ترجمہ قرآن مجید(مولانا مودودی)

[عبد الرشید]

کتاب کا نام

ترجمہ قرآن مجید(مولانا مودودی)

مترجم کا نام

سید ابو الاعلی مودودی

ناشر

ادارہ ترجمان القرآن لاہور

تبصرہ

اردو زبان میں قرآن حکیم کے متعدد تراجم ہو چکےہیں لیکن مولانا مودودی کا ترجمہ ان میں منفرد حیثیت رکھتا ہے ۔وہ خود فرماتے ہیں کہ ’’اردو زبان میں قرآن مجید کے جتنے ترجمے ہو چکے ہیں ان کے بعد اب کسی شخص کے لیے محض برکت وسعادت کی خاطر ایک نیا ترجمہ شائع کرنا وقت او رمحنت کا کوئی صحیح مصرف نہیں ہے۔اس راہ میں مزید کوشش اگر معقول ہوسکتی ہے تو صرف اس کی صورت میں جبکہ آدمی طالبین قرآن کی کئی ایسی ضرورت کو پورا کرے جو پچھلے تراجم سے پوری نہ ہوتی ہو۔‘‘اس کے بعد انہوں نے اپنے ترجمے کا اسلوب یہ بیان کیا ہے کہ ترجمے کو پڑھتے ہوئے ایک عام ناظر قرآن کا مفہوم ومدعا بالکل صاف صاف سمجھتا چلا جائے اور اس سے وہی اثر قبول کرے جو قرآن اس پہ ڈالتا چاہتا ہے اس لیے میں نے لفظی ترجمے کا طریقہ چھوڑ کر آزاد ترجمانی کا طریقہ اختیار کیا ہے ۔حقیقت یہ ہے کہ ادبی اعتبار سے یہ ترجمہ انتہائی اعلیٰ مقام کا حامل ہے اور آزاد ترجمہ ہونے کے باوجود الفاظ قرآن سے قریب ترہے۔امید ہےکہ طالبین قرآن اس سے مستفید ہوں گے اور قرآنی مطالب سے واقفیت حاصل کر کے اس پر عمل پیرا ہونے کی کوشش کریں گے۔(ط۔ا)
اس ترجمہ قرآن مجید (مولانا مودودی) کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[محمد ارسلان]

جزاک اللہ خیرا

 

[شاکر]

کافی عرصہ قبل کہیں دیکھا تھا کہ کچھ افراد اس ترجمہ کو یونیکوڈائز کر رہے تھے۔ معلوم نہیں وہ کام کہاں تک پہنچا۔ جن صاحب کو اس ترجمہ کی یونیکوڈ فائلز مل سکیں ازراہ کرم وہ ضرور یہاں شیئر کریں۔ جزاکم اللہ خیرا۔

 

[باذوق]

کافی عرصہ قبل کہیں دیکھا تھا کہ کچھ افراد اس ترجمہ کو یونیکوڈائز کر رہے تھے۔ معلوم نہیں وہ کام کہاں تک پہنچا۔ جن صاحب کو اس ترجمہ کی یونیکوڈ فائلز مل سکیں ازراہ کرم وہ ضرور یہاں شیئر کریں۔ جزاکم اللہ خیرا۔

ترجمۂ تفہیم القرآن
براہ راست ڈاؤن لوڈ لنک (یونیکوڈ ٹکسٹ فائل)

میں نے اس ترجمہ کی ایکسل فائل بھی کافی عرصہ قبل بنالی تھی۔ اس ایکسل فائل کا لنک بھی ابھی ڈھونڈ کر دیتا ہوں۔

 

[شاکر]

جزاک اللہ باذوق بھائی۔ کیا تفہیم القرآن بھی یونیکوڈائز ہو چکی ہے؟

 

[Aamir]

آن لائن پڑھنے کے لئے یونیکوڈ میں یہ رہا
Tafheem-ul-Quran by Syed Abu Al Ala Moududi with Search

آپ یہاں تفسیر بھی یونیکوڈ میں دیکھ سکتے ہے اور کاپی پیسٹ بھی کر سکتے ہے

 

[تلمیذ]

کیا مودودی صاحب مستند عالم دین تھے ؟
ان کی کتابوں میں تو کچھ اس طرح کی باتیں ہیں ۔
انبیاء کرام سے قصور بھی ہوجاتے تھے اور انہیں سزا تک دی جاتی تھی۔ (رسالہ ترجمان القرآن صفحہ158 مئی 1955ء)
حضرت داؤد علیہ السلام کے فعل میں خواہش نفس کا کچھ دخل تھا۔ (تفہیم القرآن صفحہ 327 جلد4 سورہ ص)
حضرت یونس علیہ السلام سے فریضہ رسالت کی ادائیگی میں کچھ کوتاہیاں ہوگئی تھیں۔ غالباً انہوں نے بےصبر ہوکر قبل از وقت اپنا مستقر بھی چھوڑ دیا تھا۔ (تفہیم القرآن صفحہ312 جلد2 تیسرا ایڈیشن)
حضرت عثمان جن پر اس کار عظیم (خلافت) کا بار رکھا گیا تھا ان خصوصیات کے حامل نہ تھے جو ان کے جلیل القدر پیشرؤں کو عطا ہوئی تھیں۔ (تجدید و احیاء دین صفحہ 23)
ایک اور نہایت مکروہ بدعت حضرت معاویہ کے عہد میں یہ شروع ہوئی کہ وہ خود اور ان کے حکم سے ان کے تمام گورنر خطبوں میں برسرمنبر حضرت علی پر سب و شتم (گالیوں) کی بوچھاڑ کرتے تھے۔حتی کہ مسجد نبوی میں منبر رسول پر عین روضہ نبوی کے سامنے حضور کے محبوب ترین عزیز کو گالیاں دی جاتی تھیں اور حضرت علی کی اولاد اور ان کے قریب ترین رشتہ داراپنے کانوں سے یہ گالیاں سنتے تھے۔ کسی کے مرنے کے بعد اس کو گالیاں دینا شریعت تو درکنار انسانی اخلاق کے بھی خلاف تھا اور خاص طور پر جمعہ کے خطبہ کو گندگی سے آلودہ کرنا دین و اخلاق کے لحاظ سے سخت گھناؤنا فعل تھا۔ (خلافت و ملوکیت صفحہ 174)
کیا یہ وہی مودودی صاحب ہیں جن کا آپ نے ترجمہ شائع کیا ہے ؟

 

[اسماعیل قاضی]

السلام عليكم ورحمة الله وبركاته
کیا بات ہے آپ نے اوپر ایک بهائی کے سوال کا جواب نہیں دیا جس نے مولانا مودودی کے کتاب کے حوالے سے بات کی ہے ہم بهی اس کو سمجھنا چاہینگے آپ کی بڑی مہربانی ہوگی
جزاک اللہ خیر

 

[جوش]

تلمیذ صاحب آپ نے حقیقت پسندانہ بات لکھی ہے جزاک اللہ