محترم بھائی باطل شکن بھائی کی پوسٹ پر آپ نے کہا تھا کہ
حافظ سعید صاحب نے فلسطین اور شام میں قتل ہونے والے مظلوم مسلمانوں کے لیے جلوس کیوں نہیں نکالا؟
اس پر میں نے لکھا تھا کہ بھائی حمایت کرنا جلسے جلوس تک ہی محدود ہے یا کوئی اور طریقے بھی ہوتے ہیں۔؟ آپ نے اس کا جواب دیا کہ
’’حمایت کے مختلف طریقوں پر بات نہیں ہو رہی‘‘ میرے سوال کا جواب نہ دینے کی تین وجہیں ہوسکتی ہیں، ایک حمایت کو جلسے جلوس تک ہی محدود سمجھنا، دوسری سوال کو بحث سے غیر متعلق سمجھنا، تیسری سوال کا جواب دے کر بات کو تسلیم نہ کرنا اور بات آگے بڑھاتے جانا۔ اب آپ ہی اس بات کی وضاحت پیش کرسکتے ہیں کہ آپ نے کس وجہ سے جواب نہیں دیا تھا۔؟ کیوں کہ قول آپ کا ہے۔ اس لیے تشریح آپ ہی کریں تو بہتر بھی ہوگی اور معتبر بھی۔ کیونکہ قائل اپنے قول کی جو تشریح کرے وہی مانی جاتی ہے۔
الحمدللہ، ہم حق کو قبول کرنے والے لوگ ہیں،
جزاکم اللہ خیرا ... ہر انسان میں یہ صفت ہی ہونی چاہیے۔۔ جب حقائق کو بادلائل ثابت کردیا جائے اور اٹھنے والے تمام شکوک وشبہات دور کردیئے جائیں تب انکار کرنا ایسی قابل نفرت حرکت ہوتی ہے، جس سے جتنی نفرت کی جائے اتنا ہی کم ہے۔
آپ سے صرف ثبوت کہا تھا جو آپ نے دے دیا
میرے ثبوت دینے کا اعتراف ہی آپ کی طرف سے کافی ہے یا آپ کا تسلیم کرنا بھی کوئی معنیٰ رکھتا ہے۔؟
لیکن ساتھ میں بدگمانی کا موقع بھی ہاتھ سے نہ جانے دیا۔
یہ آپ کی طرف سے پروپیگنڈہ سمجھوں ؟ فریق مخالف کا جوابی پوسٹ میں ہر بات اپنی طرف موڑ لینا اور اپنے پہ فٹ کرتے جانا اور اس کا مصداق خود کو سمجھتے جانا اچھا عمل نہیں۔بلکہ نفسیاتی مرض میں اس عمل کا شمار ہوتا ہے۔ بسااوقات مبہم بات کرکے کئی ایسے لوگوں کی طرف اشارہ کرنا مقصود ہوتا ہے۔ جو کی گئی بات کے عین مصداق ہوتے ہیں۔۔ جن میرے الفاظ سے آپ نے بدگمانی کا نشان حیدر مجھے دیا وہ دوبارہ دیکھیں
’’ حق کو قبول کرنے والوں کےلیے ایک ہی ثبوت کافی ہوتا ہے۔ لیکن جن میں میں نہ مانوں کی سوچ جنم لے چکی ہو ان کے سامنے ثبوتوں کے انبار بھی لگا دو تو تسلیم نہیں کریں گے ‘‘
کیا آپ یقین سے کہہ سکتے ہیں کہ ان الفاظ کا مصداق میں نے آپ کو ہی ٹھہرایا تھا ؟ میں حلفاً کہنے کو تیار ہوں کہ جب میں یہ الفاظ لکھ رہا تھا۔ تب بھی میرے ذہن میں ایسی کوئی بات نہیں تھی، جس کو آپ نے اپنی چادر سمجھا اور جوابی طور مجھے بدگمانی کرنے والا بنا دیا۔۔۔ جناب مثبت سوچ رکھا کریں اور کبھی ایسی حرکت نہ کیا کریں جس پر شرمندہ ہونا پڑے۔۔ شکریہ
اور پھر آپ کی طرف سے مجھے دیا گیا بدگمانی والے طمغے کا رد میرے ان الفاظ میں بھی موجود ہے۔
’’ آپ کو کھلی چھٹی ہے آپ مزید ثبوت بھی طلب کرسکتے ہیں۔‘‘ یہ الفاظ اس بات پر صریح ہیں کہ قطعی طور میرے الفاظ کا اشارہ آپ کی طرف نہیں تھا۔۔
باقی نہ کوئی کسی کی زبان باندھ سکتا ہے اور نہ قلم توڑ سکتا ہے۔۔ ہر کسی کو حق ہوتا ہے جو مرضی کہے۔۔ لیکن جو کہا جائے وہ بھی ایسا کہا جائے کہ کم از کم بعد میں شرمندہ نہ ہونا پڑے۔۔ لیکن جن لوگوں میں حیاء وغیرت ختم ہوجاتی ہے تو ان بارے شریعت ہماری اس طرح رہنمائی کرتی ہے۔(میرے ان الفاظ کا مصداق آپ قطعی طور نہیں۔ وہ تمام لوگ مراد ہیں جن میں یہ دونوں صفتیں نہ ہوں)
" عن أبي مسعود رضي الله عنه قال : قال رسول الله صلى الله عليه وسلم : "إن مما أدرك الناس من كلام النبوة الأولى : إذا لم تستح فاصنع ما شئت" رواه البخاري"
اس حدیث سے ثابت ہوتا ہے کہ جب انسان بےحیا او ربےغیرت ہوجائے تو جو کچھ مرضی کرتا پھرے۔ کیونکہ حیاء اور غیرت ہی ایسی چیز ہوتی ہے جو انسان کو کنٹرول میں رکھتی ہیں، لیکن اگر یہ دونوں ہی ختم ہوجائیں تو پھر انسان انسان نہیں جانور ہوجاتا ہے۔
یہ ساری باتیں سخت لہجے میں کہنے کی وجہ یہ ہے کہ آپ سے بات چیت میں اگر فریق کوئی اس طرح کی بات بھی کردے جس کی حد میں آپ دور دور تک بھی نہ آتے ہوں، آپ وہی بات اپنے پہ فٹ کردیتے ہیں۔ ثبوت کےلیے
آپ اس پوسٹ اور اس کےجواب میں آپ کی طرف سے کی جانے والی پوسٹ کو پڑھ لیں۔
محترم تمام وہ باتیں جو مشتبہ ہوں، ذو معنیٰ ہوں، مبہم ہوں۔ ان کا منفی مطلب لے کر اپنے پہ فٹ کردینا درست عمل نہیں۔ مثال کے طور پر میری کسی سے بحث ہوتی ہے اور میں لفظ بولتا ہوں
’’ قروء ‘‘ اس لفظ کے علماء نے دو مطلب بیان کیے ہیں۔ جب تک فریق مخالف مجھ سے جان نہیں لے گا کہ اس ذو مطلب لفظ سے آپ کونسا مطلب لے رہے ہیں۔ تب تک کسی ایک مطلب کو لے کر میری طرف کوئی بھی بات منسوب نہیں کرسکتا۔
اور شاید آپ کو اس اصول کا بھی پتا ہوگا۔ اگر نہیں پتہ تو جان لیں کہ قائل اگر ایسے الفاظ بولتا ہے جن کے کئی مطالب لیے جاسکتے ہیں۔ تو پھر قائل سے ہی وضاحت طلب کرنا ضروری ہوتا ہے۔۔ اس لیے محترم کبھی بھی مدمقابل کے اس قبیل کے الفاظ پکڑ کر بدگمانی کا طمغہ دینا مناسب امر نہیں ۔۔
معلوم ہوتا ہے کہ جماعت الدعوۃ کی کاروائیوں پر ثبوت مانگنا آپ کو اچھا معلوم نہیں ہوا۔
آپ کی معلومات غلط ہیں۔۔ پلیز درست کرلیں۔۔شکریہ
يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ۔۔۔﴿
١٢﴾۔۔۔سورۃ الحجرات
ایسے دروس کا کچھ حصہ انسان اپنے لیے بھی چھوڑ دے تو
’’ لِمَ تَقُولُونَ مَا لَا تَفْعَلُونَ ‘‘ کے ذمرےمیں نہیں آتا۔۔۔ مجھے تو بدگمانی کے بارے درس دیا جارہا ہے۔ لیکن آپ نے میرے بارے میں جو خوبصورت سے خوبصورت الفاظ میں بدگمانی کی
(بدگمانی کا موقع بھی ہاتھ سے نہ جانے دیا۔) وہ کس کھاتے میں جائے گی۔؟ اگر مجھے ایسے ظنون سے بچنے کا درس دیئے جارہے ہو جو اثم میں آتے ہیں تو پہلے خود بھی ایسے ظنون سے بچو جو اس قبیل کے ہوں....اگر آپ کہیں کہ میں نے ایسا ظن کسی کے بارے میں کیا ہی نہیں تو مجھے بتاؤ مجھے بدگمانی کرنے والا بتانا ایسا ظن نہیں جو اثم میں آتا ہو؟
مجھے معلوم ہے کہ جن الفاظ کو پڑھ کر آپ نے استغفراللہ واتوب الیہ کی صدائیں بلند کی ہیں۔۔ گزارش ہے کہ الفاظ دوبارہ پیش کیےجاتے ہیں۔ دوبارہ پڑھیں۔
’’ لوگوں کا حال یہ ہوتا ہے خود کچھ کرنا نہیں ہوتا لیکن جو لوگ کررہے ہوتے ہیں ان کے خلاف بس باتیں کرنا اور باتیں بنانا ہوتا ہے ‘‘
پہلی بات کیا آپ کو معلوم ہے کہ میں نے یہ الفاظ کیوں اور کن کے خلاف لکھے ہیں۔؟ ....اگر معلوم ہیں تو بتائیں اور اگر معلوم نہیں تو پھر حرکت میں آنے کی وجہ ؟؟ دوسری بات میرے یہ الفاظ کسی خاص کےلیے ہیں ہی نہیں۔الفاظ میں عموم ہے اور اس عموم میں ہر وہ بندہ شامل ہے جو ایسا کررہا ہوں۔۔ چاہےوہ آپ ہوں یا کوئی دوسرا تیسرا۔۔ اگر آپ ایسا نہیں کررہے ( اور یقیناً نہیں کررہے کیونکہ میں آپ کو اچھی طرح جانتا ہوں اگر کسی جگہ آپ کا اختلاف بھی ہے تو وجوہات آڑے ہیں۔) تو پھر آپ اپنے آپ کو ان الفاظ کا مصداق کیوں ٹھہرا رہے ہیں؟ کیا اس کی وجہ میں جان سکتا ہوں۔؟
آپ سے اس بات کی امید نہیں تھی۔
اور آپ سے بھی مجھے یہ امید نہیں تھی کہ آپ مجھے بدگمانی کرنے والا بتلائیں۔۔۔ تفصیلی وضاحت کردی ہے۔ امید ہے سمجھ آجائے گی۔ ان شاءاللہ
ہمیں جو اللہ نے توفیق دی ہے ہم وہ کر رہے ہیں۔الحمدللہ
الحمد للہ ... بہت خوشی ہوئی آپ کی یہ بات پڑھ کر..... لا اکراہ فی الدین .... اور دین میں بھی یہی مطلوب ہے کہ جو انسان کی طاقت میں ہو، اور جو وہ کرسکتا ہو اسے وہ کرنا چاہیے۔۔
آپ کے لہجے کی کرختگی سے معلوم ہو رہا ہے کہ جماعت الدعوۃ بہت کچھ کر رہی ہے اور ہم اسے تسلیم نہیں کر رہے؟
میرے الفاظ میں اگر سختی ہے تو اس کے ذمہ دار آپ ہیں۔۔ اور دوسری بات جماعت الدعوۃ کیا کررہی ہے یا کیا نہیں کررہی مجھے بھی اس سے کوئی غرض نہیں۔۔ آپ نے ایک غلط بات کی میں نے اسی پر لکھا۔۔
ذرا بتانا پسند کریں گے آخر اتنے سالوں میں ہوا کیا ہے، فلاحی کاموں سے ہٹ کر دین کی خدمت کے حوالے سے عقائد کی درستگی کے حوالے سے، عقیدہ الولاء والبراء کے حوالے سے۔
بڑھیا لطیفہ چھوڑا ہے آپ نے ؟ کیا آپ کوئی ایسا ثبوت پیش کرسکتے ہیں کہ جماعت الدعوۃ نے نہ کبھی دین کی خدمت کی ہو ؟ نہ کبھی عقائد کی درستگی پر زور دیا ہو ؟ ۔۔ پھر اس سے بہتر جواب میں آپ کو پہلے دے چکا ہوں کہ مجھے اس طرح کی باتوں سے کوئی غرض نہیں۔۔ آپ کی ایک بات غلط تھی، اسی کو غلط ثابت کرنا تھا۔۔ اور آپ کے ثبوت مانگنے پر کر بھی دیا۔۔۔
دین کی خدمت کی بات کے حوالے کہہ رہا ہوں کہ آپ مجھے بتائیں کہ فلاحی کام کرنا شرعی امر نہیں؟ اور شرعی امر کو پورا کرنا دین کی خدمت نہیں ہوتا ؟ ....
جو امیر حمزہ مزارات کے رد میں کتابیں لکھا کرتا تھا آج وہی امیر حمزہ مزاروں پر جا کر تقریریں کرتا ہے؟ کیا یہی کچھ ہوا ہے؟
اس پر مجھے یہ ثبوت درکار ہیں
1۔ پہلے آپ اس بات کا ثبوت دیں کہ امیر حمزہ صاحب نے مزاروں پر جا کر تقریریں کی ہوں ؟
2۔ یہ ثبوت اگر آپ نے دے دیا تو پھر آپ کو یہ وضاحت کرنا ہوگی کہ امیر حمزہ صاحب نے تقریر کیوں کی؟
3۔ تقریر کیوں کی کا بھی اگر آپ نے جواب دےدیا تو پھر آپ کو ثابت کرنا ہوگا یا وہ تقریر سامنے لانا ہوگی جو امیر حمزہ صاحب نے مزار پر جاکر مزار پر آناجانا، مزار بنانا درست کہا ہو ؟
4۔ اگر آپ یہ بھی ثابت کردیں تو آپ کو بتلانا ہوگا کہ کسی ایک شخص کاعمل پوری جماعت کے آئین کو مسترد کردیتا ہے ؟
اللہ کی راہ میں کیے گئے جہاد سے بہت فائدہ ملتا ہے آدمی شہید ہو جائے تو سبحان اللہ، جنت میں جاتا ہے اور اگر زندہ بچ جائے تو بھی اسے جہاد کے ثمرات حاصل ہوتے ہیں۔ آپ مجھے بتائیں کہ جہاد کشمیر سے وہ فوائد حاصل کیوں نہیں ہو رہے جو صحابہ کرام رضی اللہ عنھم اجمعین کو ہوتے تھے۔
میری طرف سے بچگانہ سوال کا بہترین جواب یہ ہے کہ آپ جماعت الدعوۃ کے مراکز میں جا کر خود تشفی لیں۔۔۔ اس سوال کا جواب طلب کرنے سے پہلے ذرا اس بات پر بھی غور کرکے جانا کہ ملک پاکستان میں صرف اہل حدیث مدارس سے ہر سال کتنے طلباء فضیلت کی پگڑی پہنتے ہیں۔ لیکن آج تک ملک پاکستان میں نفاذ اسلام کیوں نہیں ہوا ؟
دوسری بات آپ نے خود کتنی بار جہاد کشمیر میں حصہ لیا ہے۔کتنی بار آپ نے اپنے کشمیری بھائیوں اور بہنوں کو ظالم انڈیا کے قبضے سے چھڑانے کے لیے بندوق اٹھائی ہے، اگر ایسا نہیں کیا تو اس کی کیا وجہ ہے؟
نیو جواب لکھنے کی تکلیف سے بچنے کےلیے آپ والا جواب پوسٹ کرنا حفاظت سمجھ رہا ہوں
ہمیں جو اللہ نے توفیق دی ہے ہم وہ کر رہے ہیں۔الحمدللہ
نوٹ:
اگر مثبت سوچ رکھ کر بات کرنے کا ارادہ ہو تو ٹھیک ورنہ
’’ السلام علیکم ورحمۃ اللہ وبرکاتہ ‘‘![محدث فورم [Mohaddis Forum]](/styles/default/xenforo/Forum.jpg)
