بھیک کا بزنس

[سرفراز فیضی]

آج ممبرا اسٹیشن پر کینٹین کے سامنے ایک دس بارہ سال کی لڑکی نے پاپ کان کی طرف اشارہ کرتے ہوئے کہا:
"انکل بھوک لگی ہے ۔ یہ دلا دیجیے"
میں نے سوچا یہ واقعی میں مجبور لڑکی ہوگی ۔ بھوک لگی ہوگی تبھی پاپ کارن مانگ رہی ہے ورنہ پیسہ مانگتی ۔ میں نے بارہ روپیے کا پاپ کارن خرید کے دے دیا۔ جیسے ہی میں نے پاپ کارن خریدا ایک آدمی میرے پاس آیا اور اس لڑکی سے کہا:
"میں نے بھی ابھی تم کو پاپ کارن دلایا ہے وہ کیا کیا تم نے؟"
لڑکی نے کھسیائے ہوئے انداز میں اسکارف کے نیچے سے ایک اور پاپ کارن برآمد کیا۔
دوکاندار نے بتایا کہ یہ لڑکی ایک دکان سے پاپ کارن خریدواتی ہے اور دوسری دکان پر بیچ دیتی ہے ۔
میں نے سوچا کہ 12 کا پاپ کارن اگر یہ 10 میں بھی بیچتی ہوگی تو ایک پاپ کارن پر دس روپے کی کمائی ۔ دن پھر میں 50 لوگوں کو ٹھگا تو ایک دن کے 500۔ مہینہ کے 15 ہزار۔ اچھا دھندا ہے ۔​

 

[ابوالحسن علوی]

مولانا آپ کے تو بارہ ہی گئے ناں؟ (ابتسامہ)

 

[گنہگار]

مولانا ! ٹھگی کرنے والوں کا کیا حشر بنے گا؟
وہ جو ایسے ایسے بڑے دھوکے دیتے ہیں جس سے انسان جان اور مال تک گنوا بیٹھتا ہے ، ایک بندہ شدید پریشانی میں خود کشی تک کا سوچ لیتا ہے کہ اس کی زندگی کی ساری پونجی کسی ٹھگیے
نے ٹھگ کر اپنی دنیا بنا لی؟
مجھے تو ایک ہی حدیث ملی کہ
"جو دھوکہ دے وہ ہم میں سے نہیں"

 

[عبدالقیوم]

کمال ذہانت ہے مانگنے والے کی