انتخاب ......... انتخاب اے انتخاب

[ساجد تاج]

انتخاب​

​

قوم کے ہمدرد جاگ اٹھے کہ اُبھرا آفتاب
اوڑھ لی ہر راہزن نے رہنمائی کی نقاب​

​

انتخاب ......... انتخاب اے انتخاب​

​

جگمگا اٹھا فقیہ شہر کا مدھم چراغ
بیچتے پھرتے ہیں واعظ سینہ ملت کے داغ​

​

انتخاب ......... انتخاب اے انتخاب​

​

اب کئی خدام اس سانچے میں ڈھالے جائیں گے
آستین قوم میں کچھ سانپ پالے جائیں گے​

​

انتخاب ......... انتخاب اے انتخاب​

​

راہبر ایسے کہ جیسے اشجع و پامرد ہیں
جعفر و صادق کے بیٹے قوم کے ہمدرد ہیں​

​

انتخاب ......... انتخاب اے انتخاب​

​

اے غریبو! فصل گل آئی ہے گلشن لوٹ لو
پھر کہاں یہ راہنما، ان کے نشیمن لوٹ لو​

​

انتخاب ......... انتخاب اے انتخاب​

​

ان کے دامن پر ہزاروں عصمتوں کا خون ہے
ان کے چہرے کی سپیدی زہرگوں مضمون ہے​

​

انتخاب ......... انتخاب اے انتخاب​

​

اے غریبو! اب سنبھل جاؤ اللہ کے واسطے
ان کے دامن پھاڑ دو، اپنی رِدا کے واسطے​

​

انتخاب ......... انتخاب اے انتخاب​

​

(شورش کاشمیری)​

 

[محمد آصف مغل]

بہت خوب بھیا۔ بہت خوب۔
بڑی دلیری کا کام تھا ایسی شاعری کرنا
اور
فورمز کی دنیا میں اسے لگا کر آپ نے بھی خوب ہمت دکھائی۔

 

[اسحاق]

عمده شیرنگ، بهت خوب