تقلید احادیث میں

[عابدالرحمٰن]

اٰمین ثم اٰمین

 

[عابدالرحمٰن]

ابن قیم کہتے ہیں کہ مقلد جاہل ہوتاہے اس کے عالم نہ ہونے پراجماع ہے
قرطبی کا حوالہ بڑامزیدار ہے۔اوریہ بتاتاہے کہ غیرمقلدین کے نزدیک علمی امانت ودیانت کی کتنی کمی ہے۔آئے ذرااس حوالہ کا پوسٹ مارٹم کرلیں۔
امام قرطبی رحمہ اللہ فرماتے ہیں
"یعنی تقلید نہ تو علم کا راستہ ہےاور نہ ہی اصول و فروع میں علم کی طرف رہنمائی کرتی ہے اور جو علماء تقلید کو واجب سمجھتے ہیں ہمارے خیال میں وہ قطعی طور پرعقل سے عاری ہیں(تفسیر القرطبی ۲/۲۱۲)

کامل علم نہ ہونے کی وجہ سے ہی تو تقلید کی جاتی ہے، اسی وجہ سے اللہ تعالیٰ نے فرمایا فسئلو اھل الذکر ان کنتم لاتعلمون اس وجہ سے کہ اعلم مجتہد ہوتا ہے اس کو تقلید کرنا ضروری نہیں ۔

 

[حرب بن شداد]

کامل علم نہ ہونے کی وجہ

السلام علیکم۔۔۔
کیسے ہیں عابد بھائی۔۔۔
اُمید ہے خیریت سے ہونگے۔۔۔
والسلام علیکم۔

 

[راجا]

کامل علم نہ ہونے کی وجہ سے ہی تو تقلید کی جاتی ہے، اسی وجہ سے اللہ تعالیٰ نے فرمایا فسئلو اھل الذکر ان کنتم لاتعلمون اس وجہ سے کہ اعلم مجتہد ہوتا ہے اس کو تقلید کرنا ضروری نہیں ۔

یہ کچھ پرانی بات نہیں ہو گئی؟
کامل علم نہ ہونے کے باوجود عقائد فقط کتاب و سنت سے مدد لے کر سنوارے جا سکتے ہیں۔ اور آپ خود اعلم مجتہد بن جاتے ہیں۔ یہ بات تو آپ اور جمشید صاحب تسلیم کر چکے ہیں۔
اور کہیں کم تر فرعی مسائل میں تقلید فرض، واجب، یا ضروری قرار پا جاتی ہے۔ عجیب

 

[عابدالرحمٰن]

السلام علیکم۔۔۔
کیسے ہیں عابد بھائی۔۔۔
اُمید ہے خیریت سے ہونگے۔۔۔
والسلام علیکم۔

السلام علیکم
جی بھائی جان
اللہ کا شکر ہے
آپ کی گگلی سے ڈر لگتا ہے
میرا ایک مشورہ ہے آپ عبارت لکھنے کے بعد یہ
۔۔۔۔۔۔۔۔۔۔۔۔۔۔۔۔۔۔۔
مت کیاکرو
اس کا مطلب یہ ہوتا ہے کہ ۔۔۔۔۔۔۔۔۔ اس کے بعد اور کوئی جملہ چھپا ہے جس کا ذکر مناسب نہیں یہ نشان صرف اسی وجہ سے ہوتا ہے

 

[عابدالرحمٰن]

یہ کچھ پرانی بات نہیں ہو گئی؟
کامل علم نہ ہونے کے باوجود عقائد فقط کتاب و سنت سے مدد لے کر سنوارے جا سکتے ہیں۔ اور آپ خود اعلم مجتہد بن جاتے ہیں۔ یہ بات تو آپ اور جمشید صاحب تسلیم کر چکے ہیں۔
اور کہیں کم تر فروعی مسائل میں تقلید فرض، واجب، یا ضروری قرار پا جاتی ہے۔ عجیب

السلام علیکم
عقائد سنورتے نہیں ہیں عقائد تو پائیدار ہوتے ہیں اگر عقیدہ کمزور ہوتو گویا ایمان کمزور ہے
جی ہاں تقلید جاہل کے لیے واجب ہے ۔جیسے ایک مریض کے لیے ڈاکٹر کی بات تسلیم کرنا اگرچہ دوا بظاہر مرض کے خلاف ہو ڈاکٹر ہی سمجھتا ہے کہ اس مریض پر کون سی دوا کام کرے گی، یاد رہے کتاب پڑھ کر کوئی ڈاکٹریا حکیم نہیں بن جاتا، اگر چہ یہ نیم حکیم صحیح دوا ہی کیوں نہ دے تب بھی قانونی طور پر وہ مجرم ہے ، اگر اس کی دوا سے مریض مرجائے تو قتل کا مرتکب ہوگا دنیا وی قانون میں بھی اور اسلامی قانون میں بھی ،ایک بات
دوسری بات کبھی بھی ڈاکٹر یا حکیم اپناعلاج خود نہیں کرتا دوسرے سے مشورہ لیتا ہے یہی حال تقلید کا ہے

 

[حرب بن شداد]

اگر اس کی دوا سے مریض مرجائے تو قتل کا مرتکب ہوگا دنیا وی قانون میں بھی اور اسلامی قانون میں بھی ،ایک بات
دوسری بات کبھی بھی ڈاکٹر یا حکیم اپناعلاج خود نہیں کرتا دوسرے سے مشورہ لیتا ہے یہی حال تقلید کا ہے

فسئلو اھل الذکر ان کنتم لاتعلمون

 

[عابدالرحمٰن]

حرب بن شداد بھائی
السلام علیکم
اول تو مجھے اس تھریڈ میں حصہ نہیں لینا تھا کیوں کہ بڑوں کے درمیاں مخل ہونا عقل مندی نہیں۔لیکن چونکہ میری پوسٹ کی ڈبل سینچری قریب تھی اس لیے میں نے سنگل رن لے لیکر اپنی ڈبل سینچری پوری کرلی۔
جناب والا میری سمجھ سے یہ بات بالا تر ہے کہ دعویٰ توعدم تقلید کا لیکن فرماتے یہ ہیں کہ اس نے یہ کہا اِس نے یہ کہا ۔ میرے بھائی اِدھر اُدھر جانے کی کیا ضرورت ہے مثلاً بقول آپ حضرات کے ہم لوگ گمراہ ہیں( نعوذ باللہ من ذالک ) اسوجہ سے کہ ہم دوسروں کی تقلید کرتے ہیں ، تو میرے بھائی یہ کون سا راہ مستقیم ہے کہ آپ بھی اسی مرض میں مبتلا ہیں ۔ ان باتوں سے کیا فائدہ کہ فلاں مقلدین کے بارے میں یہ کہتا ہے وغیرہ وغیرہ تو اس کا مظلب یہ ہوا کہ آپ نے فلاں کی بات پر بغیر سوچے سمجھے یقین کرلیا اور یہ بھی تقلید ہی ہے ، اول تو فلاں کی بات کو تسلیم کرنا خود یہ دلالت کرتا ہے کہ اس مخصوص اتہام میں آپ بھی ان ہی کی تقلید فرمارہے ہیں ۔اب ہم اگر یہ کہیں کہ فلاں صاحب کے بارے میں یہ کہا جاتا ہے کہ’’ ہیں تو ٹھیک ٹھاک مگر عقل میں کمزور ہیں ، یا مزاج میں شدّت ہے یا شکی المزاج ہیں ‘‘، اور کہنے والے تو یہ بھی کہہ دیتے ہیں کہ بخاری شریف میں بھی دس احادیث مبارکہ ضعیف ہیں (ذرا بھاری بات ہے) یا بخاری صاحبؒ جیسی شخصیت کسی کی ذاتیات پر تنقید یا تبصرہ کرنے لگے یا کوئی اور بھی ہوسکتے ہیں یہ علمی وقار کے خلاف ہے اور یہ’’ عجب‘‘ میں شمار ہوتا ہے ۔ بہر حال بات لمبی نہیں کرنی،
میرا کہنے کا صرف یہ مقصد ہے کہ آپ حضرات کا جو یہ دعویٰ ہے کہ’’ ہم صرف کتاب وسنت‘‘ پر عمل کرتے ہیں تو شخصیات پر جانا فضول ہے ۔ نہ کسی شیخ بن باز کی بات مانو اور نہ امام بخاریؒ اور نہ امام مسلمؒ کی کیونکہ احادیث صرف ان ہی میں محدود ہوکر نہیں رہ گئیں راہ اعتدال اور تعصب سے ورے بات یہ ہے کہ جو احادیث امام ابوحنیفہؒ سےمروی ہیں اگرچہ وہ دس ہی سہی، بیان کرنا چاہئے۔اس کے بر عکس ہم لوگوں کی بات سنئے ہم ابن قیم ہوں یا ابن تیمیہ یا کوئی اور اچھی بات ہر ایک سے لیتے ہیں اور کسی کو گمراہ یا مشرک نہیں کہتے ،حقیقت یہ ہے کہ امام صاحب نے کبھی بھی یہ نہیں کہا کہ قبر پرستی کرو سنت نمازیں چھوڑدو انہوں نے تو معمولی سے معمولی ( حالانکہ کو ئی سنت معمولی نہی ہوتی) سنت پر بھی عمل کیا ہے اور ترغیب بھی دی ہے پھر کیسے ان کو گمراہ یا ضال کہا جا سکتا ہے۔
خلاصہ کلام یہ ہے کہ ہم غلط ہیں یا صحیح اس کو چھوڑو اور کون کیا کہہ رہا ہے اس پر مت جاؤ آپ صحیح ہیں تو صرف اور صرف کتاب و سنت کی با ت کریں ان باتوں سے کو ئی فائدہ نہیں کہ فلاں نے یہ کہا اور فلاں نے یہ ، آپ حضرات کی ذمہ داری بنتی ہے کہ ہمیں صرف قرآن و حدیث سے سمجھائیں ایسا نہیں ہونا چاہیے جیسا کہ ’’طاہر صاحب ‘‘فرماتے ہیں کہ ہم نے آپ لوگوں کی کتابیں پڑھ رکھی ہیں کیا کیا لکھا ہے ہمیں معلوم ہے ‘‘ تو جناب ایساہی ہم بھی کہہ سکتے ہیں لیکن اس سے کوئی فائدہ نہیں ۔اس لیے ایک بار پھر درخواست کرتا ہوں کہ ’’صرف اور صرف قرآن و حدیث وصحابہ کرام‘‘۔ سخت بات لگی ہو تو معذرت خواہ ہوں ۔ میری اس پوسٹ پر بحث نہ فرمائیں بلکہ اس نہج پر بات فرمائیں تو اچھا رہے گا جس کومیں نے عرض کیا ہے۔

 

[عبد الوکیل]

السلام علیکم
جی بھائی جان
اللہ کا شکر ہے
آپ کی گگلی سے ڈر لگتا ہے
میرا ایک مشورہ ہے آپ عبارت لکھنے کے بعد یہ
۔۔۔۔۔۔۔۔۔۔۔۔۔۔۔۔۔۔۔
مت کیاکرو
اس کا مطلب یہ ہوتا ہے کہ ۔۔۔۔۔۔۔۔۔ اس کے بعد اور کوئی جملہ چھپا ہے جس کا ذکر مناسب نہیں یہ نشان صرف اسی وجہ سے ہوتا ہے

لگتا ہے عابد بھائی کو کرکٹ کا ذوق بھی ہے

 

[حرب بن شداد]

حرب بن شداد بھائی
السلام علیکم
اول تو مجھے اس تھریڈ میں حصہ نہیں لینا تھا کیوں کہ بڑوں کے درمیاں مخل ہونا عقل مندی نہیں۔۔

چونکہ آپ نے دخول انجام دے ہی دیا تو ہماری بیاض بھی سُن لیں۔۔۔

وعلیکم السلام۔۔۔
عابد بھائی۔۔۔
سب سے پہلے تو آپ اپنی ڈبل سنچری پر مبارکباد قبول کیجئے رہی بات کسی بھی تھریڈ میں مخل ہونا تو یہ ایک اوپن فورم ہے جہاں پر ایسی کوئی شرط لاگو نہیں کی گئی کے ایک خاص مکتبہ فکر سے تعلق رکھنے والے اپنے مخالفین حضرات کے تھریڈ میں جاکر مخل نہیں ہوسکتے لہٰذا اچھا ہی سوچا کیجئے۔

جناب والا میری سمجھ سے یہ بات بالا تر ہے کہ دعویٰ توعدم تقلید کا لیکن فرماتے یہ ہیں کہ اس نے یہ کہا اِس نے یہ کہا۔

جب معاملات سمجھ سے بالاتر ہوں؟۔ جہاں تک بات ہے دعوٰی کی تو اس لفظ کی جگہ لکھنا چاہئے تھا “تسلیم“ تو جملہ یوں بننے گا کے جب آپ تسلیم کرچکے ہیں عدم تقلید کو تو پھر یہ کیوں فرماتے ہیں کہ اُس نے یہ کہا اُس نے یہ کہا؟۔ اب یہاں پر دو گروپ ہیں فلاں وفلاں۔

میرے بھائی اِدھر اُدھر جانے کی کیا ضرورت ہے مثلاً بقول آپ حضرات کے ہم لوگ گمراہ ہیں( نعوذ باللہ من ذالک ) اسوجہ سے کہ ہم دوسروں کی تقلید کرتے ہیں ، تو میرے بھائی یہ کون سا راہ مستقیم ہے کہ آپ بھی اسی مرض میں مبتلا ہیں ۔

اس پوری لائن میں جو کام کی چیز ہے وہ میں نے مارک کردی ہے جس پر جواب دینا چاہئے اگر کوئی آپ کو گمراہ کہتا ہے تو اسوجہ سے نہیں کے آپ دوسروں کی تقلید کرتے ہیں بلکہ اُس کی وجہ یہ ہے کے آپ بلادلیل اپنے امام کے قول کو مان کر اُسے حکم شرعی سمجھ کر فورا عمل کرنے لگتے ہیں۔ جیسے وہ نعوذ باللہ من ذالک معصوم ہے۔ سمجھ میں آئی بات لہٰذا آپ کی اس بےتُکی بات کا جواب دینا کہ کون سی راہ مستقیم ہے کے آپ بھی اسی مرض میں مبتلا ہیں ضروری نہیں۔

ان باتوں سے کیا فائدہ کہ فلاں مقلدین کے بارے میں یہ کہتا ہے وغیرہ وغیرہ تو اس کا مظلب یہ ہوا کہ آپ نے فلاں کی بات پر بغیر سوچے سمجھے یقین کرلیا اور یہ بھی تقلید ہی ہے ، اول تو فلاں کی بات کو تسلیم کرنا خود یہ دلالت کرتا ہے کہ اس مخصوص اتہام میں آپ بھی ان ہی کی تقلید فرمارہے ہیں۔

سب سے پہلی بات جو میں کہنا ضروری سمجھتا ہوں وہ یہ کے آپ اپنی سوچ سے ہماری نمائندگی کرنے کے قطعی مجاز نہیں ہیں کیونکہ ہم اپنی اور اپنے عقائد کی رہنمائی کے بافضل تعالٰی خوب اہل ہیں لہٰذا یہ کہنا کے بغیر سوچے سمجھے یقین کرلیا یہ ابہام پیدا کرنے کی وجہ سمجھ نہیں آئی کیونکہ ہر انسان جس میں رائی برابر بھی عقل ہو وہ یقین اُسی بات پر کرے گا جو سوچ اور سمجھ کے معیار تک پہنچی تو ہو مگر شرف قبولیت اٰسی وقت پائے گی جب فلاں کی بات کے معیار کو ہم دلیل کی کسوٹی سے گذار کر اس کی تسلی نہ کرلیں۔ لہذا محمود و عیاض ہم دونوں میں ہی موجود ہیں۔

اب ہم اگر یہ کہیں کہ فلاں صاحب کے بارے میں یہ کہا جاتا ہے کہ’’ ہیں تو ٹھیک ٹھاک مگر عقل میں کمزور ہیں ، یا مزاج میں شدّت ہے یا شکی المزاج ہیں ‘‘،

یہ کوئی وجہ نہیں ہے جس کو آپ یا کوئی بھی عقلمند انسان دلیل کے طور پر لے اور حق کو رد کردے کیونکہ یہ ہی معیار آپ کے ساتھ بھی روا رکھا جاسکتا ہے اور میرے ساتھ بھی لہٰذا ایسی تاویلات سے ہمیں دور رہنا چاہئے۔

اور کہنے والے تو یہ بھی کہہ دیتے ہیں کہ بخاری شریف میں بھی دس احادیث مبارکہ ضعیف ہیں (ذرا بھاری بات ہے) یا بخاری صاحب جیسی شخصیت کسی کی ذاتیات پر تنقید یا تبصرہ کرنے لگے یا کوئی اور بھی ہوسکتے ہیں

عابد بھائی کہنے والوں نے نبی پاک صلی اللہ علیہ وسلم، اُم عائشہ رضی اللہ عنہ، اہل بیت یہاں تک کے خلفاء راشدین کو نہیں بخشاء اور خود کو مسلمان کہتے ہیں۔تو شیخ بخاری کی اہمیت کو وہ کیا سمجھیں گے لیکن افسوس اس بات پر ہوا کے آپ بھی اُن لوگوں کو بطور مثال استعمال کررہے ہیں وہ بھی صرف تقلید کو جائز قرار دلوانے کے واسطے، افسوس اس لئے کیا کیونکہ یہ بات آپ اور ہم دونوں جانتے ہیں کے ہوا دکھائی نہیں دیتی مگر جب وہ چلتی ہے تو ہم خود اُس کی سمت کا تعین کرتے ہیں کے وہ کہاں سے آرہی ہے اُمیدہے میری اس نصیحت کو آپ سمجھ گئے ہونگے۔

یہ علمی وقار کے خلاف ہے اور یہ’’ عجب‘‘ میں شمار ہوتا ہے ۔ بہر حال بات لمبی نہیں کرنی،

عابد بھائی جن لوگوں کا خود کا وقار مجروح ہو اپنے اخلاق سے وہ کیا جانیں لفظ علمی وقار کی اہمیت اور افادیت کو یہ تو آپ جیسے بھلے مانس انسان ہی سمجھ سکتے ہیں۔ جو اس درد وکرب کو محسوس کررہے ہیں۔ لیکن دیکھیں میں نے آپ سے عجیب میں شمار ہونے کی دلیل نہیں مانگی اور آپ کی بات مان لی اس کا مطلب یہ نہیں ہے کے میں مقلد ہوگیا (ابتسامہ)۔

میرا کہنے کا صرف یہ مقصد ہے کہ آپ حضرات کا جو یہ دعویٰ ہے کہ’’ ہم صرف کتاب وسنت‘‘ پر عمل کرتے ہیں تو شخصیات پر جانا فضول ہے ۔ نہ کسی شیخ بن باز کی بات مانو اور نہ امام بخاری اور نہ امام مسلم کی کیونکہ احادیث صرف ان ہی میں محدود ہوکر نہیں رہ گئیں راہ اعتدال اور تعصب سے ورے بات یہ ہے کہ جو احادیث امام ابوحنیفہ سےمروی ہیں اگرچہ وہ دس ہی سہی، بیان کرنا چاہئے۔اس کے بر عکس ہم لوگوں کی بات سنئے ہم ابن قیم ہوں یا ابن تیمیہ یا کوئی اور اچھی بات ہر ایک سے لیتے ہیں اور کسی کو گمراہ یا مشرک نہیں کہتے ،حقیقت یہ ہے کہ امام صاحب نے کبھی بھی یہ نہیں کہا کہ قبر پرستی کرو سنت نمازیں چھوڑدو انہوں نے تو معمولی سے معمولی ( حالانکہ کو ئی سنت معمولی نہی ہوتی) سنت پر بھی عمل کیا ہے اور ترغیب بھی دی ہے پھر کیسے ان کو گمراہ یا ضال کہا جا سکتا ہے۔

کوئی کرےیانہ کرےلیکن میں آپ کے جذبات کی قدر کرتا ہوں۔ لیکن عابد بھائی شخصیات کی بات دلائل سے مانا شخصیت پرستی نہیں۔ شخصیت پرستی بلادلیل بات پر سرخم تسلیم کرنا کہلاتی ہے جو سبب اختلاف ہے۔ اور ایک بات آپ یہ بتائیں کے کتنے ایسے افراد ہیں جو خودکو ان ناموں سے منسوب کررہے ہوتے ہیں؟۔ اگر کوئی عامی امام احمد بن حنبل سے مسئلہ لے تو کیا وہ حنبلی ہوجائے گا؟ حالانکہ امام احمد بن حنبل خود مسئلہ قرآن وحدیث کے دلائل سے پیش کررہے ہیں چلیں اگر میں آپ کے ایک بات سے اتفاق کر بھی لوں کے اجتہاد کیا گیا لیکن کیا اجتہاد کے غلط ہونے کے امکان کو رد کیا جاسکتا ہے؟ اب جو بات آپ نے کی قرآن وحدیث چلیں! تو یہ بتائیں یہ قرآن وحدیث ہم تک کیسے پہنچا افراد کی مرہون منت لیکن ہم مسلمانوں میں بھی فرد کی دو قسمیں ہیں ایک شیخ عبدالوہاب رحمۃ اللہ علیہ اور دوسرے خمینی جیسے۔ لہذا توازن کس نے پیدا کرنا ہے میری اپنی ذات نے کیونکہ دین، شریعت کسی کی میراث نہیں ہے یہ نبی صلی اللہ علیہ وسلم کی دعوت اور آسمانی احکامات ہیں۔۔

ہمیں کوئی اعتراض نہیں ہے کے آپ نعمان بن ثابت سے دس نہیں سو احادیث لیں لیکن ہمارا اعتراض وہاں ہوتا ہےجہاں پر قول کہہ کرجان چھڑائی جاتی ہےجب ہی ہم کہتے ہین کے اُس کی تحقیق ضرور کیجئے مثال دیتا ہوں فضائل اعمال میں ضعیف احادیث موجود ہیں ہمیں کسی کی نیت پر شک نہیں کیونکہ ہوسکتا ہے اس وقت وسائل ایسے نہ ہوں جن کی وجہ سے وہ تحقیق کے دائرے کار کو بڑھا پائے ہوں لیکن کیا یہ دین سے خیانت نہیں کے جب ایک حدیث کا علم ہوجائے کے وہ ضعیف ہے اسے نصاب سے علیحیدہ کردیا جائے؟۔ اور جو بات آپ نے کی کسی کو گمراہ یا مشرک نہیں کہتے ہیں تو!۔

معزز بھائی گمراہی صراط مستقیم کی ضد ہے اور مشرک موحد کی یہ آپ بھی جانتے ہیں۔ لیکن حنفیت کی مسجد میں دو طرح کے مصلح آج بھی بجھائے جاتے ہیں ایک بریلی میں تو دوسرا دیوبند میں لیکن کسی بھی حنبلی، شافعی، مالکی، عبدالوہاب یا بان باز کی مسجدوں میں آپ بتادیں کے دو مصلحے بچھائے جاتے ہوں؟ چلیں آپ نہیں کہتے کے قبرپرستی جائز ہے مگر خود کو امام ابوحنیفہ (نعمان بن ثابت) رحمۃ اللہ علیہ کے مرید کھلے عام مزاروں پر دم مست قلندر مست مست کی قوالیاں گارہے ہیں وہاں پر سجدے بھی ہورہے ہیں کیا کیا بتائیں سب ہی کچھ ہورہا ہے ماسوائے امام رحمۃ اللہ علیہ کی تعلیمات کے سوا تو بڑی عاجزی سے میں آپ سے درخواست کرتا ہوں کے ہمارا گریبان کیوں پکڑتے ہیں۔ پہلے جاکر اُن کا سینہ چاک کیجئے جو امام رحمۃ اللہ علیہ کے ماتھے پر شرک، بدعت، گمراہی کا جھومر بننے ہوئے ہیں وہ دو بیان جو میں نے لنک پیش کیا تھا ایک دیوبندی طارق جمیل صاحب کا دوسرے امام بریلی حنفی کے مرید کا دونوں کے باتوں کو سنا آپ نے ایک صاحب اپنے بیان میں ارشاد فرمارہے ہیں کے فرعون کی لاش پر چوہے چھوڑے جاتے تاکہ جو گوشت بڑھ جاتا ہے اسے کھائیں دوسرے کہتے ہیں علی مشکل کشا یاغوث المدد۔۔۔

نبی پاک صلی اللہ علیہ وسلم نے ایک بار کہا تھا کے اگر میری اُمت میں میرے بعد کوئی نبی ہوتا تو وہ عمر ہوتے۔۔۔ یہ وہی عمر رضی اللہ عنہ تھے جب تورات کے نسخے نبی پاک صلی اللہ علیہ وسلم کی خدمت میں پیش کئے تو آپ صلی اللہ علیہ وسلم غصہ میں آکر اُن سے فرماتے ہیں کے عمر اگر آج موسٰی بھی دنیا میں آجائیں تو اس وقت تک جنت میں داخل نہیں ہونگے جب تک میری لائی ہوئی شریعت پر عمل نہ کریں۔۔۔

ایک خلاصہ کلام ہماری طرف سے۔۔۔
آپ کے صحیح یا غلط ہونے پر ہمیں بشارتیں کوئی نہیں دے رہا آپ کے عمل اور عقیدے پر ہمیں الہاًم نہیں ہورہے ہم جو بھی بات کررہے ہیں وہ آپ کی کتابوں میں موجود ہیں اب دو ہی صورتیں ہیں یا تو آپ اپنے نصاب سے برآت کا اظہار کرلیں اور ادخلو فی سلم کافۃ کی مثال بن جائیں یا پھر مان لیں کے جو غلاظت (لفظ کافی حد تک بھاری ہے) آپ کی کتابوں یا نصاب میں موجود ہے وہ قابل گرفت ہے۔

ہم غلط ہیں یا صحیح اس کو چھوڑو اور کون کیا کہہ رہا ہے اس پر مت جاؤ آپ صحیح ہیں تو صرف اور صرف کتاب و سنت کی با ت کریں ان باتوں سے کو ئی فائدہ نہیں کہ فلاں نے یہ کہا اور فلاں نے یہ،

عابد بھائی میں سوچ بھی نہیں سکتا تھا کے آپ اس طرح بھی مخاطب ہوسکتے ہیں اب چونکہ آپ ہوہی گئے ہیں تو اپنے صحیح ہونے کا تاثر مت دیں اجتہاد کی چھری سے بسم اللہ پڑھ کر کتُا آپ کو ذبح کرنے کی اجازت قطعی طور پر نہیں دی جاسکتی۔

انتباہ!۔
شیخ طاہر کیا کہتے ہیں وہ آپ کا اور اُن کا معاملہ ہے۔۔۔
ہاں دیانت یہ ہے کہ اگر آپ نے اُن کی کتابوں میں غیراخلاقی مسئلے پڑھے ہیں تو آپ کو یہ حق خود اُنہوں نے دیا ہے اس لئے کے جب وہ آپ کی کتابوں کا مطالعہ کرکے اُن سے مسائل نکال کر یہاں پیش کرتے ہیں تو آپ کو بھی چاہئے اُن کو آئینہ دکھائیں۔ فائدہ اور نقصان کی اس میں کوئی بات ہی نہیں۔ یہ تو اور اچھا ہے اگر ہم گمراہی میں پڑے ہیں تو ہماری بند آنکھوں کو بھی تو کھولنا آپ کا ہی فرض ہے جیسے یہ کام شیخ رفیق طاہر کررہے ہیں مقلدین کے لئے آپ بھی اس کام کو انجام دیں غیرمقلدین کے لئے بات برابر تو پھر جھگڑا کس بات پر؟؟؟۔۔۔

یہ پوسٹ بحث کے لئےنہیں بلکہ افہام وتفہیم پیدا ہو اس لئے لکھی ہے۔۔۔

واللہ اعلم۔
والسلام علیکم۔