تیمم وضو اور غسل دونوں کا متبادل ہے

[محدث میڈیا]

تیمم: جن امور کے لیے وضو اور غسل کرنا ضروری ہے ان کی بجائے مٹی سے طہارت حاصل کرنا تیمم کہلاتا ہے۔

تیمم وضو اور غسل دونوں کا متبادل ہے۔

سیدناعمار بن یاسر رضی اللہ عنہ بیان کرتے ہیں کہ ایک سفر میں انھیں احتلام ہو گیا تو انھوں نے زمین پر لوٹ پوٹ ہو کر نماز پڑھ لی، جب رسول اللہ صلی اللہ علیہ وسلم کے پاس حاضر ہوئے تو آپ صلی اللہ علیہ وسلم نے فرمایا : ’’ تمھیں اتنا ہی کافی تھا۔‘‘ چنانچہ آپ صلی اللہ علیہ وسلم نے اپنے ہاتھوں کو زمین پر مارا، پھر ان میں پھونک مار کر انھیں اپنے چہرے اور دونوں ہتھیلیوں پر مل لیا۔ (صحیح البخاري: 338)