- شمولیت
- اپریل 27، 2013
- پیغامات
- 26,582
- ری ایکشن اسکور
- 6,751
- پوائنٹ
- 1,207
اللہ سے نہ مانگنے والے پر اُس کا غضب
سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:
(( إِنَّہُ مَنْ لَّمْ یَسْأَلِ اللّٰہَ یَغْضَبُ عَلَیْہِ۔ ))1
وَقَالَ صلی اللہ علیہ وسلم :
(( مَنْ لَّمْ یَدْعُ اللّٰہَ سُبْحَانَہُ، غَضِبَ عَلَیْہِ۔ )) 2
'' جو شخص اللہ تعالیٰ سے نہیں مانگتا اللہ عزوجل اُس پر ناراض ہوجاتے ہیں۔ ''
اور نبی کریم صلی اللہ علیہ وسلم نے یہ بھی فرمایا:
'' جو شخص اللہ تعالیٰ سے دُعا نہیں مانگتا اُس پر وہ ناراض ہوجاتا ہے۔ ''
یعنی جو آدمی اللہ کا فضل اور اُس کی رحمت طلب نہیں کرتا اُس پر وہ ناراض ہوجاتا ہے۔ اس لیے کہ ایسا آدمی یا تو مایوسی کا شکار ہے یا پھر اکٹر خاں متکبر۔ اور یہ دونوں معاملے اللہ تعالیٰ کے غضب کا موجب ہیں۔ اللہ سبحانہ وتعالیٰ اس بات کو پسند فرماتے ہیں کہ اس کے سامنے گڑ گڑا کر پوری عاجزی کے ساتھ مانگا جائے۔ اور یہ کہ اللہ کریم نے اپنے بندوں کو اُس سے مانگنے کا حکم صرف اس لیے دیا ہے کہ وہ اُن کو عطا کرے۔ اللہ کی رضا و پسندیدگی اس کی اطاعت و سوال میں ہی ہے۔ اگر وہ راضی ہوجائے تو جانیے کہ دنیا جہان اور آخرت کی سب خیر مل گئی۔ اور اس کے برعکس ہر مصیبت اور ہربلا اُس کی ناراضگی میں ہے۔
ــــــــــــــــــــــــــــــــــــــــــــــــــ
1 صحیح سنن الترمذي، رقم: ۲۶۸۶۔ کتاب الدعوات: ۳۳۷۳ عن ابی ہریرۃ رضی اللّٰہ عنہ۔
2 صحیح سنن ابن ماجۃ، رقم: ۳۰۸۵۔ ابواب الدعاء: ۳۸۲۷ عن ابی ہریرۃ رضی اللّٰہ عنہ۔
3 تفصیل کے لیے: (۱) تفسیر امام قرطبی، جلد: ۲، ص: ۲۰۸، ۲۰۹۔ (۲) تحفۃ الأحوذي للمبارکبوري، ج: ۱۰، ص: ۴۹۔