اقوال سلف

[عمر السلفی۔]

”اس دوست کی محبت باقی رہ جاتی ہے جس کی عملی محبت اس کے زبانی دعووں سے زیادہ ہو۔ وہ اپنے بھائی کے ساتھ جتنا بھی بھلا کر لے، اسے کم ہی سمجھے۔ جبکہ اپنے بھائی کی طرف سے محبت کے قلیل اظہار کو بھی بہت زیادہ خیال کرے۔“

(ابن السماك || التذكرة الحمدونية : ٣٧٧/٤)

 

[عمر السلفی۔]

”میرے نزدیک مر جانا جدا ہونے سے زیادہ آسان ہے۔“

(طوق الحمامة لابن حزم : ٩١)

 

[عمر السلفی۔]

”جدائی اسی پر گراں گزرتی ہے جو کریم النفس ہو۔“

(العود الهندي لعبدالرحمن السقاف : ٣٠٠)

 

[عمر السلفی۔]

ایک دفعہ عمر بن عبدالعزیز رحمہ اللہ نے طویل وعظ کیا اور فرمایا : ”کیا یہ قبروں والے گھٹا ٹوپ اندھیرے میں نہیں ہیں؟ کیا ان کیلیے دن اور رات برابر نہیں ہو گئے؟!"

(أهوال القبور وأحوال أهلها إلى النشور لابن رجب : ١٣٢)

 

[عمر السلفی۔]

ایک دفعہ گھر کا چراغ بجھا تو ہشام الدستوائی رحمہ اللہ زمین پر گر پڑے۔ بیوی نے پوچھا کیا ہوا؟ فرمایا : مجھے قبر کا اندھیرا یاد آ گیا تھا۔

(طبقات ابن سعد : ٢٧٩/٧)

 

[عمر السلفی۔]

شیخ الاسلام عبداللہ بن مبارک رحمہ اللہ کے بارے میں حافظ نووی رحمہ اللہ لکھتے ہیں :

”ایسا امام کہ ہر چیز میں جس کی امامت و جلالت پر اجماع ہے، جس کا ذکر نزولِ رحمت کا سبب بنتا ہے، جس سے محبت کا دم بھر کے مغفرت کی امید کی جاتی ہے۔“

(تهذيب الأسماء واللغات : ٣٩٤/١)

 

[عمر السلفی۔]

وأما السياسة الشرعية فهي جزء من البصيرة التي نجدها حيَّة في سنّة النبي -صلى الله عليه وسلم- وسيرته المباركة في الدعوة والجهاد وتصرفاته في الولاية بجميع مجالاتها.

سیاسی وابستگیاں اور حزبی تعصبات خون کو سفید، دلوں کو پتھر اور بصیرتوں کو ویران کر دیتے ہیں۔ مفسر و فقیہ علامہ شنقیطی رحمہ اللہ فرمایا کرتے تھے ”السياسة بنت الكلب!“ اور واقع اس پر بہترین شاہد ہے۔

 

[عمر السلفی۔]

”مولا! تو نے مجھے کمزور پیدا کیا اور میں نے کمزوروں کی طرح ہی تیری عبادت کی ...“

(الفصول والغايات لأبي العلاء المعري : ٥٩/١)

 

[عمر السلفی۔]

”عقل مند انسان جب اپنی گھر والیوں کے ساتھ ہوتا ہے تو عقل کو ایک طرف رکھ دیتا ہے، ہنسی مزاح اور بے تکلفی سے کام لیتا ہے، تاکہ اپنے نفس اور بیوی کا حق ادا کرے۔ اسی طرح جب بچوں کے ساتھ ہوتا ہے تو بچہ بن جاتا ہے، اور سنجیدگی کو پرے کر دیتا ہے۔“

( ابن عقيل الحنبلي رحمه الله || الآداب الشرعية : ٢٣٩/٣ )

 

[عمر السلفی۔]

ماضی قریب کے مؤرخ اور عالم ابراہیم العياشى رحمہ اللہ نے ازواج مطہرات کے حجرات اور ان کی تحدید و تعیین پر ایک کتاب لکھی، جس میں انہیں بیس سال لگے۔ ایک روز ان کی بیوی سے لڑائی ہوئی تو بیوی نے وہ کتاب جلا دی جس کے اثر سے انہیں فالج ہو گیا اور ١٤٠٠ھ میں ان کی وفات ہوئی۔

(ملتقطات العويد : 51/2)