احکام القرآن

[عبد الرشید]

کتاب کا نام​

احکام القرآن​

مصنف
چوہدری نذر محمد
ناشر
شیخ غلام علی اینڈ سنز پبلشرز لاہور ، حیدرآباد ، کراچی
[URL=http://s1053.photobucket.com/user/kitabosunnat/media/TitlePages---Ahkam-Ul-Quran.jpg.html][/URL]
تبصرہ​

قرآن مجید بے شمار علوم وفنون کا خزینہ ہے۔اس کے متعدد مضامین میں سے ایک اہم ترین مضمون اس کے احکام ہیں۔جو پورے قرآن مجید میں جابجا موجود ہیں ۔احکام القرآن پر مبنی آیات کی تعداد پانچ سو یا اس کے لگ بھگ ہے۔مفسرین کرام نے جہاں پورے قرآن کی تفاسیر لکھی ہیں ،وہیں احکام پر مبنی آیات کو جمع کر کے الگ سے احکام القرآن پر مشتمل تفسیری مجموعے مرتب کئے ہیں۔احکام القرآن پر مشتمل کتب میں قرآن مجید کی صرف انہی آیات کی تفسیر کی جاتی ہے جو اپنے اندر کوئی شرعی حکم لئے ہوئے ہیں۔ان کے علاوہ قصص ،اخبار وغیرہ پر مبنی آیات کو نظر انداز کر دیا جاتا ہے۔زیر تبصرہ کتاب ’’ احکام القرآن‘‘ بھی اسی طرز بھی لکھی گئی چوہدری نذر محمد کی تصنیف ہے۔جس میں انہوں نے تین سو کے قریب موضوعات کے تحت ان موضوعات سے متعلقہ آیات قرآنیہ کو جمع کر دیا ہے۔انہوں نے آیت قرآنی کا متن اور الفاظ لکھنے کی بجائے اختصار کی غرض سے فقط اس کا ترجمہ دینے پر ہی اکتفاء کیا ہے،اور ساتھ سورۃ اور آیت نمبر لکھ دیا ہے،لیکن اس کا نقصان یہ ہوا ہے کہ آیات کے متن کے بغیر اسے پڑھنا ذرا بوجھل محسوس ہوتا ہے۔چوہدری نذر محمد صاحب بنیادی طور پر ایک تاجر پیشہ آدمی تھے ،لیکن حوادثات زمانہ نے انہیں قرآن مجید کے مطالعہ پر مجبور کر دیا۔ انہوں نے اپنے مطالعہ سے جو کچھ اخذ کیا اسے اپنے جیسے دیگر تاجر حضرات کے لئے جمع کردیا تاکہ وہ بھی قلت وقت کے باوجود قرآن مجید کے احکام سے واقف ہو سکیں اور اسی کے مطابق اپنی زندگی گزار سکیں۔یہ کوئی علمی یا تحقیقی کتاب نہیں ہے،بلکہ احکام قرآن پر مبنی معلومات کا ایک مجموعہ ہے۔جو تاجروں جیسے مصروف زندگی گزارنے والے لوگوں کے لئے روشنی کی ایک کرن ہے۔اللہ تعالی مولف کی اس خدمت کو اپنی بارگاہ میں قبول فرمائے اور ان کے درجات حسنات میں اضافہ فرمائے۔آمین(راسخ)(احکام القرآن)

اس کتاب احکام القرآن کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

​

سرگزشت احوال
قرآن مجید کی صفات اور کائنات پر غور و فکر
تخلیق انسان اور موت
جزئیات ایمان
انسانی زندگی کا مقصد
رسالت
سر چشمہ ہدایت
تبلیغ دین
حق کے لیے کوشش
شرک
اخلاقی بیماریاں
معاشرتی بیماریاں
کافر اور کردار اور اس سے سلوک
توبہ
نیک بندوں کے اوصاف
دنیاوی دولت اور اسکی حقیقت
معاشیات
حسن معاشرت
سماجی زندگی
آپس کے تعلقات
شہادت اور عدل
تعلیم و تربیت
عبادات
عائلی قوانین
وراثت
پردے کے احکام
زنا اور قذف
قصاص و حدود
قوموں کا عروج و زوال
جہاد
دفاع
سیاسیات​