ابکار المنن کی جدید اشاعت

[ج انصاری]

صاحب تحفۃ الاحوذی علامہ محمد عبدالرحمن محدث مبارکپوری کی معرکۃ الآرا کتاب ’’ابکار المنن فی تنقید آثار السنن‘‘ دار القبس ریاض نے شائع کردی ہے۔
ہندوستان کے معروف سلفی محقق مولانا ابوالقاسم عبدالعظیم مدنی حفظہ اللہ نے تحقیق وتخریج کا فریضہ ادا کیا ہے۔
مدرس ومفتی حرم مکی شیخ وصی اللہ عباس حفظہ اللہ کے گراں قدر مقدمہ سے علمی اہمیت دوچند ہوگئی ہے۔ صاحب تحفۃ الاحوذی کی مذکورہ کتاب مشہور حنفی عالم مولانا ظہیر احسن شوق نیموی کی کتاب آثار السنن کا نفیس علمی تعاقب ہے۔
مولانا شوق نیموی نے بلوغ المرام کے طرز پر آثار السنن تصنیف کی تھی تاکہ حنفی طلبہ کی ذہنی تحنیف کی جاسکے، صاحب تحفہ نے اس کتاب کا بروقت نوٹس لیا۔
موجودہ طباعت کے صفحات ٥٦٠ ہیں۔ کتاب کی نفیس طباعت عروس جمیل در لباس حریر کامصداق ہے۔

 

[makki pakistani]

کتابوں کے متعلق عمدہ علمی معلومات فراہم کرنے پر شکریہ۔

جزاکم اللہ احسن الجزاء۔

 

[خضر حیات]

جزاكم الله ۔
ِچند سال پہلے زبیر علی زئی صاحب نے بھی آثار السنن کا جواب اردو زبان میں رسالہ ’’ الحدیث ‘‘ میں لکھا تھا ۔

کوئی بھائی یہ بتا سکتا ہے کہ ابکار المنن کا جواب کسی نے لکھا ہے کہ نہیں ؟؟؟

 

[معین]

یہ کتاب ١٩٩٠م میں جامعہ سلفیہ بنارس سے انہی مولانا ابو القاسم کی تحقیق کے ساتہ طبع ہوئ جو کی میرے پاس موجود ہے و للھ الحمد- صفحوں کی تعداد ٩١٤-

 

[محمد عثمان]

کیا یہ کتاب اور اعلاء السنن فی المیزان اردو میں بھی موجود ھیں، برائے مہربانی رھنمائی فرمائیں۔۔۔

 

[طالب نور]

ِچند سال پہلے زبیر علی زئی صاحب نے بھی آثار السنن کا جواب اردو زبان میں رسالہ ’’ الحدیث ‘‘ میں لکھا تھا ۔

السلام علیکم،
شیخ محترم کا ایک مضمون آثار السنن کے تعاقب میں ماہنامہ الحدیث میں شائع ہوا تھا لیکن اسی مضمون میں شیخ محترم نے وضاحت کی تھی کہ ان کی اس موضوع پر ایک مکمل کتاب "انوار السنن" موجود ہے جو کہ غیر مطبوعہ ہے۔ شیخ محترم کی یہ کتاب آثار السنن کا مکمل اور تفصیلی تعاقب ہے اور قسط وار ماہنامہ ضرب حق سرگودھا میں ان دنوں شائع ہو رہی ہے۔ والسلام

 

[javed satakpuri]

سنا ھے یہ رد کیسٹ کی شکل میں بھی موجود ھے کسی سے ہوسکے تو یہاں اس کا لنک دےدے

 

[عمر اثری]

کتاب مل سکے گی؟

 

[حافظ عبدالکریم]

اللہ آپ تمام کی خدمات کو قبول فرمائے (آمین)

 

[javed satakpuri]

ایک صاحب نے علامہ عبد الرحمن مبارکپوری کی "ابکار المنن فی تنقید آثار" کا رد لکھا ھے تقریبا سات آٹھ ماہ قبل ان سے ملاقات ہوئی تھی تب کچھ کام باقی تھا، انہوں نے یہ بھی بتایا کہ پہلے یہ رد مینے اردو میں لکھنا شروع کیا تھا مگر پھر بعض حضرات کے مشورے سے اسے عربی میں منتقل کردیا اور اب تقریبا مکمل کام عربی میں پورا ہونے کو ھے

یاد رھے کہ "ابکار المنن فی تنقید آثار السنن" کا رد صاحب"آثار السنن" شوق نیوی کے صاحبزادے عبد الرشید فوقانی نے "القول الحسن" کے نام سے لکھا تھا جسکی ایک کاپی محدث العصر ارشاد الحق اثری حفظہ اللہ کے پاس موجود ھے اور یہ رد مینے بھی بارہا دیکھا ھے دیوبند کے کتب خانے میں اسکے دو نسخے موجود ھیں یہ رد عربی میں ھے