انس بھائی کی بچی کے لئے دعاؤں کی درخواست

[عمیر]

أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِیھَا
آمین

 

[انس]

ہمارے آپس کے بغض وکینہ اور اختلاف کو ختم کرنے اور پیار ومحبت اور انسیت کو بڑھانے کیلئے اسلام نے مسلمان کے مسلمان پر جو حقوق - تیمار داری، تعزیت اور ایک دوسرے پر سلامتی وغیرہ وغیرہ - مقرر کر رکھے ہیں، وہ واقعی ہی اسلامی اخوّت کو پروان چڑھانے میں نہایت مؤثر ہیں، یہ اس بات کی دلیل ہے کہ اسلام واقعی ہی دین فطرت اور مکمل ضابطۂ حیات ہے۔
فرمان باری سبحانہ: ﴿ وَاعْتَصِمُوا بِحَبْلِ اللهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىٰ شَفَا حُفْرَةٍ مِّنَ النَّارِ فَأَنقَذَكُم مِّنْهَا ﴾ کہ ’’اللہ تعالیٰ کی رسی کو سب مل کر مضبوط تھام لو اور پھوٹ نہ ڈالو، اور اللہ تعالیٰ کی اس وقت کی نعمت کو یاد کرو جب تم ایک دوسرے کے دشمن تھے، تو اس نے تمہارے دلوں میں الفت ڈال دی، پس تم اس کی مہربانی سے بھائی بھائی ہوگئے، اور تم آگ کے گڑھے کے کنارے پہنچ چکے تھے تو اس نے تمہیں بچا لیا۔‘‘
فرمانِ نبویﷺ: «مثل المؤمنين في توادهم وتراحمهم وتعاطفهم ، مثل الجسد . إذا اشتكى منه عضو ، تداعى له سائر الجسد بالسهر والحمى »کہ ’’مومن آپس میں ایک دوسرے پررحم اورمحبت والفت اورنرمی میں ایک جسم کی مانند ہیں کہ جس کا ایک عضو تکلیف محسوس کرے تومکمل جسم بخاراورتکلیف میں مبتلا ہوجاتا ہے۔‘‘

رضيت بالله ربا وبالإسلام دينا وبمحمدﷺ نبيا ورسولا​