جماعةالدعوة پاکستان اور جمہوری وطن پارٹی کا مشترکہ اعلامیہ

[باطل شکن]

جماعةالدعوة پاکستان اور جمہوری وطن پارٹی نے بلوچستان میں ٹارگٹ کلنگ اور دہشت گردی کے حوالہ سے متفقہ طور پرقومی سطح کی آل پارٹیز کانفرنس کے انعقاد کا اعلان کیا ہے اور کہا ہے کہ محب وطن جماعتیں گرینڈ جرگہ تشکیل دیں۔بلوچستان پاکستان کی ڈھال ہے اور پاکستان پورے عالم اسلام کی ڈھال ہے۔یہ مسئلہ انتہائی اہمیت رکھتا ہے اس کے حل میں تاخیر کی کوئی گنجائش نہیں ہے۔ بلوچستان میں بھارتی مداخلت کے صرف شواہدپیش کرنے کی باتیں کرنا کافی نہیں ٹارگٹ کلنگ اور دہشت گردی میں ملوث عناصر کو فی الفور گرفتار کیا جائے۔

بلوچستان میں فوجی آپریشن بند کیا جائے۔ جماعةالدعوة کی میزبانی میں ہونے والی اے پی سی میں مسلم لیگ (ن)، تحریک انصاف اور پیپلز پارٹی سمیت ملک بھر کی مذہبی و سیاسی جماعتوں کو شرکت کی دعوت دی جائے گی۔بلوچستان کا اصل مسئلہ محرومیت ہے۔ جماعةالدعوة بلوچ بھائیوں کی خدمت کیلئے جلد بڑی امدادی مہم کا آغاز کر ے گی۔

اے پی سی میں بلوچستان کے مسئلہ پر جو متفقہ حل پیش کیا جائے گا وہ فوج اور حکومت کیلئے ایک زبردست قرارداد ہو گا۔ ان خیالات کا اظہار امیر جماعةالدعوة پاکستان پروفیسر حافظ محمد سعید اور جمہوری وطن پارٹی کے سربراہ طلال اکبر بگٹی نے مرکز القادسیہ چوبرجی میں مشترکہ پریس بریفنگ سے خطاب کے دوران کیا۔

قبل ازیں طلال اکبر بگٹی نے ایک وفد کی قیادت کرتے ہوئے حافظ محمد سعید سے ملاقات کی اور بلوچستان میں دہشت گردی سمیت وطن عزیز پاکستان کو درپیش دیگر مسائل پر باہم تبادلہ خیال کیا۔ اس موقع پرتحریک حرمت رسول ﷺ کے کنوینئر مولانا امیر حمزہ،جمہوری وطن پارٹی کے صوبائی نائب صدرمیر شمس کرد،مدنی بلوچ، میر نصیب اللہ شاہوانی، حافظ خالد ولید،قاری محمد یعقوب شیخ، حافظ محمد مسعود، مولانا ابو الہاشم،محمد یحییٰ مجاہدودیگر بھی موجود تھے۔

 

[باربروسا]

بھائی ناراض نہیں ہونا، پچھلے دو سال میں قسم ہا قسم کے لانگ مارچ اور رنگ برنگی آل پارٹیز کانفرنسیں منعقد کر کے جماعت کو یا خود پاکستان کو کیا فائدہ ہوا ہے ؟؟

 

[باطل شکن]

بھائی ناراض نہیں ہونا، پچھلے دو سال میں قسم ہا قسم کے لانگ مارچ اور رنگ برنگی آل پارٹیز کانفرنسیں منعقد کر کے جماعت کو یا خود پاکستان کو کیا فائدہ ہوا ہے ؟؟

وہ فائدہ ہوا جو ابھی تک آپ کی سمجھ میں نہیں آیا