اس طرح ہاتھ باندھنا خلاف سنت ہے یا نہیں۔اہل علم روشنی ڈالیں

[ابن قدامہ]

 

[ابن قدامہ]

11208 اٹیچمنٹ کو ملاحظہ فرمائیں

@خضر حیات

@ابوالحسن علوی

@رفیق طاھر

@انس

@کفایت اللہ

@ابن بشیر الحسینوی


دیوبندی اس پر بہت اعتراض کرتے ہیں۔اس لیے اس کا جواب درکار ہے ۔کیوں کے یہ سینے پر نہیں بلکہ ناف سے اوپر باندھنیں ہیں

 

[عبدالرحمن بھٹی]

@خضر حیات

@ابوالحسن علوی

@رفیق طاھر

@انس

@کفایت اللہ

@ابن بشیر الحسینوی

صُمٌّ بُكْمٌ عُمْيٌ فَهُمْ لَا يَرْجِعُونَ

 

[ابن عثمان]

سعودیہ عرب کے علما بیشتر حنبلی فقہ پہ چلتے ہیں ۔
۱۔ المغنی ابن قدامہؒ ان کی بنیادی کتاب ہے ۔اس میں ۔ناف سے نیچے ہاتھ باندھنے کو ترجیح دی گئی ہے ۔
البتہ امام احمدؒ سے دوسری روایت ناف سے اوپر کی بھی ہے ۔ بعض اس پر عمل کرتے ہوں گے۔
۲۔ اور سعودی علما ۔۔حافظ ابن تیمیہؒ ، حافظ ابن قیمؒ کی تحقیقات کو ترجیح دیتے ہیں ۔ شرح عمدۃ ابن تیمیہ اور بدائع و اعلام الموقعین ابن قیم میں ناف سے نیچے کو ترجیح دی گئی ہے ۔ اور دوسری روایت ناف سے اوپر بیان کی گئی ہے ۔ سینے پر باندھنے کو مکروہ لکھا ہے ۔
۳۔ پھر شیخ محمد بن عبد الوھابؒ کی تحقیقات پر عمل ہوتا ہے ۔ مؤلفات الشيخ الإمام محمد بن عبد الوهاب میں بھی ناف سے نیچے کی روایت کو بیان کیا گیا ہے
البتہ چند علما ۔۔شیخ ابن بازؒ وغیرہ نے سینے پر کو ترجیح دی ہے ۔

 

[عبدالرحمن بھٹی]

البتہ چند علما ۔۔شیخ ابن بازؒ وغیرہ نے سینے پر کو ترجیح دی ہے ۔

محترم! نماز میں ہاتھ باندھنے کا مسئلہ ہو یا بیس تراویح کا یہ عملاً متواتر ہیں۔ یہ اختلاف کہ ہاتھ ناف کے اوپر باندھے جائیں یا نیچے حقیقتاً یہ اختلاف ہے ہی نہیں۔ ناف چونکہ مستور ہوتی ہے اور یہ ایک مختصر سی جگہ ہے اس لئے دیکھنے والوں کو اس کے اندازہ میں اشتباہ ہوسکتا ہے۔

 

[ابن عثمان]

محترم! نماز میں ہاتھ باندھنے کا مسئلہ ہو یا بیس تراویح کا یہ عملاً متواتر ہیں۔ یہ اختلاف کہ ہاتھ ناف کے اوپر باندھے جائیں یا نیچے حقیقتاً یہ اختلاف ہے ہی نہیں۔ ناف چونکہ مستور ہوتی ہے اور یہ ایک مختصر سی جگہ ہے اس لئے دیکھنے والوں کو اس کے اندازہ میں اشتباہ ہوسکتا ہے۔

آپ کی بات صحیح ہے ۔ لیکن اس میں جو بھی مسلک ہیں سارے حدیث سے ہی استدلال کرتے ہیں ۔
اب ایک آدمی دوسرے کی گنجائش ہی نہ رکھے تو یہ تشدد معلوم ہوتا ہے ۔
ایک جانب سے مؤمل بن اسماعیل کو ثقہ یا ضعیف ثابت کیا جاتا ہے تو دوسری جانب سے عبد الرحمن بن اسحاق کو ۔
چلیں علمی حوالے سے ترجیح دے لیں ۔ لیکن دوسرے کے بارے میں سینہ کو کشادہ رکھیں ۔ جزاک اللہ

 

[عبدالرحمن بھٹی]

ایک جانب سے مؤمل بن اسماعیل کو ثقہ یا ضعیف ثابت کیا جاتا ہے تو دوسری جانب سے عبد الرحمن بن اسحاق کو ۔
چلیں علمی حوالے سے ترجیح دے لیں ۔ لیکن دوسرے کے بارے میں سینہ کو کشادہ رکھیں ۔ جزاک اللہ

محترم! اس میں راویوں کی بجائے محدثین کرام کے مشاہدات پر نظر کریں۔ نماز ایک ایسا عمل ہے جو ہر عاقل بالغ شخص دن میں پانچ مرتبہ مسجد میں ایک کثیر مجمع میں کرتا ہے۔ یہ عمل قولی حدیث سے نہیں بلکہ فعلی حدیث سے اخذ شدہ ہے۔ اس فعلی حدیث پر متواتر عمل رسول اللہ صلی اللہ علیہ وسلم سے لے کر آج تک متواتر ہے۔ اس عمل کو کرنے والے صرف راوی حضرات ہی نہ تھے بلکہ تمام امتِ مسلمہ اس پر عمل پیرا تھی اور ہے۔ اس میں کسی فقیہ یا محدث کا اختلاف نہیں تھا یہ تو بارہ سو سال بعد چھوڑا گیا شوشہ ہے۔

 

[ابن عثمان]

آپ جس کو فعلی حدیث کہہ رہے ہیں ۔ مراد غالباََ تعامل امت ہے ۔ یہ بالکل صحیح ہے ۔ بلکہ یہ تو پورے دین کے بارے میں ہے ۔ یہی وجہ ہے کہ حضرت ابوبکرؓ و عمرؓ سے مروی احادیث اصاغر صحابہؓ سے بہت کم ہیں ۔امت نے تعامل ان سے سب سے زیادہ حاصل کیا ۔
البتہ آپ کی بات سے جو یہ سمجھ آ رہا ہے کہ ناف سے اوپر اور نیچے میں کوئی اختلاف نہیں تو یہ مناسب نہیں ۔ یہ تو شروع سے ہے ۔ بعض نے ایک کو ترجیح دی ہے ۔ بعض نے دوسرے کو ۔ البتہ یہ بات صحیح ہے کہ جن علما امام ترمزیؒ وغیرہ کی باتوں سے جو بات نکلتی ہے وہ واقعی بہتر معلوم ہوتی ہے کہ ان دونوں میں اختلاف سمجھنا ہی نہیں چاہیے ۔
البتہ سینہ پر ہاتھ باندھنا جس کی تعبیر فوق الصدر کے ساتھ ہے تو وہ واقعی بعد کی بات ہے ۔ قدما ميں بھی امام بیہقیؒ نوویؒ اور دوسرے شافعی محدثین جو علی صدرہ کی احادیث سے استدلال کرتے ہیں تو اس کی تعبیر سینے سے نیچے کی ہی لیتے ہیں ۔

 

[عبدالرحمن بھٹی]

آپ جس کو فعلی حدیث کہہ رہے ہیں ۔ مراد غالباََ تعامل امت ہے ۔

محترم! احادیث کی اقسام میں سے ایک قسم ”فعلی“ حدیث کی ہے کہ صحابہ کرام نے رسول اللہ صلی اللہ علیہ وسلم کو ایسا کرتے دیکھا۔ اس عمل کے بارے رسول اللہ صلی اللہ علیہ وسلم کا کوئی ارشاد مروی نہیں۔

البتہ آپ کی بات سے جو یہ سمجھ آ رہا ہے کہ ناف سے اوپر اور نیچے میں کوئی اختلاف نہیں تو یہ مناسب نہیں ۔

محترم! چونکہ یہ رسول اللہ صلی اللہ علیہ وسلم کے فعل کا مشاہدہ ہے اور مشاہدہ میں فرق ہونا لازم ہے الا ماشاء اللہ۔ ناف ایک مختصر سی جگہ ہے اور اس پر ستر کی وجہ سے کپڑا بھی ہوتا ہے۔ اس لئے مشاہدہ کرنے والے کو غلطی لگنے کا قوی امکان ہے کہ ہاتھ ناف کے اوپر ہیں یا نیچے۔