امام جلال الدین السیوطی امام ابوحنیفہ کے بارے میں کیا کہتے ہیں۔ اور امام صاحب کی روایات

[محمد یوسف]

قدیم علماء کے اقوال کو ایک متاخر عالم دین نے نقل کیا ہے ۔ فلیفہم۔ کما قلتَ سابقا ۔

الزامی جواب دل کی تسلی کے لیے ٹھیک ہے ۔:)
حقیقت یہ نظر آتی ہے کہ امام صاحب ایک ایسی شخصیت تھے کہ محدث ومفسر نے ایک مستقل کتاب تصنیف کی اور علامہ ذھبی نے اپنی کتاب کتاب المعین فی طبقات المحدیثین میں ایک مستقل باب باندھا ہے طبقۃ الاعمش و ابی حنیفہ اور اس میں امام صاحب کا تذکرہ کیا ہے ۔

میں اصرار نہیں کررہا ہوں جو نظر آرہاہے اس کو آپ کے سامنے رکھ رہاہوں ۔میں غلطی پر ہوں تو آپ رہنمائی کر سکتے ہیں

 

[محمد یوسف]

یحیی بن معین کہتے ہیں ابوحنیفہ ثقۃ فی الحدیث ابوحنیفہ حدیث میں ثقہ ہیں ۔یہ یحیی بن معین وہ ہیں جن کے بارے میں علماء کہتے ہیں یحیی عالم بالرجال

یحیی بن سعید القطان ،امام ابوحنیفہ کےاکثر اقوال لیتے تھے ۔یہ یحیی بن سعید القطان وہ ہیں جن کے بارے میں امام احمد بن حنبل کہتے ہیں لم نری مثلہ کہ ہم نے انکے جیساعالم نہیں دیکھا

 

[خضر حیات]

جناب معذرت کے ساتھ ۔ مجھے وہ لوگ اچھے لگتے ہیں جو حقائق کو حقیقت کی نظر سے ہی دیکھنے کے عادی ہیں ۔
حقائق کے نام سے اپنے جذبات کی تسکین کا سامان اکٹھا کرنے کا مجھے کوئی شوق نہیں ۔
جن لوگوں نے امام صاحب کی تعریف کی ہے آپ کے نزدیک وہ محدث و مفسر و مورخ سب کچھ ہیں ۔
اور جنہوں نے امام صاحب پر جرح کی یا نقل کی ہے وہ آپ کے نزدیک کچھ بھی حیثیت نہیں رکھتے چاہے حقیقت میں وہ کتنے بڑے ہی امام کیوں نہ ہوں ۔
یہ ساری تقسیمات و تقریرات آپ کے دل کی تسلی کے لیے کافی ہوسکتی ہیں لیکن علمی دنیا میں ان کی کوئی حیثیت نہیں ہے ۔
ہم تمام آئمہ کا احترام و اکرام کرنا باعث شرف و افتخار سمجھتے ہیں ہیں لیکن کسی ایک کے جنون میں مبتلا ہو کر دوسروں پر تبرا بازی سے سخت نفرت کرتے ہیں ۔
یہ کام آپ نیا نہیں کر رہے بلکہ اس سے پہلے آپ کے بعض اسلاف بھی یہی کچھ کر گئے ہیں ۔
چنانچہ علامہ کوثری باوجود اس کے کہ علم و فضل کے اعلی مقام پر فائز تھے لیکن اس جنون کی وجہ سے انہوں نے معظم علمائے اسلام پر طعن وتشنیع کے نشتر چلائے ہیں ۔
’’ تأنیب الخطیب ‘‘ کوئی علمی کاوش نہیں بلکہ نمونہ عبرت ہے ان لوگوں کے لیے جو اپنے ذوق و شوق کی خاطر علم و فن سے کھیلنے کے عادی ہوتے ہیں ۔
جو موضوع آپ نے شروع کیا ہے اس کے حوالے سے دو لفظوں میں میری رائے لینا چاہیں تو پیش ہے کہ ’’ امام ابوحنیفہ رحمہ اللہ شروع سے ہی ایک متنازع شخصیت رہے ہیں ‘‘
ان کے مادحین کی فہرست طویل ہے تو جارحین بھی کم نہیں ۔ فی زمانہ اس موضوع پر بحث کرنے کا سوائے وقت کے ضیاع کے کوئی فائدہ نہیں ۔ کیونکہ نہ اس بات کا علم سے تعلق ہے نہ عمل سے تعلق اور نہ ہی عقیدہ سے ۔
لیکن پھر بھی آپ اگر بحث بر بضد ہیں تو خانہ ساز شروط و قیود کی بجائے تراجم کے مطالعہ کی علمی و تاریخی شروط کے مطابق بحث شروع کرلیں ۔
خود امام صاحب کی اپنے بارے میں کیا رائے تھی ؟
ان کے معاصرین کی ان کے بارےمیں کیا رائے تھی ؟
بعد میں متقدمین محدثین و مؤرخین کی ان کے بارےمیں کیا رائے تھی ؟
اس پر اگر آپ بات کرنا چاہتے ہیں تو شروع کرلیتے ہیں ۔

 

[محمد یوسف]

خضر صاحب
ایک بات ذہن میں رکھیں کہ میں آپ سے یہاں بحث کرنے نہیں آیاہوں ۔اس فورم کی اکثریت ایسی ہے کہ عربی زبان سے بھی ناواقف ہیں ،آپ کچھ علمی شخصیت نظر آئے تو اس لئےآپ کو اس تھریڈ میں آپ کو ٹیگ کیا۔
اس امید سے کہ آپ اس کو بحث نا سمجھتے ہوئے اس سلسلے میں جو مواد آپ کو نظر آئے تو اس کو پوسٹ کردیں ۔ تاکہ ہم بھی حقیقت کو دیکھیں۔