ایٹمی معاہدہ طے پانے پر ایرانی شہری خوشی سے نہال، سڑکوں پر جشن مناتے رہے: آپ کیا کہے گے اس بارے میں؟

[محمد عامر یونس]

ایٹمی معاہدہ طے پانے پر ایرانی شہری خوشی سے نہال، سڑکوں پر جشن مناتے رہے

03 اپریل 2015 (22:23)

تہران (مانیٹرنگ ڈیسک) دنیا کی 6 بڑی طاقتوں اور ایران کے درمیان نیوکلیئر فریم ورک معاہدے کے اعلان کے بعد ایرانی شہری خوشی سے نہال ہو کر سڑکوں پر نکل آئے اور رات بھر جشن مناتے رہے جبکہ ایرانی حکام کی خوشی کا اندازہ اس بات سے لگایا جا سکتا ہے کہ 1979ءکے انقلاب کے بعد پہلی مرتبہ کسی امریکی صدر کی تقریر سرکاری ٹی وی پر براہ راست نشر کی گئی۔ سوشل میڈیا پر کچھ ایرانی شہریوں کی جانب سے مزاحیہ تصاویر بھی فوٹو شاپ کر کے شیئر کی گئی ہیں جن میں امریکی صدر براک اوباما کو مذہبی پیشوا کے روپ میں دکھایا گیا اور ملا اباما کہہ کر مخاطب کیا گیا ہے غرضیکہ لگتا ہے ایرانی عوام کو شدت سے اس معاہدے کی کامیابی کا انتظار تھا۔

سوئٹزر لینڈ میں ہونے والے طویل مذاکرات کے بعد جیسے ہی دونوں فریقین کی جانب سے سوشل میڈیا کے ذریعے کامیابی کا اعلان کیا گیا تو ایرانی شہری جشن کی تیاریوں میں مصروف ہو گئے اور کچھ ہی دیر کے بعد سڑکوں پر تل دھرنے کو جگہ نہ تھی۔ فریم ورک پر اتفاق ہونے کے بعد ایرانی وزیر خارجہ جب وطن واپس پہنچے تو شہریوں کی بڑی تعداد نے ائیرپورٹ پر ان کا شاندار استقبال کیا اور اسے ایرانی حکومت کا اہم اقدام قرار دیا۔ایرانی شہری کس قدر خوش اور پرجوش تھے ، اس کا اندازہ مندرجہ ذیل تصاویر اور ویڈیوز کو دیکھ کر کیا جا سکتا ہے۔

http://dailypakistan.com.pk/daily-bites/03-Apr-2015/209825

 

[اہل حدیث نیوز]

امید ہے ایران معاہدے سے عالمی سلامتی مضبوط ہوگی، سعودی شاہ سلمان
اس خبر کو اہل حدیث نیوز پر شئیر کیا گیا ہے تفصیلات کے لیے یہاں کلک کریں