بچپن کی نظمیں

[مشکٰوۃ]

بسم اللہ الرحمٰن الرحیم
السلام علیکم ورحمۃ اللہ وبرکاتہ

بجلی کی لوڈ شیڈنگ کے دوران سب سے پسندیدہ کام بچپن کو یاد کرنا ہوتاتھا لیکن جب سے یو پی ایس نام کی بلا پڑھائی کے نام پر گھر میں براجمان ہوئی تب سے اس نعمت سے بھی ہاتھ دھوتے رہے ۔۔دو تین دن قبل بجلی کی آنیوں جانیوں میں یو پی ایس کے بند ہونے پر جہاں ہم عرصے بعد خوب لطف اندوز ہوئے وہیں ایک بار پھر سے بچپن کی یادوں کا بھولا بسرا سلسلہ یاد آ گیا۔ اور ہم اس دور میں پہنچ گئے جب ہم لہک لہک کر " پانچ چوہے" چیچو چیچو چاچا " ایک تھاراجا ایک تھی رانی"ثریا کی گڑیا " سوہنی دھرتی"سنو گپ شپ ،سنو گپ شپ" ایک دو ،ایک دو "پڑھاکرتے تھے۔تآنکہ بجلی صاحبہ تشریف لے آئیں اور ہمیں اس سلسلے کو بند کرنا پڑا۔
سوچا کہ محدث فورم پر اسی سلسلے کو شروع کیا جائے ہو سکتا ہے کہ کسی کو کوئی بھولی بسری نظم یاد آ جائے اور ہم جیسوں کا بھلا ہو جائے:)

چیچو چیچو چاچا

چیچو چیچو چاچا
گھڑی پے چوہا ناچا
گھڑی نے ایک بجایا
چوہا نیچے آیا
​

 

[اخت ولید]

ابو لائے موٹر کار
اس کے نیچے پہیے چار
چابی سے وہ چلتی ہے
آگے جائے،پیچھے جائے
دائیں بائیں مڑ جائے!!
​

ٹھیک سے لکھ دی؟:)

 

[مشکٰوۃ]

ابو لائے موٹر کار
اس کے نیچے پہیے چار
چابی سے وہ چلتی ہے

پوں پوں پوں پوں کرتی ہے !​

آگے جائے،پیچھے جائے
دائیں بائیں وہ مڑ جائے!!
​

ٹھیک سے لکھ دی؟:)

آپ کی گاڑی پوں پوں ،پوں پوں نہیں کرتی تھی؟؟؟(:

 

[مشکٰوۃ]

"پانچ چوہے"

پانچ چوہے گھر سے نکلے
کرنے چلے شکار
ایک چوہا رہ گیا پیچھے
باقی رہ گئے چار

چار چوہے جوش میں آ کے
لگے بجانے بین
ایک چوہے کو آ گئی کھانسی
باقی رہ گئے تین

تین چوہے ڈر کر بولے
گھر کو بھاگ چلو
ایک چوہے نے بات نہ مانی
باقی رہ گئے دو

دو چوہے پھرمل کر بیٹھے
دونوں ہی تھے نیک
ایک چوہے کو کھا گئی بلی
باقی رہ گیا ایک

ایک چوہا جو رہ گیا باقی
کر لی اس نے شادی
بیوی اس کو ملی لڑاکا
یوں ہوئی بربادی​

صوفی تبسم​

 

[مشکٰوۃ]

آہا آہا ہو ہو ہو
منا ایک اور لڈو دو
اک لڈو منے نے کھایا
دوسرا منا دوڑا آیا
آہا آہا ہو ہو ہو
لڈو ایک اور منے دو
​

 

[مشکٰوۃ]

عذرا کی گڑیا

عذراکی گڑیا
سوئی ہوئی ہے
گھنٹی بجاؤ
اس کو جگاؤ
توبہ ہے میری
میں نہ جگاؤں
وہ رو پڑے گی
مجھ سے لڑے گی:)​

 

[نسرین فاطمہ]

عذرا کی گڑیا
مرچوں کی پڑیا

دل کو لبھائے
سب کو ہنسائے

چھوٹی بہت ہے
موٹی بہت ہے

بولے نہ چالے
دن رات جاگے

​

 

[نسرین فاطمہ]

بھائی میاں جاپان سے آئے
چار کھلونے ساتھ میں لائے

ایک گڑیا ایک موٹر بھی ہے
ایک گڈا ایک بندر بھی ہے

گڑیا ناچ دکھاتی ہے
آنکھوں کو مٹکاتی ہے

موٹر تیزی سے چلتی ہے
اس کی ہر بتی جلتی ہے

گڈا سیڑھی پہ چڑھتا ہے
اے بی سی ڈی پڑھتا ہے

بندر ڈھول بجاتا ہے جب
اس کو دیکھ کہ ہنستے ہیں سب​

 

[نسرین فاطمہ]

ایک تھا تیتر ایک بٹیر
لڑنے میں تھے دونوں شیر

لڑتے لڑتے ہوگئی گم
ایک کی چونچ ایک کی دم

 

[نسرین فاطمہ]

بے بی بے بی سوجا
لال پلنگ پہ سوجا

امی ابو آئیں گے
لال ٹوپی لائیں گے

بے بی کے سر پہ ٹوپی
چمکے ہیرا موتی

لال پری جب آئے گی
ڈھیر سی گڑیا لائے گی

ایک گڑیا ٹوٹ گئی
ننھی منی روٹھ گئی​