بزمِ غالب

[عمران ناصر]

وعلیکم السلام ورحمۃ اللہ وبرکاتہ !
عمران بھائی آپ نے بالکل بجا فرمایا اور نام کے حوالے سے میری رائے یہ ہے کہ اسے ہم اردو ادب کا ذیلی موضوع بنا کر اس کا نام بزم سخن یا بزم شعراء رکھ دیں ۔کہیے کیا خیال ہے ؟؟؟؟؟؟؟

ٹھیک خیال ہے میرے بھائی۔ ویسے بھی بقول شیکسپئیر "اگر گلاب کے پھول کو گوبھی کا پھول بھی کہیں تو وہ رہے گا گلاب ہی (معاف کیجئیے گا بس ازراہِ تفنن بات کی ہے)

بھوک,بزم غالب,اردو ادب

میں نے یہاں پر ایک نثری نظم پیش کی تھی جو کہ مجھے تو بہت پسند تھی اور کوئی غیر مہذب بھی نہیں تھی لیکن میرا خیال ہے اسے زیادہ لوگوں نے پسند نہیں کیا کسی نے اعتراض تو نہیں کیا لیکن پھر بھی مجھے ایسامحسوس ہوا تو۔۔۔۔۔۔۔۔ میں اس کی تدوین کر رہا ہوں مطلب اسے ختم ہی کر رہا ہوں بہت پیاری نظم تھی ویسے مجھے تو اس میں ایک لیسن محسوس ہوا تھا تومیں نے شیئر کر دی بہرحال اسے ختم کر دیا گیا تا کہ اگر کسی کو اعتراض ہو بھی تو اسے کہنے کی زحمت نہ دی جائے۔ اس کا مفہوم بس یہ تھا (لیکن ذرا ایموشنل انداز میں بیان کیا گیاتھأ)

دنیا نے تیری یاد سے بیگانہ کر دیا
تجھ سے بھ دل فریب ہیں غم روز گارکے
(فیض احمد فیض)

بھائی یہ تو آپ نے جلدی کی ابھی تو میں اسے ڈائری پر نوٹ بھی نہ کر پایا تھا۔

 

[رانا ابوبکر]

اک مدت سے میر ی ماں نہیں سوئی تابشؔ
میں نے ایک بار کہا تھا مجھے ڈر لگتا ہے
(عباس تابش)

 

[رانا ابوبکر]

بھائی یہ تو آپ نے جلدی کی ابھی تو میں اسے ڈائری پر نوٹ بھی نہ کر پایا تھا۔

حضور والا آپ کو ڈائری میں نوٹ کروائے بنا ہم کہیں نہیں جائیں گے انشاءاللہ۔ یہاں ہی دوبارہ پوسٹ کر دیں گے یا پھر کسی اور ذریعہ سے آپ تک پہنچ جائے گی۔ ویسے عمران صاحب مجھے خود وہ نظم بہت پسند تھی۔

 

[عمران ناصر]

اک چھوٹا سا لڑکا تھا میں جن دنوں
اک میلے میں پہنچا ہمکتا ہوا
جی مچلتا تھا ہر اک شئے مول لوں
جیب خالی تھی کچھ مول لے نہ سکا
لوٹ آیا لئیے حسرتیں سینکڑوں

آج میلہ لگا ہے اسی شان سے
آج چاہوں تو سارا جہاں مول لوں
آج چاہوں تو اک اک دوکاں مول لوں
نارسائی کا اب دل میں دھڑکا کہاں
پر وہ الھڑ سا چھوٹا سا لڑکا کہاں

 

[رانا ابوبکر]

زبر دست عمران ناصر صاحب آپ نے بہت ہی پیاری نظم پیش کی ہے۔ جی تو چاہ رہا ہے کہ ہم بھی کچھ کہہ ہی دیں پر اب وہ الہڑ سا چھوٹا سا لڑکا کہاں۔۔۔۔۔۔

 

[کلیم حیدر]

تیری رحمتوں پہ ہے منحصر میرے ہر عمل کی قبولیت
نہ مجھے سلیقہ التجاء نہ مجھے شعورنماز ہے​

 

[ماہا]

میری گفتگو کے گلاب سے
ہو دلوں میں ایسی شگفتگی
کہ مہک اٹھیں دروبام بھی
میری دعا ہے کہ کبھی موم ہوں
ان کے دل بھی میرے لئے
جن بیر ہے میری ذات سے
جو کہ
بد گمان ہیں میرے نام سے​