عبد الرشید
رکن ادارہ محدث
- شمولیت
- مارچ 02، 2011
- پیغامات
- 5,605
- ری ایکشن اسکور
- 9,999
- پوائنٹ
- 667
تبصرہ
تزکیہ نفس ،تہذیب اخلاق اور اطمینان نفس کا سرچشمہ نبی کریم ﷺ کی ذات اقدس ہے ۔ شریعت اسلامیہ میں تزکیہ سے مراد یہ ہے کہ انسان اپنے نفس کو ان ممنوع معیوب اور مکروہ امور سے پاک صاف رکھے جنہیں قرآن و سنت میں ممنوع معیوب اور مکروہ کہا گیا ہے۔ گویا نفس کو گناہ اور عیب دار کاموں کی آلودگی سے پاک صاف کر لینا اور اسے قرآن و سنت کی روشنی میں محمود و محبوب اور خوب صورت خیالات و امور سے آراستہ رکھنا نفس کا تزکیہ ہے۔ اللہ تعالیٰ نے انبیاء کرام کو جن اہم امور کے لیے مبعوث فرمایا ان میں سے ایک تزکیہ نفس بھی ہے۔ رسول اکرم ﷺ پر نوع انسانی کی اصلاح کے حوالے جو اہم ذمہ داری ڈالی گئی اس کے چار پہلو ہیں ۔ تلاوت آیات،تعلیم کتاب،تعلیم حکمت،تزکیہ انسانی۔ قرآن مجید میں یہی مضمون چار مختلف مقامات پر آیا ہے جن میں ترتیب مختلف ہے لیکن ذمہ داریاں یہی دہرائی گئی ہیں۔ زیرنظر کتاب ’’تزکیۂ قلبِ مومن‘‘ علامہ نواب صدیق حسن خان قنوجی رحمہ اللہ کی فارسی تصنیف الروض الخضیب من تزکیۃ القلب المنیب کا اردو ترجمہ ہے اس کتاب کا بنیادی موضوع دل کی پاکیزگی، امراضِ قلب (جیسے حسد، کینہ، ریاکاری) کا علاج اور حبِ الٰہی کا حصول ہے۔ علامہ نواب صدیق حسن خان رحمہ اللہ نے اس کتاب میں قرآن و سنت کے دلائل کی روشنی میں باطنی گناہوں سے بچنے اور اعمالِ صالحہ کے ذریعے دل کو سنوارنے کے طریقے بیان کیے ہیں۔ یہ کتاب چونکہ فارسی زبان میں تھی تو مولانا ضیاء الحسن محمد سلفی حفظہ اللہ نے اس کتاب کا اردو ترجمہ کرنے کے ساتھ تخریج و تعلیق کا کام بھی کیا ہے جس سے اس کی افادیت دوچند ہو گئی ہے۔(م۔ا)