بچے کے کان میں اذان دینے کی شرعی حیثیت

[ڈاکٹر عادل ایوب سلفی]

السلام علیکم و رحمة الله وبركاته!
اس مسلئہ کی تحقیق درکار ہے سنن ابوداود میں بچے کے کان میں اذان دینے کی حدیث درج ذیل ہے

"جناب عبداللہ بن ابو رافع نے اپنے والد سے روایت کیا وہ کہتے ہیں کہ جب سیدہ فاطمہ رضی الله عنہ نے حسن بن علی رضی الله عنہما کو جنم دیا تو میں نے دیکھا کہ رسول الله صلی الله علیہ و آلہ وسلم نے ان کے کان میں نماز والی اذان کہی تھی۔"
(سنن ابی داود ، حدیث نمبر 5105)

اس حدیث کو شیخ البانی نے ضعیف قرار دیا ہے دیکھئے
(الضعیفہ ،1/ 329-331 ، حدیث:321)
اس حدیث کو شیخ زبیر علی زئی نے بھی ضعیف قرار دیا ہے دیکھئے
(انوارالصحیفہ فی الاحادیث الضعیفہ، صفحہ نمبر 177، مکتبہ الاسلامیہ)

شیخ البانی سے بھی اذان دینے کا عمل ملتا ہے اور اس پر بعض اہلحدیث کا بھی عمل ہے

تو اس مسلئہ میں اہل علم سے تحقیق درکار ہے

جزاكم الله الخير

 

[اسحاق سلفی]

س حدیث کو شیخ زبیر علی زئی نے بھی ضعیف قرار دیا ہے دیکھئے
(انوارالصحیفہ فی الاحادیث الضعیفہ، صفحہ نمبر 177، مکتبہ الاسلامیہ)

شیخ البانی سے بھی اذان دینے کا عمل ملتا ہے اور اس پر بعض اہلحدیث کا بھی عمل ہے

تو اس مسلئہ میں اہل علم سے تحقیق درکار ہے

لیکن حافظ شیخ زبیر علی زئی ؒ کا یہ فتوی بھی پیش نظررہے:

سوال: نومولودبچے کے کان میں اذان دینا صحیح صریح احادیث سے ثابت ہے؟

جواب: نومولودکے کان میں اذان دینے والی حدیث ضعیف ہے لیکن امام ترمذی کے قول ’’والعمل علیہ‘‘(سنن ترمذی:1514ونسخہ مخطوطہ ص108) سے معلوم ہوتاہے کہ اس مسئلہ پرتمام مسلمانوں کا عمل یعنی اجماع ہے۔
[ماہنامہ الحدیث: 10/ 22]۔

 

[ڈاکٹر عادل ایوب سلفی]

اس مسلئہ کو میں نے شیخ مبشر احمد ربانی کے سامنے جب پیش کیا تو انہوں نے اس کا یہ جواب دیا
کہ ہر بچہ فطرت اسلام پر پیدا ہوتا ہے تو اس کے ماں باپ ہرتے جو اسے یہودی یا مجوسی بنا دیتے
تو انہوں نے کہا کب بچہ پیدا ہی مسلمان ہوتا تو اذان دینے سے اس نے تھوڑا مسلمان ہونا تو انہوں احادیث کی رو اذان دینا درست نہیں
والله اعلم

 

[کنعان]

ںومولود کے کان میں آذان و اقامت کا مسئلہ

 

[خضر حیات]

اس کے متعلق تمام روایات ضعیف ہیں ۔ البتہ شیخ زبیر صاحب نے ترمذی کی بات سے جو اجماع کی بات کی ہے ، اس رو سے اگر کوئی کرلے تو بدعت وغیرہ کا فتوی نہیں لگایا جاسکتا ۔ واللہ اعلم ۔
ایک غیر متعلق بات :
تقریبا تین سال پہلے مدینہ منورہ میں پاکستانی طلبہ کے ایک اجتماع میں اس موضوع پر مباحثہ ہوا تھا ، جس میں ٹائپر الحروف نے اس کے حق میں دلائل دیے جو سب سے بھاری اور وزنی تسلیم کیے گئے اور ہم اول انعام کےحق دار قرار پائے ۔ ابتسامہ ۔

 

[مون لائیٹ آفریدی]

شیخ ابو محمد امین اللہ پشاوری صاحب کی تحقیق کے مطابق کہ یہ ایک مستحب عمل ہے اگر کوئی اس پر عمل نہ کرے تو کوئی گناہ نہیں ہے ۔
ترمذی میں حسن حدیث ہے کہ جب حسن ابن علی رضی اللہ عنہ پیدا ہوئے تو نبی علیہ السلام نے اس کے کان میں اذان دی ۔
اور ابوبکر صدیق رضی اللہ عنہ نے عبداللہ بن زبیر رضی اللہ عنہ جب پیداہوئے تو ان کے کان میں اذان دی تھی ۔
عمر بن عبدالعزیز رحمہ اللہ نے اس بات کو روایت کیا ہے ۔جو کہ ایک تابعی اور نیک انسان مشہور تھے ۔ انھوں نے یہ بات اپنی من سے تھوڑی کی ہے ۔
اور اس پر مسلمانوں کا تعامل ۔
اس کی تائید میں دو روایات اور بھی ہے جن میں ایک ضعیف اور دوسری قوی ہے جوپہلی روایت کی وضاحت اور تائیدکرتی ہے ۔
‏1۔إذا تغولت الغيلان فنادوا بالأذان ۔۔ مجمع الزاوئد ومنبع الفوائد
رواه البزار ، ورجاله ثقات ، إلا أن الحسن البصري لم يسمع من سعد فيما أحسب
جب کبھی جنات آپ کو ڈرائے تو اذان شروع کرو۔
لیکن یہ روایت معناً صحیح ہے ۔ مسلم میں ایک روایت ہے جو پہلی کا مفہوم ادا کرتا ہے ۔
ایک صحابی نے اپنے بیٹے کو کہیں پر بھیجا ، راستہ میں کسی نے آواز دی جب وہ پیچھے پلٹا تو کوئی نہیں تھا ڈر گیا ۔
واپسی پر اس نے والد کو قصہ سنایا تو والد نے جواب دیا کہ اگر مجھے پتہ ہوتا کہ آپ اس طرح ڈر جاتے تو میں کبھی آپ کو وہاں پر نہ بھیجتا ۔ لیکن پھر اگر ایسا کوئی واقعہ رونما ہوجائے تو اذان شروع کرنا کیونکہ میں نے نبی علیہ السلام سے سنا ہے کہ جب اذان شروع ہوجاتی ہے تو شیطان دوڑنا شروع کرتا ہے اور گوز مارتا ہے ۔

 

[آزاد]

وہ وزنی تے بھاری دلائل یہاں بھی رقم فرما دیں۔

 

[خضر حیات]

وہ وزنی تے بھاری دلائل یہاں بھی رقم فرما دیں۔

وه صرف بالمشافہ بحث و مباحثہ کے لیے تھے ،، دعوت ککڑی میں تشریف لائیں ،سن لیجیے گا ۔

 

[آزاد]

دعوت ککڑی میں آنا مشکل ہے یا ابا عبد المنان!

 

[خضر حیات]

دعوت ککڑی میں آنا مشکل ہے یا ابا عبد المنان!

يسر الله لك لكل خير يا أباعبدالله