انبیاء و اولیاء سے انتساب نجات کے لئے دلیل نہیں

[محمد آصف مغل]

وَقَالُوْا كُوْنُوْا ھُوْدًا اَوْ نَصٰرٰى تَہْتَدُوْا۝۰ۭ قُلْ بَلْ مِلَّۃَ اِبْرٰھٖمَ حَنِيْفًا۝۰ۭ وَمَا كَانَ مِنَ الْمُشْرِكِيْنَ۝۱۳۵ قُوْلُوْٓا اٰمَنَّا بِاللہِ وَمَآ اُنْزِلَ اِلَيْنَا وَمَآ اُنْزِلَ اِلٰٓى اِبْرٰھٖمَ وَاِسْمٰعِيْلَ وَاِسْحٰقَ وَيَعْقُوْبَ وَالْاَسْبَاطِ وَمَآ اُوْتِيَ مُوْسٰى وَعِيْسٰى وَمَآ اُوْتِيَ النَّبِيُّوْنَ مِنْ رَّبِّہِمْ۝۰ۚ لَا نُفَرِّقُ بَيْنَ اَحَدٍ مِّنْھُمْ۝۰ؗۖ وَنَحْنُ لَہٗ مُسْلِمُوْنَ۝۱۳۶

وہ کہتے ہیں یہودی یا نصاریٰ بنو۔ تب ہدایت پاؤگے۔ تو کہہ نہیں بلکہ ہم نے ابراہیم (علیہ السلام )کی راہ پکڑی ہے جو جو حنیف (یکطرفہ) تھا اور مشرکوں ۱ ؎ میں سے نہ تھا۔(۱۳۵)تم بولو کہ ہم اللہ پر ایمان رکھتے ہیں اور اس (کلام) پر جو ہماری طرف نازل ہوا ہے اور اس پر جو ابراہیم واسمٰعیل واسحاق ویعقوب اور اس کی اولاد پر نازل ہوا اور جو موسیٰ علیہ السلام اور عیسیٰ علیہ السلام کو ملا تھا اور جو کچھ تمام نبیوں کو ان کے رب سے دیا گیا۔ ہم ان کے درمیان کسی میں فرق نہیں کرتے اور ہم اسی کے مطیع (مسلمان) ہیں۔(۱۳۶)

انبیاء و اولیاء سے انتساب نجات کے لئے دلیل نہیں

۱؎ ان آیات میں یہودیوں اور عیسائیوں کے اس زعم باطل کی تردید ہے کہ انبیاء سے انتساب انھیں نجات دلاسکے گا۔ فرمایا تم ان لوگوں کے اعمال کے ذمہ دار نہیں ہو۔ تم سے صرف تمہارے اعمال کی بابت پوچھا جائے گا۔پھر یہ بتایا کہ اسلام میں قطعاً تخرب وتفریق کی گنجائش نہیں۔ نجات یہودیت وعیسائیت کے محدود دائروں میں نہیں بلکہ توحید واسلام کے وسیع حلقہ میں ہے جس میں بت پرستی وشرک کی تنگ دلانہ ذہنیت کی بجائے توحید وتفرید کی آزادی ووسعت قلبی ہے۔

حل لغات

{اَسْبَاطٌ} جمع سَبْط۔ اولاد

 

[کلیم حیدر]

جزاک اللہ خیرا۔