- شمولیت
- مارچ 07، 2012
- پیغامات
- 682
- ری ایکشن اسکور
- 745
- پوائنٹ
- 301
الله تعالیٰ کو محبوب کلمات
عن أبي هريرة رضي الله عنه قال رسول الله صلى الله عليه وسلم : "كَلِمَتَانِ خفيفتان على اللسان، ثقيلتان في الميزان، حبيبتان إلى الرحمن: سبحان الله وبحمده، سبحان الله العظيم ".
[صحيح] - [متفق عليه]
ابو ہریرہ رضی اللہ عنہ سے روایت ہے کہ رسول اللہ ﷺ نے فرمایا :
”دو کلمے ایسے ہیں جو زبان پر بڑے ہلکے ہیں، میزان میں بڑے وزنی ہیں، رحمٰن کو بڑے محبوب ہیں وہ ”سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ“ ہیں“
سُبْحَانَ اللَّهِ ۔۔
اللہ تعالیٰ کو ہرقسم کے شرک نقص عیب اور ایسی چیزوں سے پاک قرار دینا جو اس کے لائق نہیں اور حمد کا معنی اللہ کی ان تمام صفات کمال کے ساتھ تعریف کرنا جو اس کی شان کے لائق ہو۔
تسبیح توحید کا بہترین اظہار ہے اللہ تعالیٰ کے لیے اچھے اچھے نام ہیں اللہ تمام بری صفات سے پاک ہے اللہ تعالیٰ کے ہر کام میں خیر ہے اور اس سے خیر ہی کی توقع کی جاتی ہے۔۔
اس میں سبحان اللہ کی تکرار ہے اللہ ذاتی نام اور العظیم صفاتی نام ہے۔
سُبْحَانَ اللَّهِ الْعَظِيمِ
یعنی ہم جتنی بھی تسبیح کر لیں اللہ کی عظمت کہیں زیادہ ہے۔
ان کلمات کو پڑھنے کی سب سے بڑی موٹیویشن۔۔۔
حبیبتان الی الرحمن
ہمارے رب کو محبوب ہیں۔۔
قرآن مجید میں بہت سے مقامات پر ہر مصیبت اور تنگی میں صبر اور تسبیح و حمد کا حکم دیا۔
(النصر۔3)
{فَلَوْ لَاۤ اَنَّهٗ كَانَ مِنَ الْمُسَبِّحِيْنَ… :} ’’
اگر یہ بات نہ ہوتی کہ وہ تسبیح کرنے والوں میں سے تھا‘‘ تو مچھلی کا پیٹ ہی قبر بن جاتا ۔ وہ اس سے پہلے بھی ہمیشہ اللہ تعالیٰ کی تسبیح اور ذکر کرنے والے تھے اور اور اس وقت بھی اللہ تعالیٰ کی تسبیح کرتے ہوئے کہا :
« لَاۤ اِلٰهَ اِلَّاۤ اَنْتَ سُبْحٰنَكَ اِنِّيْ كُنْتُ مِنَ الظّٰلِمِيْنَ الصافات( 143-144)
تسبیح سے چہرے کے خطوط چمک اٹھتے ہیں اور مسلسل حمد سے خیرو برکات نصیب ہوتی ہیں اور استغفار سے بند دروازے کھل جاتے ہیں ۔
سبحان الله وبحمده، سبحان الله العظيم