فیچرز السلام علیکم ایک کتاب کے بارہ رہنمائی درکار ہے.

[اسحاق سلفی]

بھائی میں عربی تو بالکل نہیں جانتا کسی نے مجھے بتایا تھا کہ اس کتاب کے حوالے سے محدث فورم پر چھان بین کرو

آپ کے سوال پر چھان بین کی تو پتا چلا کہ امیجز والی عبارت لکھنے والا شاید شیعہ ہو ،کیونکہ اہل سنت کی کتب میں ذاکرین نہیں ہوتے ،
لیکن آپ چھان بین کرنے والے کو گلابی عربی والا کہہ کر چھیڑنے پر کمر بستہ نظر آئے ،
اور یہ بھی خوب کہی کہ :

اس فورم پر تحقیق کا یہی حال ہے کہ صرف اندازوں سے بات کی جاتی ہے تو تحقیق کا اللہ ہی حافظ ہے...

پیارے بھائی !
پتا نہیں آپ کس چیز کو تحقیق کہتے ہیں ،اگر بتادیں تو ہوسکتا کہ محدث فورم پر ہم بھی تحقیق کے گل کھلانے لگیں !
۔۔۔۔۔۔۔۔۔۔۔۔۔۔۔۔۔۔۔۔۔

 

[خضر حیات]

یہ علماء و ذاکرین کا ترجمہ کرنے والے کی عربی دانی اور علمی حالت دیکھنی ہو تو "تہذیب التہذیب " میں متعلقہ اصل عربی عبارت دیکھ لیجئے :
قال الخطيب: "ورد بغداد في أيام أحمد وجالس بها العلماء وذاكرهم, وكان ثقة فهما عالما فاضلا"
ترجمہ : (احمد بن سعید ) امام احمدؒ کے دور میں بغداد آئے ، اور بغداد میں علماء کی مجالس میں شرکت کی ،اور ان سے مذاکرے کئے ،اور (قانون روایت کے لحاظ سے ) ثقہ اور فہیم عالم فاضل تھے ،انتھی
ــــــــــــــــــ
لگتا ہے امیج والا ترجمہ کسی شیعہ یا ان متاثر مقلد نے کیا ہے ۔اسی لئے "علماء ،ذاکرین " کی مجالس برپا کردیں ۔

انا لله وانا اليه رجعون- کس قدر فاش غلطی ہے۔
ایسے لوگ علم رجال کا جتنابھی ذوق رکھتے ہوں، جب تک بنیادی مہارتیں نہ ہوں، اس فن میں تصنیف وتالیف سے اجتناب کرنا چاہیے۔
مزی نے تہذیب الکمال کے مقدمہ میں طالب حدیث کے لیے جن بنیادی چیزوں کا ذکر کیا ہے، اس میں ایک عربی زبان کی بھی مہارت ہے۔

 

[ابو حسن]

تو ہوسکتا کہ محدث فورم پر ہم بھی تحقیق کے گل کھلانے لگیں

اس پر تو " ابتسامہ " ہی ہے فقط

 

[ابن داود]

السلام علىكم ورحمة الله وبركاته
Ibn ul qartas بهائى جس كسى نے آپ کو واٹس ایپ کیا ہے، اس سے رجوع کیجیئے، یہ کتاب یہاں متحرک صارفین کی نظر سے شاید نہیں گزری
جو اسکین آپ نے لگائیں ہیں اس پر کچھ اظہار رائے رقم کیا ہے!
رہی بات، شیعہ یا شیعہ متاثر مقلد کہنے کی، تو یہ نقد کا ایک اسلوب ہے
کہ جو بھی ملتا ہے تم سا ہی نظر آتا ہے

کہ ذاكرهم سے پاکستانیوں جیسے ذاکرین کشید کرلئے

 

[saeedimranx2]

السلام علیکم! حضرات میں یہاں عرض کرنا چاہتا ہوں کہ ان بھائی نے جو سکرین شاٹس لگائی ہیں ، وہ میری ٹائپنگ اور پی ڈی ایف ہے، وضاحت کرتا چلوں کہ یہ میرا ذاتی پروجیکٹ ہے ، جس میں تہذیب الکمال کے رواۃ پر ایک تفصیلی تحقیق کی جائے ،تہذیب الکمال کی پہلی دو جلدوں پر مشتمل ڈرافٹ تیار ہو چکا ہے،جسے میں ساتھ ساتھ دیکھتا اور ٹیسٹ کرتا رہتا ہوں، تو اس حوالے سے اگر ترجمہ میں کوئی غلطی محسوس ہوئی ہے تو اس کے لئے معذرت، باقی یہ کہ اگر اسلوب سے لگتا ہے کہ یہ کسی رافضی یا شیعہ کا ترجمہ ہے تو ،راقم الحروف اس دنیا کے سب سے قبیح رافضی حسن اللہ یاری کو ایک بار سے زائد "مسئلہ امامت " پر مناظرہ کا چیلنج کر چکا ہے۔۔ بس صرف اتنا ہی عرض ہے۔۔۔ جزاک اللہ