تفسیر احسن البیان (تفسیر مکی)

[محمد نعیم یونس]

وَاللَّيْلِ إِذَا يَغْشَاهَا ﴿٤﴾
قسم ہے رات کی جب اسے ڈھانپ لے۔ (۱)
٤۔۱۔ یعنی سورج کو ڈھانپ لے اور ہر سمت اندھیرا چھا جائے۔

 

[محمد نعیم یونس]

وَالسَّمَاءِ وَمَا بَنَاهَا ﴿٥﴾
قسم ہے آسمان کی اور اس کے بنانے کی۔ (۱)
۵۔۱ یا اس ذات کی جسے اس نے بنایا۔ پہلے معنی کی رو سے ما بمعنی مَنْ ہو گا۔

 

[محمد نعیم یونس]

وَالْأَرْ‌ضِ وَمَا طَحَاهَا ﴿٦﴾
قسم ہے زمین کی اور اسے ہموار کرنے کی۔ (۱)
٦۔۱ یا جس نے اسے ہموار کیا۔

 

[محمد نعیم یونس]

وَنَفْسٍ وَمَا سَوَّاهَا ﴿٧﴾
قسم ہے نفس کی اور اسے درست بنانے کی۔ (١)
٧۔١ یا جس نے اسے درست کیا۔ درست کرنے کا مطلب ہے، اسے متناسب الاعضاء بنایا، بے ڈھبا اور بے ڈھنگا نہیں بنایا۔

 

[محمد نعیم یونس]

فَأَلْهَمَهَا فُجُورَ‌هَا وَتَقْوَاهَا ﴿٨﴾
پھر سمجھ دی اس کو بدکاری کی اور بچ کر چلنے کی۔ (۱)
۸۔۱ الہام کا مطلب یا تو یہ ہے کہ انہیں اچھی طرح سمجھا دیا اور انہیں انبیاء علیہم السلام اور آسمانی کتابوں کے ذریعے سے خیر و شر کی پہچان کروا دی۔ یا مطلب ہے کہ ان کی عقل اور فطرت میں خیر اور شر، نیکی اور بدی کا شعور ودیعت کر دیا۔ تاکہ وہ نیکی کو اپنائیں اور بدی سے اجتناب کریں۔

 

[محمد نعیم یونس]

قَدْ أَفْلَحَ مَن زَكَّاهَا ﴿٩﴾
جس نے اسے پاک کیا وہ کامیاب ہوا۔ (١)
٩۔١ شرک سے، معصیت سے اور اخلاقی آلائشوں سے پاک کیا، وہ اخروی فوز و فلاح سے ہمکنار ہو گا۔

 

[محمد نعیم یونس]

وَقَدْ خَابَ مَن دَسَّاهَا ﴿١٠﴾
اور جس نے اسے خاک میں ملا دیا وہ ناکام ہوا۔ (١)
١٠۔١ یعنی جس نے اسے گمراہ کر لیا، وہ خسارے میں رہا۔ دَسٌّ، تَدْسِيسٌ سے ہے، جس کے معنی ہیں ایک چیز کو دوسری چیز میں چھپا دینا۔ دَسَّاهَا کے معنی ہوں گے جس نے اپنے نفس کو چھپا دیا اور اسے بے کار چھوڑ دیا اور اسے اللہ کی اطاعت اور عمل صالح کے ساتھ مشہور نہیں کیا۔

 

[محمد نعیم یونس]

كَذَّبَتْ ثَمُودُ بِطَغْوَاهَا ﴿١١﴾
(قوم) ثمود نے اپنی سرکشی کی باعث جھٹلایا۔ (۱)
۱۱۔۱ طُغْيَانٌ وہ سرکشی جو حد سے تجاوز کر جائے اسی طغیان نے انہیں تکذیب پر آمادہ کیا۔

 

[محمد نعیم یونس]

إِذِ انبَعَثَ أَشْقَاهَا ﴿١٢﴾
جب ان میں کا بد بخت اٹھ کھڑا ہوا۔ (١)
١٢۔١ جس کا نام مفسرین قدار بن سالف بتلاتے ہیں۔ اس کا ایسا کام کیا کہ یہ رئیس الاشقیاء بن گیا سب سے بڑا شقی (بدبخت)۔

 

[محمد نعیم یونس]

فَقَالَ لَهُمْ رَ‌سُولُ اللَّـهِ نَاقَةَ اللَّـهِ وَسُقْيَاهَا ﴿١٣﴾
اس کے پینے کی باری کی (حفاظت کرو)۔ (١)
١٣۔١ یعنی اس اونٹنی کو کوئی نقصان نہ پہنچائے، اسی طرح اس کے لیے پانی پینے کا جو دن ہو، اس میں بھی گڑبڑ نہ کی جائے۔ اونٹنی اور قوم ثمود دونوں کے لیے پانی کا ایک ایک دن مقرر کر دیا گیا تھا۔ اس کی حفاظت کی تاکید کی گئی۔ لیکن ان ظالموں نے پروا نہیں کی۔