اصول حدیث باتصویر

[رفیق طاھر]

بسم اللہ الرحمن الرحیم
محترم اراکین مجلس !
السلام علیکم ورحمۃ اللہ وبرکاتہ
[FONT=_pdms_saleem_quranfont]أحمد إلیکم اللہ الذی لا إلہ إلا ھو , وبعد !
ہم اس موضوع میں محدثین کی اصطلاحات کو سیکھیں گے ۔ إن شاء اللہ تعالى
[/FONT]​

علمائے حدیث کے مراتب​

علمائے حدیث کے مراتب بالترتیب درج ذیل ہیں :

۱۔ أمیر المؤمنین (فی الحدیث)
۲۔ الحافظ
۳۔ المحدث
۴۔ المسند

ان رتبوں کی وضاحت

أمیر المؤمین : وہ ہوتا ہے جسے چند احادیث کے سوا تمام تر احادیث کی اسانید ومتون وعلل کا علم ہو ۔
حافظ : جو روایۃ اور درایۃ علم حدیث میں مشغول ہو جائے , اور ہر طبقہ کے رواۃ اور انکی اسانید کی اسے پہچان حاصل ہو اور کم ہی کے بارہ میں وہ لاعلم ہو ۔
محدث : جو روایۃ اور درایۃ علم حدیث میں مشغول ہو جائے , اور اکثر روایات اور راویوں کے حالات کا اسے علم ہو ۔
مسند : جو حدیث کو اپنی سند سے روایت کرے , خواہ اسکے پاس علم ہو یا نہ ہو

 

[رفیق طاھر]

غریب​

غریب حدیث وہ ہوتی ہے جسکی سند کے کسی طبقہ میں صرف ایک راوی رہ جائے ۔

تنبیہ : عموما لوگ غریب روایت کو ضعیف سمجھتے ہیں , جبکہ ایسا نہیں ہے بلکہ غریب روایات صحیح بھی ہوتی ہیں اور ضعیف بھی ۔ صحیح بخاری میں بھی بہت سی روایات غریب ہیں ۔

 

[رفیق طاھر]

عزیز​

عزیز حدیث : وہ ہوتی ہے جسکے ہر طبقہ میں کم از کم دو راوی ہوں

 

[رفیق طاھر]

مشہور​

مشہور حدیث : اس حدیث کو کہتے ہیں جسے روایت کرنے والے راوی ہر طبقہ میں کم از کم تین ہوں ۔ تین سے زیادہ رواۃ والی حدیث کو بھی مشہور ہی کہتے ہیں جب تک وہ تواتر کی حد کو نہ پہنچے ۔

تنبیہ : خبر کا مشہور ہونا اسکی صحت کی دلیل نہیں ہے ۔ بسا اوقات جھوٹی خبریں بھی مشہور ہوتی ہیں ۔

تنبیہ ثانی : عام طور پر مشہور روایت ایسی روایت کو سمجھا جاتا ہے جسے اکثر لوگ جانتے ہوں مثلا : علم حاصل کرو خواہ تمہیں چین جانا پڑے ۔

​

 

[رفیق طاھر]

متواتر​

متواتر حدیث : اسے کہتے ہیں جسے روایت کرنے والی ایسی بڑی تعداد ہو کہ جن کا جھوٹ پر جمع ہو جانا عادۃ محال ہو ۔

 

[رفیق طاھر]

شاہد​

شاہد : ایک صحابی کوئی حدیث نبی کریم صلى اللہ علیہ وسلم سے روایت کرے , پھر وہی حدیث یا اسکے ہم معنى حدیث کوئی دوسرا صحابی بھی رسول اللہ صلى اللہ علیہ وسلم سے روایت کرے ۔ اور ان دونوں کی سندیں بھی الگ الگ ہوں تو ان رویتوں کو شاہد کہتے ہیں مثلا کہا جاتا ہے کہ پہلی حدیث کی شاہد دوسری حدیث ہے

 

[رفیق طاھر]

حدیث قدسی ​

حدیث قدسی : وہ حدیث ہے جس میں نبی کریم صلى اللہ علیہ وسلم فرمائیں "اللہ تعالى نے فرمایا ہے"

​

 

[رفیق طاھر]

معلق​

معلق روایت اسے کہتے ہیں جس میں مصنف سند کے آغاز سے کچھ راوی ذکر نہ کرے بلکہ سند درمیان سے یا آخر سے بیان کرنا شروع کرے
یا دوسرے لفظوں میں جس روایت کی سند کے شروع سے کچھ راویوں کو حذف کر دیا جائے

 

[رفیق طاھر]

منقطع​

منقطع روایت اسے کہتے ہیں جسکی سند کے درمیان سے کوئی راوی حذف ہو

 

[رفیق طاھر]

معضل​

معضل روایت اسے کہتے ہیں جسکی سند سے دو یا زائد راوی مسلسل حذف ہوں