احادیث کے متعلق سوالات و جوابات

[محمد ارسلان]

سوال: راوی کسے کہتے ہیں؟​

جواب: "حدیث نقل(بیان) کرنے والے کو راوی کہتے ہیں"۔

 

[محمد ارسلان]

سوال: حدیث کتنے حصوں پر مشتمل ہوتی ہے؟​

جواب: "حدیث دو حصوں پر مشتمل ہوتی ہے۔ ایک حصہ کو سند کہتے ہیں اور دوسرے حصہ کو متن کہا جاتا ہے"۔

 

[محمد ارسلان]

سوال: سند کسے کہتے ہیں؟
جواب: "جو لوگ حدیث کو روایت کرتے ہیں ان روایت کرنے والوں کے سلسلے کو سند کہتے ہیں"۔
مثال:
الاعمش عن ابراھیم، عن علقمہ، عن عبداللہ قال رسول اللہ صلی اللہ علیہ وسلم
یہ ایک سند ہے۔
اس سند میں:
اعمش راوی ہیں جو اپنے استاد ابراہیم نخعی(تبع تابعی) سے روایت کرتے ہیں۔
ابراہیم نخعی اپنے استاد علقمہ (تابعی) سے روایت کرتے ہیں۔
علقمہ اپنے استاد عبداللہ بن مسعود رضی اللہ عنہ (صحابی) سے روایت کرتے ہیں۔
عبداللہ بن مسعود رسول اللہ صلی اللہ علیہ وسلم سے روایت کرتے ہیں۔

 

[محمد ارسلان]

سوال: متن کسے کہتے ہیں؟
جواب: ”کلام کا وہ حصہ جو سند کے اختتام پر شروع ہوتا ہے متن کہلاتا ہے“۔
مثال:
حدثنا عبداللہ بن یوسف عن مالک عن ابی الزناد عن الاعرج عن ابی ھریرۃ قال : ان رسول اللہ صلی اللہ علیہ وسلم قال: اذا شرب الکلب فی اناء احدکم فلیغسلہ سبعا
”جب کتا تمہارے کسی آدمی کے برتن میں سے پی لے تو اسے چاہیے کہ اس برتن کو سات مرتبہ دھو لے“۔

اس حدیث میں اذا سے لے کر سبعا تک کے الفاظ متن ہیں۔

 

[حافظ اختر علی]

ارسلان بھائی آپ کا یہ سلسلہ ماشاء اللہ بہت اچھا ہے لیکن اس کو خوب سے خوب تر کرنے کے لیے مشورہ ہے کہ پہلے سوال پوسٹ کر دیا کریں اور احباب سے جواب لیں اور بعد میں جو درست جواب آپ کے پاس موجود ہے اصطلاحی طور پر اس کو پیسٹ کر دیں۔اس سے قارئین کو بھی شرکت کرنے کا زیادہ سے زیادہ موقع ملے گا۔ان شاء اللہ