تفسیر احسن البیان (تفسیر مکی)

[محمد نعیم یونس]

مَا وَدَّعَكَ رَ‌بُّكَ وَمَا قَلَىٰ ﴿٣﴾
نہ تو تیرے رب نے تجھے چھوڑا ہے اور نہ وہ بیزار ہو گیا ہے۔ (۱)
۳۔۱ جیسا کہ کافر سمجھ رہے ہیں۔

 

[محمد نعیم یونس]

وَلَلْآخِرَ‌ةُ خَيْرٌ‌ لَّكَ مِنَ الْأُولَىٰ ﴿٤﴾
یقیناً تیرے لیے انجام آغاز سے بہتر ہو گا۔ (١)
٤۔١ یا آخرت دنیا سے بہتر ہے۔ دونوں مفہوم معانی کے اعتبار سے صحیح ہیں۔

 

[محمد نعیم یونس]

وَلَسَوْفَ يُعْطِيكَ رَ‌بُّكَ فَتَرْ‌ضَىٰ ﴿٥﴾
تجھے تیرا رب بہت جلد (انعام) دے گا اور تو راضی (و خوش) ہو جائے گا۔ (١)
٥۔١ اس سے دنیا کی فتوحات اور آخرت کا اجر و ثواب مراد ہے۔ اس میں وہ حق شفاعت بھی داخل ہے جو آپ صلی اللہ علیہ وسلم کو اپنی امت کے گناہ گاروں کے لیے ملے گا۔

 

[محمد نعیم یونس]

أَلَمْ يَجِدْكَ يَتِيمًا فَآوَىٰ ﴿٦﴾
کیا اس نے یتیم پا کر جگہ نہیں دی؟ (١)
٦۔١ یعنی باپ کے سہارے سے بھی تو محروم تھا، ہم نے تیری دست گیری اور چارہ سازی کی۔

 

[محمد نعیم یونس]

وَوَجَدَكَ ضَالًّا فَهَدَىٰ ﴿٧﴾
اور تجھے راہ بھولا پا کر ہدایت نہیں (١) دی۔
٧۔١ یعنی تجھے دین شریعت اور ایمان کا پتہ نہیں تھا، ہم نے تجھے راہ یاب کیا، نبوت سے نوازا اور کتاب نازل کی، ورنہ اس سے قبل تو ہدایت کے لیے سرگرداں تھا۔

 

[محمد نعیم یونس]

وَوَجَدَكَ عَائِلًا فَأَغْنَىٰ ﴿٨﴾
اور تجھے نادار پا کر تونگر نہیں بنا دیا؟ (۱)
۸۔۱ تونگر کا مطلب ہے، اپنے سوا تجھ کو ہر ایک سے بے نیاز کر دیا، پس تو فقر میں صابر اور غنا میں شاکر رہا ہے۔ جیسے خود نبی صلی اللہ علیہ وسلم کا بھی فرمان ہے کہ "تونگری، ساز و سامان کی کثرت کا نام نہیں ہے، اصل تونگری دل کی تونگری ہے۔ (صحیح مسلم)

 

[محمد نعیم یونس]

فَأَمَّا الْيَتِيمَ فَلَا تَقْهَرْ‌ ﴿٩﴾
پس یتیم پر تو بھی سختی نہ کیا کر۔ (۱)
۹۔۱ بلکہ اس کے ساتھ نرمی و احسان کا معاملہ کر۔

 

[محمد نعیم یونس]

وَأَمَّا السَّائِلَ فَلَا تَنْهَرْ‌ ﴿١٠﴾
اور نہ سوال کرنے والے کو ڈانٹ ڈپٹ۔ (۱)
۱۰۔۱ یعنی اس سے سختی اور تکبر نہ کر، نہ درشت اور تلخ لہجہ اختیار کر۔ بلکہ جواب بھی دینا ہو تو پیار اور محبت سے دو۔

 

[محمد نعیم یونس]

وَأَمَّا بِنِعْمَةِ رَ‌بِّكَ فَحَدِّثْ ﴿١١﴾
اور اپنے رب کی نعمتوں کو بیان کرتا رہ۔ (۱)
۱۱۔۱ یعنی اللہ نے تجھ پر جو احسانات کیے ہیں، مثلا ہدایت اور رسالت و نبوت سے نوازا، یتیمی کے باوجود تیری کفالت و سرپرستی کا انتظام کیا، تجھے قناعت و تونگری عطا کی وغیرہ۔ انہیں جذبات تشکر و ممنونیت کے ساتھ بیان کرتا رہ۔ اس سے معلوم ہوا کہ اللہ کے انعامات کا تذکرہ اور ان کا اظہار اللہ کو پسند ہے لیکن تکبر اور فخر کے طور پر نہیں بلکہ اللہ کے فضل و کرم اور اس کے احسان سے زیر بار ہوتے ہوئے اور اس کی قدرت و طاقت سے ڈرتے ہوئے کہ کہیں وہ ہمیں ان نعمتوں سے محروم نہ کر دے۔

 

[محمد نعیم یونس]

سورة الشرح

(سورہ الم نشرح مکی ہے اور میں آٹھ آیتیں ہیں۔)

​

بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں اللہ تعالیٰ کے نام سے جو بڑا مہربان نہایت رحم والا ہے۔

أَلَمْ نَشْرَ‌حْ لَكَ صَدْرَ‌كَ ﴿١﴾
کیا ہم نے تیرا سینہ نہیں کھول دیا۔ (١)
١۔١ گزشتہ سورت میں تین انعامات کا ذکر تھا، اس سورت میں مزید تین احسانات جتلائے جا رہے ہیں۔ سینہ کھول دینا، ان میں پہلا ہے۔ اس کا مطلب ہے سینے کا منور اور فراخ ہو جانا، تاکہ حق واضح بھی ہو جائے اور دل میں سما بھی جائے۔ اسی مفہوم میں قرآن کریم کی یہ آیت ﴿فَمَنْ يُرِدِ اللَّهُ أَنْ يَهْدِيَهُ يَشْرَحْ صَدْرَهُ لِلإِسْلامِ﴾ (سورة الأنعام: ۱۲۵) ”جس کو اللہ تعالیٰ ہدایت سے نوازنے کا ارادہ کرے۔ اس کا سینہ اسلام کے لیے کھول دیتا ہے“۔ یعنی وہ اسلام کو دین حق کے طور پرپہچان بھی لیتا ہے اور اسے قبول بھی کر لیتا ہے۔ اس شرح صدر میں وہ شق صدر بھی آجاتا ہے جو معتبر روایات کی رو سے دو مرتبہ نبی ﷺ کا کیا گیا۔ ایک مرتبہ بچپن میں، جب کہ آپ ﷺ عمر کے چوتھے سال میں تھے۔ حضرت جبرائیل عليہ السلام آئے اور انہوں نے آپ ﷺ کا دل چیرا اور اس سے وہ حصہ شیطانی نکال دیا جو ہر انسان کے اندر ہے، پھر اسے دھو کر بند کر دیا، (صحيح مسلم، كتاب الإيمان، باب الإسراء) دوسری مرتبہ معراج کے موقعے پر۔ اس موقعے پر آپ ﷺ کا سینہ مبارک چاک کرکے دل نکالا گیا، اسے آپ زمزم سے دھو کر اپنی جگہ رکھ دیا گیا اور اسے ایمان و حکمت سے بھر دیا گیا۔ (صحيحين، أبواب المعراج وكتاب الصلاة)