ایک دنبہ کی قربانی کا سوال ہے

[123456789]

چند دن ہوئےفیس بک پرقاری حنیف ڈار صاحب نے ایک پوسٹ شیئرکی اور بتایا کہ بقر عیدپر ایک دنبہ کی قربانی میاں خود اپنی طرف سے اور بیوی بچوںو ماں باپ کی طرف سے کرسکتا ہے۔ جو کہ معروف بات سے بالکل ہٹ کر ایک بات ہے ۔ اس بات تعجب تو ہوا لیکن انہوں نے یہ بات احادیث کے حوالے سے کی تھی کہ یہ بات احادیث سے ثابت ہے اور اسکی گنجائش موجودہے۔ اس بات سے مجھے خوشی بھی ہوئی کہ کم از کم ہمارے جیسےکمزور لوگوں کیلئے بھی قربانی کی گنجائش نکل آئیگی اگر یہ بات درست ثابت ہوجاتی ہے۔ کیونکہ ہم ہر گھر کے ہر فرد کی طرف سے الگ الگ قربانی اگر کرتے ہیں تو کافی تنگی کا سامنا کرنا پڑتا ہے اور بعض اوقات تو نوبت قرض تک کی آجاتی ہے۔ اس لئے علماء و مفتی حضرات دلائل کو دیکھتے ہوئے ترجیحی بنیادوں پراس مسئلہ کو واضح کریں۔

کیا دنبہ کی جگہ بکری کی قربانی میں مذکورہ صورت اختیار کی جاسکتی ہے ؟

 

[ابوالحسن علوی]

جی ہاں، ایک دنبہ یا ایک بکری کی قربانی ایک گھر کے جمیع افراد کی طرف سے کفایت کرتی ہے۔ حضرت ابو ایوب انصاری رضی اللہ عنہ سے مروی ایک روایت کے الفاظ ہیں:

كان الرجل منّا في عهد النبي صلى الله عليه وسلم يضحي بالشّاة الواحدة عنه وعن أهل بيته، ويأكلون ويطعمون

أخرجه الترمذي في كتاب الأضاحي عن رسول الله صلى الله عليه وسلم، باب ما جاء أن الشاة الواحدة تجزئ عن أهل البيت، برقم (1505)، وابن ماجه في كتاب الأضاحي، باب من ضحى بشاة عن أهله، برقم (3147

ہم میں کوئی ایک اللہ کے رسول صلی اللہ علیہ وسلم کے زمانے میں ایک بکری اپنی طرف سے اور اپنے گھر والوں کی طرف سے قربانی کرتا تھا۔ اور اس میں سے خود بھی کھاتے تھے اور لوگوں کو بھی کھلاتے تھے۔