تحفہ اصلاحی

[عبد الرشید]

کتاب کا نام

تحفہ اصلاحی

مصنف
ڈاکٹر مفتی عبد الواحد
ناشر
ادارہ تعلیمات دینیہ کریم پارک لاہور
[URL=http://s1053.photobucket.com/user/kitabosunnat/media/TitlePages---Tuhfa-e-Islahi.jpg.html][/URL]
تبصرہ​

مولانا امین احسن اصلاحی نے اپنی تفسیر "تدبر قرآن " کے علاوہ اصول تفسیر میں" مبادی تدبر قرآن "اور اصول حدیث میں "مبادی تدبر حدیث" بھی لکھی ہیں۔جن میں انہوں نے اسلاف سے ہٹ کر چند منفرد اصول بیان کئے ہیں۔چنانچہ مولف کتاب ہذا ڈاکٹر مفتی عبد الواحدنے مولانا امین احسن اصلاحی کی ان دونوں کتب کا تحقیقی وتنقیدی جائزہ لیا اور اپنے اس جائزے کو اپنی کتاب "ڈاکٹر اسرار احمد کے افکار ونظریات تنقید کی میزان میں"کے ساتھ ہی شائع کر دیا ہے۔کیونکہ ڈاکٹر اسرار احمد نے اپنے چار منبع فہم قرآن میں سے ایک مولانا حمید الدین فراہی اور مولانا امین احسن اصلاحی کو شمار کیا تھا۔بعد میں وہ جائزہ کچھ اضافوں کے ساتھ مضمون کی شکل میں جامعہ مدنیہ کے رسالہ انوار مدینہ میں قسط وار شائع ہوا۔اب کے بار مولف نے اس کی نظر ثانی کرتے ہوئے اسے دوبارہ کتابی شکل میں شائع کردیا ہے ،تاکہ مولانا امین احسن اصلاحی کے شاگردان رشید اس کتاب کا سنجیدگی سے مطالعہ کریں اور اپنے افکار ونظریات پر نظر ثانی کریں۔مولانا امین احسن اصلاحی تو دنیا میں نہیں رہے ،لیکن ان کے شاگردوں کو تو اصلاح احوال کی گنجائش حاصل ہے۔دعا ہے کہ اللہ تعالی اس کتاب کو اصلاح احوال کا ذریعہ بنا دے ۔آمین(راسخ)

اس کتاب تحفہ اصلاحی کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

​

پہلا باب اجماع امت کی مخالفت
پہلی مثال شادی شدہ زانی کے لیے رجم کے حد ہونے سے انکار
دوسری مثال قراءت کی مختلف نوعیتوں کا انکار
دوسرا باب اصلاحی صاحب کے اصول حدیث و سنت
حدیث و سنت مترادف ہیں یا نہیں
حدیث اور خبر
حدیث متواتر کے وجود کے بارے میں غلط نظریہ
الکفایہ کی عبارت میں اصلاحی صاحب کی تلبیسات
انکار حدیث کا ایک بہانہ
اصلاحی صاحب کی حدیث دشمنی کی تائید
تیسرا باب اصلاحی صاحب کے اصول تفسیر
اصلاحی صاحب کا طریق تفسیر
اصلاحی صاحب کے طریق تفسیر کی وجہ
اصلاحی صاحب کے طریقہ تفسیر و تدبر میں حیدث کے مقام کی مزید تفصیل
اصلاحی صاحب کی عبادات میں تعارض
اصلاحی صاحب کے طریقہ تفسیر و تدبر پر ایک نظر​