اپنے دروازہ کی چوکھٹ تبدیل کردیں

[ابو عکاشہ]

اپنے دروازہ کی چوکھٹ تبدیل کردیں
​

سیدنا ابن عباس رضی اللہ عنہما سے روایت کرتے ہیں کہ عورتوں نے سب سے پہلے ازار بند بنانا سیدنا اسماعیل کی ماں سے سیکھا انہوں نے ازار بند بنایا تاکہ اپنے نشانات کو سارہ سے چھپائیں پھر انہیں اور ان کے لڑکے اسماعیل کو سیدناابراہیم علیہ السلام لے کر آئے اور وہ انہیں دودھ پلاتی تھیں تو ان دونوں کو مسجد کے اوپری حصہ میں زمزم کے پاس کعبہ کے قریب ایک درخت کے پاس بٹھا دیا اور اس وقت مکہ میں نہ تو آدمی تھا نہ پانی ابراہیم نے انہیں وہاں بٹھا دیا اور ان کے پاس ایک چمڑے کے تھیلے میں کھجوریں اور مشکیزہ میں پانی رکھ دیا اس کے بعد ابراہیم لوٹ کر چلے تو اسماعیل کی والدہ نے ان کے پیچھے دوڑ کر کہا اے ابراہیم کہا جا رہے ہو اور ہمیں ایسے جنگل میں جہاں نہ کوئی آدمی ہے نہ اور کچھ (کس کے سہارے چھوڑے جا رہے ہو؟) اسماعیل کی والدہ نے یہ چند مرتبہ کہا مگرسیدنا ابراہیم نے ان کی طرف مڑ کر بھی نہ دیکھا اسماعیل کی والدہ نے کہا کیا اللہ تعالیٰ نے آپ کو اس کا حکم دیا ہے؟ انہوں نے کہا ہاں!سیدہ ہاجرہ نے کہا تو اب اللہ بھی ہم کو برباد نہیں کرے گا پھر وہ واپس چلی آئیں اور سیدنا ابرہیم چلے گئے حتیٰ کہ وہ ثنیہ کے پاس پہنچے، جہاں سے وہ لوگ انہیں دیکھ نہ سکتے تھے، تو انہوں نے اپنا منہ کعبہ کی طرف کر کے دونوں ہاتھ اٹھا کر یہ دعا کی کہ ( اے ہمارے رب میں اپنی اولاد کو آپ کے معظم گھر کے قریب ایک (کفدست) میدان میں جو زراعت کے قابل نہیں آباد کرتا ہوں) اورسیدنا اسماعیل علیہ السلام کی والدہ انہیں دودھ پلاتی تھیں اور اس مشکیزہ کا پانی پیتی تھیں حتی کہ جب وہ پانی ختم ہو گیا تو انہیں اور ان کے بچہ کو (سخت) پیاس لگی وہ اس بچہ کو دیکھنے لگیں کہ وہ مارے پیاس کے تڑپ رہا ہے یا فرمایا کہ ایڑیاں رگڑ رہا ہے وہ اس منظر کو دیکھنے کی تاب نہ لا کر چلیں اور انہوں نے اپنے قریب جو اس جگہ کے متصل تھا کوہ صفا کو دیکھا پس وہ اس پر چڑھ کر کھڑی ہوئیں اور جنگل کی طرف منہ کرکے دیکھنے لگیں کہ کوئی نظر آتا ہے یا نہیں؟ تو ان کو کوئی نظر نہ آیا (جس سے پانی مانگیں) پھر وہ صفا سے اتریں جب وہ نشیب میں پہنچیں تو اپنا دامن اٹھا کے ایسے دوڑیں جیسے کوئی سخت مصیب زدہ آدمی دوڑتا ہے حتیٰ کہ اس نشیب سے گزر گئیں پھر وہ کوہ مروہ پر آکر کھڑی ہوئیں اور ادھر ادھر دیکھا کہ کوئی نظر آتا ہے یا نہیں تو انہیں کوئی نظر نہ آیا اسی طرح انہوں نے سات مرتبہ کیا ابن عباس رضی اللہ عنہ نے کہا کہ رسول اللہ صلی اللہ علیہ وآلہ وسلم نے فرمایا اسی لئے لوگ صفا و مروہ کے درمیان سعی کرتے ہیں جب وہ آخری دفعہ کوہ مروہ پر چڑھیں تو انہوں نے ایک آواز سنی خود ہی کہنے لگیں ذرا ٹھہر کر سننا چاہئے تو انہوں نے کان لگایا تو پھر بھی آواز سنی خود ہی کہنے لگیں (اے شخص) تو نے آواز تو سنا دی کاش کہ تیرے پاس فریاد رسی بھی ہو، یکایک ایک فرشتہ کو مقام زمزم میں دیکھا اس فرشتہ نے اپنی ایڑی ماری یا فرمایا کہ اپنا پر مارا حتیٰ کہ پانی نکل آیا ہاجرہ اسے حوض کی شکل میں بنا کر روکنے لگیں اور ادھر ادھر کرنے لگیں اور چلو بھر بھر کے اپنی مشک میں ڈالنے لگیں ان کے چلو بھرنے کے بعد پانی زمین سے ابلنے لگا۔ ابن عباس رضی اللہ عنہ کہتے ہیں کہ رسول اللہ صلی اللہ علیہ وآلہ وسلم نے فرمایا کہ اللہ اسماعیل کی والدہ پر رحم فرمائے اگر وہ زمزم کو (روکتی نہیں بلکہ) چھوڑ دیتیں یا فرمایا چلو بھر بھر کے نہ ڈالتیں تو زمزم ایک جاری رہنے والا چشمہ ہوتا پھر فرمایا کہ انہوں نے پانی پیا اور بچہ کو پلایا پھر ان سے فرشتہ نے کہا کہ تم اپنی ہلاکت کا اندیشہ نہ کرو کیونکہ یہاں بیت اللہ ہے جسے یہ لڑکا اور اس کے والد تعمیر کریں گے اور اللہ تعالیٰ اپنے بندوں کو ہلاک و برباد نہیں کرتا (اس وقت) بیت اللہ زمین سے ٹیلہ کی طرح اونچا تھا سیلاب آتے تھے تو اس کے دائیں بائیں کٹ جاتے تھے ہاجرہ اسی طرح رہتی رہیں ۔(روایت اختصار سے پیش کی جارہی ہے )

سیدنا اسماعیل کی والدہ سیدہ ہاجرہ (علیہما السلام )وفات پاگئیں سیدنا ابراہیم علیہ السلام اپنے چھوڑے ہوؤں کو دیکھنے کے لئے اسماعیل کے نکاح کے بعد تشریف لائے تو اسماعیل کو نہ پایا ان کی بیوی سے معلوم کیا تو اس نے کہا کہ وہ ہمارے لئے رزق تلاش کرنے گئے ہیں پھر ابراہیم علیہ السلام نے اس سے بسر اوقات اور حالت معلوم کی تو اس عورت نے کہا ہماری بری حالت ہے اور ہم بڑی تنگی اور پریشانی میں مبتلا ہیں (گویا) انہوں نے سیدنا ابراہیم سے شکوہ کیا ابراہیم علیہ السلام نے کہا کہ جب تمہارے شوہر آ جائیں تو ان سے میرا سلام کہنا اور یہ کہنا کہ اپنے دروازہ کی چوکھٹ تبدیل کردیں جب اسماعیل علیہ السلام واپس آئے تو گویا انہوں نے اپنے والد کی تشریف آوری کے آثار پائے تو کہا کیا تمہارے پاس کوئی آدمی آیا تھا ؟ بیوی نے کہا ہاں! ایسا ایسا ایک بوڑھا شخص آیا تھا اس نے آپ کے بارے میں پوچھا تو میں نے بتا دیا اور اس نے ہماری بسر اوقات کے متعلق دریافت کیا تو میں نے بتا دیا کہ ہم تکلیف اور سختی میں ہیں سید نا اسماعیل نے کہا کیا انہوں نے کچھ پیغام دیا ہے؟ کہا ہاں! مجھ کو حکم دیا تھا کہ تمہیں ان کا سلام پہنچا دوں اور وہ کہتے تھے تم اپنے دروازہ کی چوکھٹ بدل دو اسماعیل نے کہا وہ میرے والد تھے اور انہوں نے مجھے تم کو جدا کرنے کا حکم دیا ہے لہذا تم اپنے گھر چلی جاؤ اور اس کو طلاق دے دی اور بنو جرہم کی کسی دوسری عورت سے نکاح کر لیا کچھ مدت کے بعد ابراہیم پھر آئے تو اسماعیل کو نہ پایا ان کی بیوی کے پاس آئے اور اس سے دریافت کیا تو اس نے کہا وہ ہمارے لئے رزق تلاش کرنے گئے ہیں ابراہیم علیہ السلام نے پوچھا تمہارا کیا حال ہے؟ اور ان کی بسر اوقات معلوم کی اس نے کہا ہم اچھی حالت اور فراخی میں ہیں اور اللہ کی تعریف کی ابراہیم علیہ السلام نے پوچھا تمہاری غذا کیا ہے؟ انہوں نے کہا گوشت سیدنا ابراہیم نے پوچھا تمہارے پینے کی کیا چیز ہے؟ انہوں نے کہا پانی، ابراہیم علیہ السلام نے دعا کی اے اللہ! ان کے لئے گوشت اور پانی میں برکت عطا فرما۔ رسول مقبول صلی اللہ علیہ وسلم نے فرمایا اس وقت وہاں غلہ نہ ہوتا تھا اگر غلہ ہوتا تو اس میں بھی ان کے لئے دعا کرتے آپ صلی اللہ علیہ وسلم نے فرمایا کوئی شخص مکہ کے سوا کسی اور جگہ گوشت اور پانی پر گزارہ نہیں کرسکتا صرف گوشت اور پانی مزاج کے موافق نہیں آ سکتا ابراہیم نے کہا جب تمہارے شوہر آ جائیں تو ان سے میرا سلام کہنا اور انہیں میری طرف سے یہ حکم دینا کہ اپنے دروازہ کی چوکھٹ باقی رکھیں جب سیدنا اسماعیل آئے تو پوچھا کیا تمہارے پاس کوئی آدمی آیا تھا ؟ بیوی نے کہا ہاں! ایک بزرگ خوبصورت پاکیزہ سیرت آئے تھے اور ان کی تعریف کی تو انہوں نے مجھ سے آپ کے بارے میں پوچھا تو میں نے بتا دیا پھر مجھ سے ہماری بسراوقات کے متعلق پوچھا تو میں نے بتایا کہ ہم بڑی اچھی حالت میں ہیں اسماعیل نے کہا کہ تمہیں وہ کوئی حکم دے گئے ہیں انہوں نے کہا کہ وہ آپ کو سلام کہہ گئے ہیں اور حکم دے گئے ہیں کہ آپ اپنے دروازہ کی چوکھٹ باقی رکھیں اسماعیل علیہ السلام نے کہا وہ میرے والد تھے اور چوکھٹ سے تم مراد ہو گویا انہوں نے مجھے یہ حکم دیا کہ تمہیں اپنی زوجیت میں باقی رکھوں پھرسیدنا ابراہیم کچھ مدت کے بعد پھر آئے اور سیدنا اسماعیل کو زمزم کے قریب ایک درخت کے سایہ میں بیٹھے ہوئے اپنے تیر بناتے پایا جب سیدنا اسماعیل نے انہیں دیکھا تو ان کی طرف بڑھے اور دونوں نے ایسا معاملہ کیا جیسے والد لڑکے سے اور لڑکا والد سے کرتا ہے سیدنا ابراہیم نے کہا اے اسماعیل! اللہ نے مجھے ایک کام کا حکم دیا ہے انہوں نے عرض کیا کہ اس حکم کے مطابق عمل کیجئے ابراہیم بولے کیا تم میرا ہاتھ بٹاؤ گے؟ اسماعیل نے کہاں ہاں! میں آپ کا ہاتھ بٹاؤ ن گا ابراہیم علیہ السلام نے کہا کہ اللہ نے مجھے یہاں بیت اللہ بنانے کا حکم دیا ہے اور آپ نے اس اونچے ٹیلے کی طرف اشارہ کیا یعنی اس کے گردا گرد ان دونوں نے کعبہ کی دیواریں بلند کیں اسماعیل پتھر لاتے تھے اور ابراہیم تعمیر کرتے تھے حتیٰ کہ جب دیوار بلند ہوئی تو سیدنااسماعیل ایک پتھر کو اٹھا لائے اور اسے ابراہیم علیہ السلام کے لئے رکھ دیا سیدنا ابراہیم اس پر کھڑے ہو کر تعمیر کرنے لگے اور سیدنااسماعیل انہیں پتھر دیتے تھے اور دونوں یہ دعا کرتے رہے کہ اے پروردگار! ہم سے (یہ کام) قبول فرما بیشک تو سننے والا جاننے والا ہے پھر دونوں تعمیر کرنے لگے اور کعبہ کے گرد گھوم کر یہ کہتے جاتے تھے اے ہمارے پروردگار ہم سے (یہ کام) قبول فرما بیشک تو سننے والا جاننے والا ہے


صحیح بخاری:جلد دوم:حدیث نمبر 599 کتاب الانبیاء

 

[حرب بن شداد]

سبحان اللہ
جزاك اللہ خیرا بھائی۔

 

[باذوق]

اپنے دروازہ کی چوکھٹ تبدیل کردیں​

ابراہیم علیہ السلام نے کہا کہ جب تمہارے شوہر آ جائیں تو ان سے میرا سلام کہنا اور یہ کہنا کہ اپنے دروازہ کی چوکھٹ تبدیل کردیں جب اسماعیل علیہ السلام واپس آئے تو گویا انہوں نے اپنے والد کی تشریف آوری کے آثار پائے تو کہا کیا تمہارے پاس کوئی آدمی آیا تھا ؟ بیوی نے کہا ہاں! ایسا ایسا ایک بوڑھا شخص آیا تھا اس نے آپ کے بارے میں پوچھا تو میں نے بتا دیا اور اس نے ہماری بسر اوقات کے متعلق دریافت کیا تو میں نے بتا دیا کہ ہم تکلیف اور سختی میں ہیں سید نا اسماعیل نے کہا کیا انہوں نے کچھ پیغام دیا ہے؟ کہا ہاں! مجھ کو حکم دیا تھا کہ تمہیں ان کا سلام پہنچا دوں اور وہ کہتے تھے تم اپنے دروازہ کی چوکھٹ بدل دو اسماعیل نے کہا وہ میرے والد تھے اور انہوں نے مجھے تم کو جدا کرنے کا حکم دیا ہے لہذا تم اپنے گھر چلی جاؤ اور اس کو طلاق دے دی

کچھ عرصہ قبل ہمارے ایک دوست اسی حدیث کے متعلق گفتگو کرتے ہوئے دریافت کر رہے تھے کہ ۔۔۔ کہ بیویوں کے اس طرح کے طرز عمل پر نبی علیہ السلام کا طلاق والا حکم خاص ہے یا عام؟ ونیز موجودہ دور میں ، جیسا کہ عام مشاہدہ ہے کہ تقریباً ہر خاتون خانہ کا طرز عمل ایسا ہی ہوتا ہے ، تب کیا ابراہیم علیہ السلام کی جگہ کوئی سرپرست یا بزرگ ایسا ہی "طلاق" والا مشورہ دے ، تو یہ صائب مشورہ کہلائے گا؟
اس موضوع کی بحث کا ماحاصل یہ تھا کہ ، متذکرہ حکم ایک نبی کا خصوصی حکم تھا جسے ہر عام آدمی پر لاگو کرنا درست نہیں کیونکہ ذخیرہ احادیث اور سیرتِ اسلام کے روشن گوشوں سے صبر و برداشت کی تلقین ہی ملتی ہے اور یہاں تک کہ صحابہ کرام رضی اللہ عنہم کے واقعات سے بھی پتا چلتا ہے کہ وہ اپنی اہل کے متعلق حلم و برداشت سے ہی کام لیتے تھے۔ خود قرآن میں بھی امہات المومنین کے متعلق براہ راست 'طلاق' کا ذکر نہیں بلکہ نبی کریم صلی اللہ علیہ وسلم کو مشورہ دیا گیا تھا کہ وہ انہیں کہیں کہ :
إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلاً

باقی اللہ بہتر جانتا ہے۔

 

[محمد ارسلان]

جزاک اللہ خیرا

بھائی آپ عربی متن بھی ساتھ پوسٹ کریں۔

 

[ابو عکاشہ]

قال ابن عباس أول ما اتخذ النسائ المنطق من قبل أم إسماعيل اتخذت منطقا لتعفي أثرها علی سارة ثم جائ بها إبراهيم وبابنها إسماعيل وهي ترضعه حتی وضعهما عند البيت عند دوحة فوق زمزم في أعلی المسجد وليس بمکة يومئذ أحد وليس بها مائ فوضعهما هنالک ووضع عندهما جرابا فيه تمر وسقائ فيه مائ ثم قفی إبراهيم منطلقا فتبعته أم إسماعيل فقالت يا إبراهيم أين تذهب وتترکنا بهذا الوادي الذي ليس فيه إنس ولا شيئ فقالت له ذلک مرارا وجعل لا يلتفت إليها فقالت له أالله الذي أمرک بهذا قال نعم قالت إذن لا يضيعنا ثم رجعت فانطلق إبراهيم حتی إذا کان عند الثنية حيث لا يرونه استقبل بوجهه البيت ثم دعا بهؤلائ الکلمات ورفع يديه فقال رب إني أسکنت من ذريتي بواد غير ذي زرع عند بيتک المحرم حتی بلغ يشکرون وجعلت أم إسماعيل ترضع إسماعيل وتشرب من ذلک المائ حتی إذا نفد ما في السقائ عطشت وعطش ابنها وجعلت تنظر إليه يتلوی أو قال يتلبط فانطلقت کراهية أن تنظر إليه فوجدت الصفا أقرب جبل في الأرض يليها فقامت عليه ثم استقبلت الوادي تنظر هل تری أحدا فلم تر أحدا فهبطت من الصفا حتی إذا بلغت الوادي رفعت طرف درعها ثم سعت سعي الإنسان المجهود حتی جاوزت الوادي ثم أتت المروة فقامت عليها ونظرت هل تری أحدا فلم تر أحدا ففعلت ذلک سبع مرات قال ابن عباس قال النبي صلی الله عليه وسلم فذلک سعي الناس بينهما فلما أشرفت علی المروة سمعت صوتا فقالت صه تريد نفسها ثم تسمعت فسمعت أيضا فقالت قد أسمعت إن کان عندک غواث فإذا هي بالملک عند موضع زمزم فبحث بعقبه أو قال بجناحه حتی ظهر المائ فجعلت تحوضه وتقول بيدها هکذا وجعلت تغرف من المائ في سقائها وهو يفور بعد ما تغرف قال ابن عباس قال النبي صلی الله عليه وسلم يرحم الله أم إسماعيل لو ترکت زمزم أو قال لو لم تغرف من المائ لکانت زمزم عينا معينا قال فشربت وأرضعت ولدها فقال لها الملک لا تخافوا الضيعة فإن ها هنا بيت الله يبني هذا الغلام وأبوه وإن الله لا يضيع أهله وکان البيت مرتفعا من الأرض کالرابية تأتيه السيول فتأخذ عن يمينه وشماله فکانت کذلک حتی مرت بهم رفقة من جرهم أو أهل بيت من جرهم مقبلين من طريق کدائ فنزلوا في أسفل مکة فرأوا طائرا عائفا فقالوا إن هذا الطائر ليدور علی مائ لعهدنا بهذا الوادي وما فيه مائ فأرسلوا جريا أو جريين فإذا هم بالمائ فرجعوا فأخبروهم بالمائ فأقبلوا قال وأم إسماعيل عند المائ فقالوا أتأذنين لنا أن ننزل عندک فقالت نعم ولکن لا حق لکم في المائ قالوا نعم قال ابن عباس قال النبي صلی الله عليه وسلم فألفی ذلک أم إسماعيل وهي تحب الإنس فنزلوا وأرسلوا إلی أهليهم فنزلوا معهم حتی إذا کان بها أهل أبيات منهم وشب الغلام وتعلم العربية منهم وأنفسهم وأعجبهم حين شب فلما أدرک زوجوه امرأة منهم وماتت أم إسماعيل فجائ إبراهيم بعدما تزوج إسماعيل يطالع ترکته فلم يجد إسماعيل فسأل امرأته عنه فقالت خرج يبتغي لنا ثم سألها عن عيشهم وهيئتهم فقالت نحن بشر نحن في ضيق وشدة فشکت إليه قال فإذا جائ زوجک فاقرئي عليه السلام وقولي له يغير عتبة بابه فلما جائ إسماعيل کأنه آنس شيئا فقال هل جائکم من أحد قالت نعم جائنا شيخ کذا وکذا فسألنا عنک فأخبرته وسألني کيف عيشنا فأخبرته أنا في جهد وشدة قال فهل أوصاک بشيئ قالت نعم أمرني أن أقرأ عليک السلام ويقول غير عتبة بابک قال ذاک أبي وقد أمرني أن أفارقک الحقي بأهلک فطلقها وتزوج منهم أخری فلبث عنهم إبراهيم ما شائ الله ثم أتاهم بعد فلم يجده فدخل علی امرأته فسألها عنه فقالت خرج يبتغي لنا قال کيف أنتم وسألها عن عيشهم وهيئتهم فقالت نحن بخير وسعة وأثنت علی الله فقال ما طعامکم قالت اللحم قال فما شرابکم قالت المائ قال اللهم بارک لهم في اللحم والمائ قال النبي صلی الله عليه وسلم ولم يکن لهم يومئذ حب ولو کان لهم دعا لهم فيه قال فهما لا يخلو عليهما أحد بغير مکة إلا لم يوافقاه قال فإذا جائ زوجک فاقرئي عليه السلام ومريه يثبت عتبة بابه فلما جائ إسماعيل قال هل أتاکم من أحد قالت نعم أتانا شيخ حسن الهيئة وأثنت عليه فسألني عنک فأخبرته فسألني کيف عيشنا فأخبرته أنا بخير قال فأوصاک بشيئ قالت نعم هو يقرأ عليک السلام ويأمرک أن تثبت عتبة بابک قال ذاک أبي وأنت العتبة أمرني أن أمسکک ثم لبث عنهم ما شائ الله ثم جائ بعد ذلک وإسماعيل يبري نبلا له تحت دوحة قريبا من زمزم فلما رآه قام إليه فصنعا کما يصنع الوالد بالولد والولد بالوالد ثم قال يا إسماعيل إن الله أمرني بأمر قال فاصنع ما أمرک ربک قال وتعينني قال وأعينک قال فإن الله أمرني أن أبني ها هنا بيتا وأشار إلی أکمة مرتفعة علی ما حولها قال فعند ذلک رفعا القواعد من البيت فجعل إسماعيل يأتي بالحجارة وإبراهيم يبني حتی إذا ارتفع البنائ جائ بهذا الحجر فوضعه له فقام عليه وهو يبني وإسماعيل يناوله الحجارة وهما يقولان ربنا تقبل منا إنک أنت السميع العليم قال فجعلا يبنيان حتی يدورا حول البيت وهما يقولان ربنا تقبل منا إنک أنت السميع

 

[ابو عکاشہ]

کچھ عرصہ قبل ہمارے ایک دوست اسی حدیث کے متعلق گفتگو کرتے ہوئے دریافت کر رہے تھے کہ ۔۔۔ کہ بیویوں کے اس طرح کے طرز عمل پر نبی علیہ السلام کا طلاق والا حکم خاص ہے یا عام؟ ونیز موجودہ دور میں ، جیسا کہ عام مشاہدہ ہے کہ تقریباً ہر خاتون خانہ کا طرز عمل ایسا ہی ہوتا ہے ، تب کیا ابراہیم علیہ السلام کی جگہ کوئی سرپرست یا بزرگ ایسا ہی "طلاق" والا مشورہ دے ، تو یہ صائب مشورہ کہلائے گا؟
اس موضوع کی بحث کا ماحاصل یہ تھا کہ ، متذکرہ حکم ایک نبی کا خصوصی حکم تھا جسے ہر عام آدمی پر لاگو کرنا درست نہیں کیونکہ ذخیرہ احادیث اور سیرتِ اسلام کے روشن گوشوں سے صبر و برداشت کی تلقین ہی ملتی ہے اور یہاں تک کہ صحابہ کرام رضی اللہ عنہم کے واقعات سے بھی پتا چلتا ہے کہ وہ اپنی اہل کے متعلق حلم و برداشت سے ہی کام لیتے تھے۔ خود قرآن میں بھی امہات المومنین کے متعلق براہ راست 'طلاق' کا ذکر نہیں بلکہ نبی کریم صلی اللہ علیہ وسلم کو مشورہ دیا گیا تھا کہ وہ انہیں کہیں کہ :
إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلاً

باقی اللہ بہتر جانتا ہے۔

بھائی یہ حدیث رسول مقبول صلی اللہ علیہ وآلہ وسلم بھی دیکھیں اس مسئلہ میں:

سعید بن ابی مریم، محمد بن جعفر، زید بن اسلم، عیاض بن عبداللہ ، حضرت ابوسعید خدری رضی اللہ تعالیٰ عنہ روایت کرتے ہیں کہ ایک مرتبہ رسول اللہ صلی اللہ علیہ وسلم عیدالاضحی یا عیدالفطر میں نکلے (واپسی میں) عورتوں کی جماعت پر گذر ہوا، تو آپ نے فرمایا کہ اے عورتو! صدقہ دو، اس لئے کہ میں نے تم کو دوزخ میں زیادہ دیکھا ہے، وہ بولیں یا رسول اللہ صلی اللہ علیہ وسلم وہ کیوں؟ آپ نے فرمایا کہ تم کثرت سے لعنت کرتی ہو اور شوہر کی ناشکری کرتی ہو اور تمہارے علاوہ میں نے کسی کو نہیں دیکھا کہ وہ دین اور عقل میں نا قص ہونے کے باوجود کسی پختہ عقل والے مرد پر غالب آجائے، عورتوں نے کہا کہ یا رسول اللہ صلی اللہ علیہ وسلم یہ ہمارے دین میں اور ہماری عقل میں کیا نقصان ہے؟ آپ نے فرمایا کیا عورت کی شہادت (شرعا ایک) مرد کی نصف شہادت کے برابر نہیں ہے؟ انہوں نے کہا ہاں! آپ نے فرمایا یہی اس کی عقل کا نقصان ہے، کیا ایسا نہیں ہے کہ جب عورت حائضہ ہوتی ہے، تو نہ نماز پڑھ سکتی ہے اور نہ روزہ رکھ سکتی ہے؟ انہوں نے کہا ہاں! آپ نے فرمایا بس یہی اس کے دین کا نقصان ہے۔
صحیح بخاری:جلد اول:حدیث نمبر 298 کتاب الحیض
'' یعنی کی عورت کے ساتھ یہ مسئلہ بہت پُرانا اور فطرتی ہے''

 

[ابو عکاشہ]

سبحان اللہ
جزاك اللہ خیرا بھائی۔

یا شیخ آپ کہاں ہیں آج کل نظر نہیں آرہے
اللہ آپ کو اپنے حفظ و امان میں رکھے
آمین

 

[باذوق]

بھائی یہ حدیث رسول مقبول صلی اللہ علیہ وآلہ وسلم بھی دیکھیں اس مسئلہ میں:

سعید بن ابی مریم، محمد بن جعفر، زید بن اسلم، عیاض بن عبداللہ ، حضرت ابوسعید خدری رضی اللہ تعالیٰ عنہ روایت کرتے ہیں کہ ایک مرتبہ رسول اللہ صلی اللہ علیہ وسلم عیدالاضحی یا عیدالفطر میں نکلے (واپسی میں) عورتوں کی جماعت پر گذر ہوا، تو آپ نے فرمایا کہ اے عورتو! صدقہ دو، اس لئے کہ میں نے تم کو دوزخ میں زیادہ دیکھا ہے، وہ بولیں یا رسول اللہ صلی اللہ علیہ وسلم وہ کیوں؟ آپ نے فرمایا کہ تم کثرت سے لعنت کرتی ہو اور شوہر کی ناشکری کرتی ہو اور تمہارے علاوہ میں نے کسی کو نہیں دیکھا کہ وہ دین اور عقل میں نا قص ہونے کے باوجود کسی پختہ عقل والے مرد پر غالب آجائے، عورتوں نے کہا کہ یا رسول اللہ صلی اللہ علیہ وسلم یہ ہمارے دین میں اور ہماری عقل میں کیا نقصان ہے؟ آپ نے فرمایا کیا عورت کی شہادت (شرعا ایک) مرد کی نصف شہادت کے برابر نہیں ہے؟ انہوں نے کہا ہاں! آپ نے فرمایا یہی اس کی عقل کا نقصان ہے، کیا ایسا نہیں ہے کہ جب عورت حائضہ ہوتی ہے، تو نہ نماز پڑھ سکتی ہے اور نہ روزہ رکھ سکتی ہے؟ انہوں نے کہا ہاں! آپ نے فرمایا بس یہی اس کے دین کا نقصان ہے۔
صحیح بخاری:جلد اول:حدیث نمبر 298 کتاب الحیض
'' یعنی کی عورت کے ساتھ یہ مسئلہ بہت پُرانا اور فطرتی ہے''

بھئی سچی بات تو یہ ہے کہ اس حدیث کے سہارے ، عورت کی ناقص العقلی کی تائید و الٰہی حکمت پر میں ماضی میں طویل مباحث کر چکا ہوں :) جن میں سے ایک یہ : عورت - ناقص العقل / ناقص دین ؟؟
دوسری بات یہ کہ ۔۔۔ اس تھریڈ کی پہلی پوسٹ کے حوالے سے جو مسئلہ میں بیان کرنا چاہ رہا تھا ، اس مسئلے کے ضمن میں عورت کی ناقص العقل والی یہ حدیث غیر متعلق ہے۔ عورت کے دین کا نقصان ہونا یا عورت کا کم عقل ہونا ۔۔۔ اس بات کی گواہی نہیں کہ چند غلط الفاظ پر اسے طلاق دے کر رخصت کر دیا جائے ۔۔ اسی لیے میں نے وضاحت کی تھی کہ : حضرت ابراہیم علیہ السلام کا حکم ایک نبی کا خصوصی حکم تھا جسے ہر عام آدمی پر لاگو کرنا درست نہیں۔

 

[ابو عکاشہ]

بھئی سچی بات تو یہ ہے کہ اس حدیث کے سہارے ، عورت کی ناقص العقلی کی تائید و الٰہی حکمت پر میں ماضی میں طویل مباحث کر چکا ہوں :) جن میں سے ایک یہ : عورت - ناقص العقل / ناقص دین ؟؟
دوسری بات یہ کہ ۔۔۔ اس تھریڈ کی پہلی پوسٹ کے حوالے سے جو مسئلہ میں بیان کرنا چاہ رہا تھا ، اس مسئلے کے ضمن میں عورت کی ناقص العقل والی یہ حدیث غیر متعلق ہے۔ عورت کے دین کا نقصان ہونا یا عورت کا کم عقل ہونا ۔۔۔ اس بات کی گواہی نہیں کہ چند غلط الفاظ پر اسے طلاق دے کر رخصت کر دیا جائے ۔۔ اسی لیے میں نے وضاحت کی تھی کہ : حضرت ابراہیم علیہ السلام کا حکم ایک نبی کا خصوصی حکم تھا جسے ہر عام آدمی پر لاگو کرنا درست نہیں۔

باذوق بھائی میرا پہلی اور دوسری حدیث رسول مقبول صلی اللہ علیہ وآلہ وسلم
بیان کرنے کا مقصد '' ناشکری '' تھا
نا شکری شوہر کی ہو یا للہ مالک الملک کی
دونوں صورتوں میں جائز نہیں

 

[حرب بن شداد]

الحمداللہ اُم القرٰی پہنچ گئے ہیں بفضل تعالٰی بس شقہ کی تلاش جاری ہے دیکھیں اللہ کی مدد کب آتی ہے۔۔۔

یا شیخ آپ کہاں ہیں آج کل نظر نہیں آرہے
اللہ آپ کو اپنے حفظ و امان میں رکھے
آمین