جس کے پاس دعوت اسلام نہ پہنچی ، کیا جنت میں جائے گا ؟

[Muhammad Raza]

تم میں سے کوئی بھی شخص ظاہر ثابت شدہ حق کے حصول میں اتنی شدید جدوجہد اور سختی نہیں کرتا جتنی شدید جدوجہد مؤمن قیامت کے دن اپنے ان بھائیوں کی نجات کے لئے اللہ تعالیٰ کے حضور میں کریں گے جو دوزخ میں ہوں گے وہ مؤمن کہیں گے کہ " ہمارے پروردگار ! یہ لوگ ہمارے ساتھ نماز پڑھتے تھے اور ہمارے ساتھ حج کرتے تھے ( یعنی ان کی نماز ہماری نمازوں کی طرح ہوتی تھی اور ان کا حج ہمارے ہی حج کی طریقہ سے ہوتا تھا پس تو ان کو بھی دوزخ سے نجات دیدے " ) ان سے کہا جائے گا کہ جاؤ اور جن لوگوں کو تم ( اپنی مذکورہ شہادت کی روشنی میں ) پہچانتے ہو انہیں ( دوزخ ) سے نکال لو ، پس دوزخ کی آگ پر ان کی صورتوں کو حرام کر دیا جائے گا ۔ چنانچہ وہ مؤمن بہت سے لوگوں کو دوزخ سے نکال لیں گے ۔ پھر کہیں گا کہ ہمارے پروردگار ! جن لوگوں کو تو نے ( دوزخ ) سے نکالنے کا حکم دیا تھا ( یعنی اہل نماز ، اہل زکوۃ اور اہل حج وغیرہ ) ان میں سے اب دوزخ میں کوئی باقی نہیں رہا ہے اللہ تعالیٰ فرمائے گا کہ اچھا پھر جاؤ اور ہر اس شخص کو بھی دوزخ سے نکال لو جس کے دل میں تم دینار برابر بھی نیکی پاؤ پس وہ مؤمن ( جائیں گے اور بہت سے لوگوں کو دوزخ سے نکال لائیں گے اس کے بعد پھر اللہ تعالیٰ ان سے فرمائے گا ، اور اب ہر شخص کو دوزخ سے نکال لو جس کے دل میں آدھے دینار برابر بھی نیکی پاؤ ، پس وہ مؤمن جائیں گے اور بہت سے لوگوں کو دوزخ سے نکال لائیں گے ، پھر اللہ تعالیٰ حکم دے گا کہ جاؤ اور اب اس شخص کو دوزخ سے نکال لو جس کے دل میں تم از قسم نیکی ذرہ برابر بھی کوئی چیز پاؤ پس وہ مؤمن جائیں گے اور بہت سے لوگوں کو دوزخ سے نکال لائیں گے اور کہیں گے کہ پروردگار ! ہم نے دوزخ میں بھلائی کو باقی نہیں رہنے دیا ہے

 

[Muhammad Raza]

اور ان سب کے شفاعت کا تعلق ان لوگوں سے تھا جن کا نامہ اعمال میں کوئی نہ کوئی نیکی ضرور تھی خواہ وہ نیکی ذرہ کے برابر یا اس سے کمتر درجہ ہی کیوں نہ ہو اور اس طرح ، اب کوئی ایسی کوئی ذات باقی نہیں رہ گئی ہے۔لیکن ابھی ارحم الراحمین کی ذات باقی ہے ۔جس کی رحمت جس کا کرم اور جس کی عنایت ہر ایک پر سایہ فگن ہے اور اس کی رحمت وعنایت کے اثرات کے مقابلہ ہر ایک کی رحمت وعنایت ہیچ ہے اور ( یہ فرما کر ) اللہ تعالیٰ دوزخ میں سے اپنی مٹھی بھر کر ( ان ) لوگوں کو نکال لے گا جنہوں نے کبھی بھی کوئی ( چھوٹی یا بڑی ) نیکی کی ہی نہیں ہوگی ، یہ لوگ دوزخ میں ( جلتے رہنے کی وجہ سے ) کوئلہ بن چکے ہوں گے ، چنانچہ ان کو اس نہر میں ڈالے گا جو جنت کے دروازوں کے سامنے ہے اور جس کو " نہر حیات " کہا جائے گا ، اور پھر یہ لوگ اس نہر سے اس طرح تروتازہ نکلیں گے جیسے دانہ سیلاب کے کوڑے کچرے میں اگتا ہے

 

[خضر حیات]

مجھے اس بات کی سمجھ نہیں آئی کہ آپ کیا کہنا چاہ رہے ہیں ذرا آسان الفاظ میں بتائیں۔

جہنم سے انہیں لوگوں کو نکالا جائے گا ، جن میں ایمان کسی نہ کسی درجے میں موجود ہوگا ، جو بالکل ایمان سے خالی ہوگا وہ جہنم سے نہیں نکالا جائے گا ۔

 

[Muhammad Raza]

اِس بات کا علم تو مجھے بھی ہے کہ مواحدین جنت میں جائیں گے چاہے جھنم میں سے اپنے گناہوں کی سزا بھگت کر ہی کیوں نا جائیں اور مشرک و کافر ہمیشہ جھنم میں رہیں گے۔
کیوں کہ بہت سی قرآنی آیات اور احادیث میں ایسا ہی لکھا ہے۔

لیکن مجھے اِس حدیث کی سمجھ بلکل نہیں آ رہی۔ آپ ایسا کریں کسی دوسرے محدث سے اِس حدیث کے بارے میں پوچھ کر مجھے بتا دیں یا پھر مجھے ۔ اُس کا پتہ بتا دیں میں خود اُن سے معلوم کر لوں گا۔

 

[خضر حیات]

اِس بات کا علم تو مجھے بھی ہے کہ مواحدین جنت میں جائیں گے چاہے جھنم میں سے اپنے گناہوں کی سزا بھگت کر ہی کیوں نا جائیں اور مشرک و کافر ہمیشہ جھنم میں رہیں گے۔
کیوں کہ بہت سی قرآنی آیات اور احادیث میں ایسا ہی لکھا ہے۔
لیکن مجھے اِس حدیث کی سمجھ بلکل نہیں آ رہی۔ آپ ایسا کریں کسی دوسرے محدث سے اِس حدیث کے بارے میں پوچھ کر مجھے بتا دیں یا پھر مجھے ۔ اُس کا پتہ بتا دیں میں خود اُن سے معلوم کر لوں گا۔

شیخ @رفیق طاھر ، شیخ @کفایت اللہ ، شیخ @اسحاق سلفی
تین علماء کرام کو ٹیگ کردیا ہے ۔ اگر ان کے پاس وقت ہوا تو جواب عنایت فرمادیں گے ۔