ابو داؤد
رکن
- شمولیت
- اپریل 27، 2020
- پیغامات
- 554
- ری ایکشن اسکور
- 173
- پوائنٹ
- 77
امت محمدیہ شرک میں ضرور گرفتار ہوگی
بسم اللہ الرحمن الرحیم
آج امت کا ایک طبقہ یہ سمجھتا ہے کہ امت محمدیہ میں شرک آہی نہیں سکتا جبکہ حقیقت یہ ہے کہ آج امت مسلمہ کی کثیر تعداد شرک جیسی ضلالت وگمراہی کے قعرمزلت میں گر چکی ہے۔ زیادہ لوگ کلمہ توحید پڑھتے ہیں لیکن اس کے ساتھ شرک میں مبتلا ہیں اور بہت کم لوگ ہیں جو توحید کے صحیح علم وفہم اور تقاضوں کو جانتے ہیں۔
ارشاد باری تعالٰی ہے:
وما یومن اکثرھم بااللّٰہ الا وھم مشرکون [یوسف: ١٠٦]
اور ان کے اکثر اللہ تعالی پر (اس طرح) ایمان لاتے ہیں کہ وہ مشرک ہی ہوتے ہیں۔
اگر یہ امت شرک میں گرفتار نہ ہو سکتی تو اللہ تعالی کو کیا ضرورت تھی کہ وہ شرک اور توحید میں فرق کیلئے قرآن نازل فرماتا۔ یقیناً یہ امت شرک جیسے قبیح گناہ میں ضرور گرفتار ہوگی جیسا کہ اہل کتاب ہوئے۔
نبی کریم صلی اللہ علیہ والہ وسلم نے فرمایا:
تم اپنے سے پہلے لوگوں کے طریقوں کی ہر بات میں پیروی کرو گے اگر وہ گوہ کی بل میں داخل ہوئے تو تم بھی اس میں داخل ہوگئے۔ صحابہ نے عرض کیا اے اللہ کے نبی صلی اللہ علیہ والہ وسلم کیا (پہلے لوگوں سے مراد) یہود ونصاریٰ ہیں؟آپ صلی اللہ علیہ والہ وسلم نے فرمایا اگر وہ مراد نہیں تو اور کون ہے۔ [صحیح بخاری: ۷۳۲۰]
نبی کریم صلی اللہ علیہ والہ وسلم نے فرمایا:
ولا تقوم الساعۃ حتی یلحق من امتی بالمشرکین وحتی تعبدفئام من امتی الاوثان.
اور قیامت قائم نہیں ہوگی، یہاں تک کہ میری امت کا ایک قبیلہ مشرکوں سے مل جائے گا اور میری امت کے بہت سے لوگ بت پرستی شروع کر دیں گے۔