امام سفیان بن عیینہ رحمہ اللہ

[عبد الرشید]

کتاب کا نام

امام سفیان بن عیینہ رحمہ اللہ

مصنف کا نام

صلاح الدین علی عبدالموجود

مترجم

پروفیسر حافظ عبدالرحمن ناصر

ناشر

مکتبہ دارالسلام،لاہور

تبصرہ

صلاح الدین علی عبدالموجود ایک نامور عرب مصنف ہیں جنھوں نے مسلمانوں کی نئی نسل کے سامنے صحابہ، محدثین اور اجل علما کی سیرتیں نئے اسلوب سے پیش کرنے کا بیڑا اٹھایا ہے تاکہ وہ ان کے اوصاف کو اپنے کردار و عمل میں اجاگر کر سکیں۔ ’سیرت سفیان بن عیینہ‘ اس سلسلے کی ایک اہم کتاب ہے جس میں علم حدیث کے امام، یگانہ روز گار اور اپنے دور کی بے مثال اور منفرد شخصیت سفیان بن عیینہ کی سیرت کا تذکرہ ہے، جن کاشمار تبع تابعین میں ہوتا ہے اور انھوں نے تابعین کرام اور اتباع تبع تابعین کے درمیان رابطے کا کام دیا۔ اس کتاب میں قارئین کو بیسیوں اسے راویان حدیث کے احوال، روشن واقعات اور اقوال پڑھنے کو ملیں گے جو یا تو ابن عیینہ کے شیوخ تھے یا ان کے شاگرد اور ہم عصر تھے یا ان کے خوشہ چین تھے۔ اس میں ابن عیینہ کی علمی مجلسوں کے دلچسپ احوال اور ان سے پوچھے گئے سوالات اور ان کے حکیمانہ جوابات بھی ہیں جو علم دین کی جستجو کرنے والوں کے دل و دماغ کو روشن کرتے ہیں۔ علم اور اہل علم سے آپ کی دلچسپی، آپ کے چند علمی مواخذات، تدلیس کے بارے میں آپ کانقطہ نظر اور حکمرانوں کے بارے میں آپ کی آراء بھی پیش کی گئی ہیں جبکہ آخر میں ابن عیینہ کے تفسیری اقوال، شروح احادیث اور دیگر فرموادات ہیں جو آب زر سے لکھنے کے قابل ہیں۔ کتاب کا سلیس اور عام فہم اردو ترجمہ پروفیسر حافظ عبدالرحمٰن ناصر کی محنت کا منہ بولتا ثبوت ہے۔ کوئی بھی بات حوالہ کے بغیر نقل نہیں کی گئی اور کتابت کی غلطی تو پوری کتاب میں ڈھونڈے سے بھی نہیں ملتی حتی کہ غلط العام الفاظ استعمال کرنے سے بھی اجتناب کیا گیا ہے۔ (ع۔م)
اس کتاب امام سفیان بن عیینہ رحمہ اللہ کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[محمد ارسلان]

جزاک اللہ خیرا
یہ کتاب مسجد دارالسلام کی لائبریری میں بھی موجود ہے۔ابھی تک مطالعہ کرنے کا اتفاق نہیں ہوا۔

 

[خضر حیات]

صلاح الدین علي عبد الموجود كي ایک اور کتاب ’’ القلوب و آفاتہا ‘‘ بہت اہم کتاب اور لائق مطالعہ ہے ..... جس میں اصلاح القلوب کے حوالے سے بہت اہم ٹوٹکے اور تجربات بیان کیے گئے ہیں ..... پتہ نہیں اس کا اردو ترجمہ ہوا ہے کہ نہیں ؟؟

 

[Mohsin Ali Tabish]

السلام علیکم!

شیخ محترم ’’القلوب و آفاتہا‘‘ اس کا اردو ترجمہ ہوا ہے کہ نہیں کوئی علم؟