہو گئیں ،ذاتی تنقید اور شخصی حملے شروع ہو گئے جس کی وجہ سے انتظامیہ نے تھریڈ کو مقفل کر دیا۔لیکن بات (میرے خیال میں) کسی نتیجے پر نہ پہنچ سکی۔
میں نے یہ تھریڈ محض اس لیے لکھا ہے کہ ابوالحسن علوی بھائی سے گزارش کروں کہ وہ اماں عائشہ رضی اللہ عنہا کی فقاہت او ان کے فضائل پر ایک جامع اور مستند حوالہ جات سے ایک مضمون لکھ کر محدث فورم پر لگائیں،تاکہ جن لوگوں نے شیخ صاحب کی بات کو منفی لیا ہے اُن کے مغالطے دور ہو جائیں اور محدث فورم پر ایک بہترین مضمون بھی شئیر ہو جائے ۔یہ کام صرف اللہ کی رضا کے لیے ہو۔
اور میں اُن تمام لوگوں سے جنہوں نے شیخ صاحب کی بات کو منفی لیا ہے گزارش کروں گا کہ اگر اُن کو کسی بات پر اعتراض ہے تو اس کا اقتباس لے کر اچھے اور احسن انداز میں اس کا رد لکھیں یا پھر تحریر لکھنے والے کا موقف پوچھ لیں کہ آپ کا اس بات سے کیا مطلب ہے؟
یہ میری رائے ہے اس پر عمل کرنے کے لیے کوئی زبردستی نہیں اور میری ان باتوں سے اختلاف بھی کھل کر کیا جا سکتا ہے۔
اللہ تعالیٰ ہم سب کو پیارومحبت کے ساتھ رہنے کی توفیق عطا فرمائے آمین۔

السلام علیکم
ارسلان بھائی
یہاں پر آپ ہمارے سے بازی مار گئے
میں بھی کچھ اسطرح ہی لکھنا چاہتا تھا۔یہ سوال ہی نہیں پیدا ہوتا کہ شیخ ابوالحسن علوی بھائی امی عائشہ رضی اللہ عنہا کی فقاہت سے انکار کرے۔ ہوسکتا ہے شیخ سمجھنا کچھ اور چاہتے ہو اور دیگر لوگ نے کچھ الگ سمجھ لیا۔یا پھر شیخ کا اندازہ بیان ٹھیک نہیں تھا ۔شیخ ابوالحسن علوی بھائی ایک موضوع پوسٹ کرنے والے ہے اسی ہی تعلق سے جیسا کہ انہوں نے کہا۔انتظار کرے اسکا۔
اللہ تعالیٰ ہم سب کو پیارومحبت کے ساتھ رہنے کی توفیق عطا فرمائے آمین۔
اللہ حافظ

 

[محمد ارسلان]

تمام بھائیوں اور بہنوں کی حوصلہ افزائی کرنے کا شکریہ،اللہ تعالیٰ آپ تمام لوگوں کو جزائے خیر عطا فرمائے آمین۔

 

[محمد ارسلان]

جزاک اللہ ارسلان برادر
بہت اچھا دھاگہ ہے، ایسے دھاگوں کی ستلی اور ستلیوں کا موٹا رسا بنا کر اختلافِ رائے کو ذاتی مخالفت کا روپ دینے والے دھاگوں کی مشکیں اچھی طرح کس دی جائیں ۔ (ابتسامہ)
مجھ سمیت اس فورم کے تمام سنجیدہ ارکان محترم ابو الحسن علوی صاحب کی علمی خدمات کے معترف ہیں۔ اور ہم انہیں یقین دلاتے ہیں کہ بعض غیر سنجیدہ ارکان کی جانب سے آپ کی مخالفت اور ذاتی حملوں سے آپ کے عزت و احترام میں کوئی فرق نہیں پڑے گا بلکہ ایسے ارکان خود اپنے ہاتھوں اپنی رسوائی کا سامان کر رہے ہیں۔ جنہیں تمیز کے دائرے میں بات کرنے کا سلیقہ نہ ہو، ان سے کیا مکالمہ کیا جائے۔ آپ جس بات کو حق سمجھتے ہیں، اسے کہتے رہئے۔ اور حق بات کہنے کی پاداش میں اگر کوئی آپ کی ذات پر انگلی اٹھاتا ہے، نازیبا کلمہ تحریر کرتا ہے تو اس پر صبر کیجئے۔کہ اُخروی کامیابی کی چار بنیادی شرائط میں ایمان اور عمل صالح کے بعد حق کی تلقین اور اس حق کی تلقین کے نتیجہ میں پیش آنے والے نا مواقف حالات و رد عمل پر صبر کرنا بھی شامل ہے۔
اس موقع سے فائدہ اٹھاتے ہوئے، میں اختلاف رائے کو مخالفت، ذاتی حملوں اور گھٹیا زبان استعمال کرنے والوں سے بھی اپیل کروں گا کہ وہ اس طرح کی دانستہ یا نادانستہ حرکتوں سے باز آجائیں۔ گفتگو سلیقہ سے کریں۔ اپنی رائے پیش کریں، دوسروں کی رائے سے اختلاف ہو تو، اختلاف ضرورکریں لیکن تہذیب کا دامن ہاتھ سے نہ چھوڑیں ۔خود کو عقل کُل اور اسلام کا ٹھیکیدار نہ سمجھیں۔
اللہ ہم سب کو دین کی صحیح سمجھ عطا کرے آمین

شکریہ یوسف بھائی
لیکن میری رائے ہے کہ کیوں نہ ایسا کیا جائے کہ جو لوگ (خصوصا ہم مسلک ) کم علمی میں اس قسم کی باتیں لکھ جاتے ہیں اُن کو سمجھانے کے لیے نرم رویہ اختیار کیا جائے،ہو سکتا ہے ہمارے نرم رویہ اختیار کرنے سے مخالف کے دل پر اثر پڑے اور وہ بات کو سمجھنے کے لیے تیار ہو جائے۔

 

[محمد ارسلان]

ارسلان بھائی ، ابوالحسن علوی بھائی فی الوقت آؤٹ آف اسٹیشن ہیں اور اتفاق سے شاکر بھائی بھی اپنی پروفیشنل مصروفیات کے تحت چند روز کے لیے سرگرم نہیں۔

جی باذوق بھائی!آپ نے صحیح کہا،ابوالحسن علوی بھائی کو میں نے جمعے والے دن کال کی تھی تو وہ سفر میں تھے اور شاکر بھائی کی مصروفیات کا بھی پتہ ہے۔

اور باقی آپ کی خیرخواہی کا جذبہ لائق تحسین ہے لیکن ذاتی طور سے میں سمجھتا ہوں کہ غیرضروری باتوں کو ایشو بنانے میں جن کو ملکہ حاصل ہے وہ اپنی کاروائیوں میں ہمیشہ کی طرح مصروف ہیں لہذا ان پر دھیان دینا وقت کا زیاں ہے۔

لیکن آپ دیکھیں جب اس قسم کا ماحول بنا ہو تو اچھے بھلے سمجھدار لوگ بھی بدسلوکی اور سخت رویہ کا اظہار کرنے لگتے ہیں،جس سے بات ختم ہونے کی بجائے مزید بڑھ جاتی ہے۔

ویسے بھی بہتر جواب یوسف ثانی بھائی نے دے دیا ہے

یوسف بھائی نے جواب نہیں دیا بس اپنی رائے دی ہے۔

آپ بھی اپنے مثبت کاموں میں مصروف رہا کریں جیسا کہ آپ رہتے بھی ہیں ماشاءاللہ

ان شاءاللہ