امام بخاری کے ایک اصول پر سوال

[رضا میاں]

امام بخاری نے جز رفع الیدین میں ایک اصول بیان کیا ہے کہ: اگر ایک شخص کہتا ہے کہ فلاں شخص نے یہ کام کیا ہے، اور دوسرا شخص کہتا ہے کہ اس نے یہ کام نہیں کیا، تو امام بخاری کہتے ہیں کہ جو شخص کہتا کہ اس نے یہ کام کیا ہے، تو اس کی بات قابل قبول ہو گی، کیونکہ اس نے اسے محفوظ رکھا ہے، اور دوسرا شخص جس نے کہا کہ اس نے یہ کام نہیں کیا، اس نے اسے محفوظ نہیں رکھا، اور اس کی بات قبول نہیں ہو گی۔

کیا یہ اصول جمہور محدثین سے ثابت ہے؟؟ اگر ہے تو ان کے اقوال سے ثابت کریں۔ جزاک اللہ خیراً

 

[ابوالحسن علوی]

میری اپنے بھائیوں سے گزارش ہے کہ اپنا سوال باحوالہ مکمل ذکر کیا کریں۔ مذکورہ بالا سوال میں امام بخاری رحمہ اللہ کی عبارت مذکورہ باحوالہ نقل کی جائے ، چاہے اصل کتاب سے ہو یا کسی ثانوی مصدر ہی سے ہو۔ کیونکہ اس طرح آپ مجیب پر دوہرا بوجھ ڈال رہے ہوتے ہیں کہ وہ پہلے آپ کا سوال تلاش کرے اور پھر اس کا جواب دے۔
اور یہ بھی امکان ہو سکتا ہے کہ مجیب نے جزء رفع الیدین سے جو عبارت آپ کے سوال سے متعلق سمجھی ہو، وہ اس سے مختلف ہو جو عبارت آپ کے سوال کی بنیا دہو۔
لہذا جب بھی سوال ہو توسوال متعین ہو۔
اس تکلیف کے لیے ہم معذرت خوا ہ ہیں ۔
جزاکم اللہ خیرا۔

 

[رضا میاں]

بھائی جان میں نے حوالہ دوسری پوسٹ میں ڈال دیا تھا، چلیں آپ کے کہنے پر ایک بار پھر ڈال دیتا ہوں۔

یہ اصول امام بخاری نے دلائل کے ساتھ جز رفع الیدین میں بتایا ہے۔

یہ رہی جز رفع الیدین، آپ یہ اصول صفحہ نمبر 41 اور 42 میں حدیث نمبر ١١ کے نیچے دیکھ سکتے ہیں

http://ahlulhadeeth.net/book/Juzz_rafa_ul_Yadain.pdf

جزاک اللہ خیراً

 

[رضا میاں]

میں نے ایک جگہ نورالعینین فی مسئلہ رفع الیدین میں بھی کہیں دیکھا تھا جس میں امام نووی بھی امام بخاری سے ملتی جلتی بات کہ رہے تھے۔ لیکن مجھے مکمل حوالہ نہیں پتا۔

 

[ابوالحسن علوی]

١۔یہ قاعدہ کہ
مثبت کو نافی پر مقدم کیا جائے گا،
امام بخاری اور ان کے شیخ حمیدی رحمہما اللہ کا ہےاور امام بخاری رحمہ اللہ نے اس کے جوازمیں کچھ آثار اور احادیث کا حوالہ بھی اپنی کتاب جزء رفع الیدین میں دیا ہے۔
٢۔آپ کا متعین سوال جمہور محدثین کے حوالہ سے تھا کہ وہ اس کے قائل ہیں یا نہیں؟
امام زرکشی رحمہ اللہ نے لکھا ہے کہ جمہور فقہاء کا موقف یہی ہے۔اسی طرح امام ابن حجر رحمہ اللہ نے اس قاعدہ کو اکثر اہل علم کا قول کہا ہے اور اس کے مخالف رائے کو شاذ کہا ہے۔
پس جمہور اہل علم کے نزدیک یہ قاعدہ درست ہے لیکن بعض اہل علم نے وضاحت کی ہے کہ اس قاعدہ کا مطلق طور پر ہونا درست نہیں ہے یعنی اس کی کچھ شرائط اور قیود بھی ہیں۔
تفصیل کے لیے یہ لنک ملاحظہ فرمائیں:
قاعدة "المثبِت مقدم على النافي" ليست على إطلاقها، وذكر بعض قيودها - ملتقى أهل الحديث

 

[رضا میاں]

بہت شکریہ، بھائی جان اس اصول کے مطابق امام ابن حبان کا قول جو دوسری پوسٹ میں موجود ہے، کیا وہ صحیح ثابت ہوتا ہے یا نہیں؟؟

جزاک اللہ خیراً

 

[رضا میاں]

اور ساتھ ہی ساتھ اگر ہو سکے تو وہ شرائط و قیود بھی بتا دیں جن سے مثبت کو نافی پر مقدم کیا جاتا ہے، چونکہ میری عربی اچھی نہیں ہے اس لئے میں آپ کی بیان کردا پوسٹ پڑھ نہیں سکتا، لیکن اگر وہ شرائط لمبی تازی ہیں تو آپ کو بتانے کی ضرورت نہیں، کیونکہ اس کے ترجمہ میں ہی آپ کا بہت سا قیمتی وقت ضائع ہو جائے گا۔

جزاک اللہ خیراً