جماعت غرباء اہل حدیث

[ابن خلیل]

السلام علیکم ورحمۃاللہ وبرکاتہ!

آپ کو انڈیا کی زیادہ خبر ہے!! کراچی بھول گئے!!! کبھی کراچی آئیے گا، غرباءاہل الحدیث کے مرکز کے پاس ہی آپ کو نہاری کھلائیں گے!!!

وعلیکم السلام ورحمۃ اللہ وبرکاتہ
جی بلکل کیوں کے ہم انڈیا سے ہیں تو وہاں کی خبر ہے
تو پاکستان میں بھی ہے یہ جماعت
آپ کو اور علم ہوگا پھر تو اسکی وضاحت بھی کردیں کے کیا اختلافات ہیں ان میں

اور دعوت کا شکریہ
الله نے کبھی موقع دیا تو ضرور آیینگے
جزاک الله خیرا

 

[ابن داود]

السلام علیکم ورحمۃاللہ وبرکاتہ!
ہم نے دراصل دیار غیر میں مسلک حق کو پایا ہے!! اور جب تک پاکستان میں تھے، علماء دیوبند کے دھوکے کا شکار رہے!! لہذا میں غرباءاہل الحدیث کراچی پاکستان کے بارے میں زیادہ تو نہیں جانتا۔ جتنا جان سکا ہوں ان میں سے ایک یہ ہے کہ وہ اپنے امیر کو تقریبا خلیفہ وقت ہی سمجھتے ہیں ، جیسا کہ زکوۃ بھی اسی کے تحت جمع کی جاتی ہے!! اور اس کی بیعت کو لازم سمجھتے ہیں!! اور اس کی بعیت نہ کرنے والے کے بارے میں کیا کہتے ہیں یہ نہ پوچھو!!!

 

[سرفراز فیضی]

دلی میں غرباء جماعت کا مرکز ہے جبکہ گجرات میں بھی غرباء جماعت کے لوگ کثرت سے پائے جاتے۔

 

[سرفراز فیضی]

ابوالحسن علوی اور انس نضر صاحبان کی ہاددہانی کے لیے

 

[انس]

معذرت! مجھے اس بارے میں زیادہ معلومات نہیں!

 

[ابن قاسم]

میں نے سنا تھا دونوں جماعتوں میں صرف سیاسی نقطہ نظر سے اختلاف ہے
باقی مسلک تو دونوں کا ایک ہی ہے

 

[qureshi]

تھوڑے نہیں ہیں ملتان میں بھی ہیں

 

[sahj]

حالانکہ میری ابتدائی تعلیم جماعت غرباء اہل حدیث کے ایک مدرسہ سے شروع ہوئی اور میں نے تعلیمی سلسلہ کے تقریبا دو سال غرباء جماعت کے مدرسہ میں گذارے ہیں لیکن میں اب تک غرباء جماعت کا منہج اور جماعت اہل حدیث کے ساتھ ان کے اختلاف کی بنیاد سمجھ نہیں سکا ہوں ۔ ہماری ممبئی میں غرباء جماعت کی آٹھ دس مساجد موجود ہیں لیکن مساجد سے مصلیین کی اکثریت غرباء جماعت کی طرف خود کو منسوب نہیں کرتی ۔ان کی کتابیں بھی عام طور پر مارکیٹ میں دستیاب نہیں۔ عام طور پر اپنی ہی مساجد میں چھپوا کر مفت تقسیم کردی جاتی ہیں ۔ آپ کے پاس ان موضوعات پر کوئی
معلومات ہو تو براہ کر شیئر کریں ۔ اللہ آپ کے علم میں اضافہ فرمائے ۔

1. جماعت اہل حدیث کے نظریہ خلافت اور جماعت غرباء کے نظریہ خلافت میں کیا بنیادی فرق ہے ؟
2. جماعت غرباء کے نظریہ خلافت میں کیا نقص ہے ؟
3. جماعت غرباء ضعیف احادیث کے متعلق کیا موقف ہے؟
4. پاکستان میں جماعت اہل حدیث کے ساتھ جماعت غرباء کے تعامل کی کیا صورت حال ہے ؟
5. کیا جماعت غرباء کا شمار بدعتی جماعتوں میں کیا جانا چاہیے ؟

اگر کسی صاحب کو سرفراز فیضی صاحب کی طرف سے پوچھے گئے سوالات کے جواب معلوم ہوں تو بتائیے۔

شکریہ

 

[حافظ عمران الہی]

اہل حدیث علمائ نے انہیں مسلک سے خارج قرار دیا ، اس کا حوالہ حسب ذیل ہے :
١ ظل محمدی از مولانا محمد جونا گڑی
٢ مناظرہ جودھپور از مولانا عبد الحنان علوی بہاری
٣ تراجم علمائے حدیث ہند از مولانا ابو یحیٰ امام خاں نوشہروی
٤ اصحاب علم و فضل از محمد تنزیل الصدیقی الحسینی

یہ نامکمل حوالہ ہے آپ کو چاہیے کہ پیج سکین کر کے ارسال کریں

 

[MD. Muqimkhan]

جہاں تک ہم جانتے ہیں جماعت غرباء اہل حدیث ممبئی یا پھر مہاراسٹرا تک ہی محدود ہیں
الله أعلم

دہلی میں بهی ایک مسجد میں نے دیکهی ہے. اور اسحق بهٹی صاحب نے غالبا کاروان سلف میں تاریخ پر تهوڑی گفتگو کرتے ہوئے دہلی کے صدر بازار میں ان کے مرکز کا ذکر کیا ہے. نیز اگر مجهے ٹهیک سے یاد ہے تو یہ بهی لکها ہے کہ ابتدا میں غربا اہل حدیث اہل حدیث کی وہ شاخ تهی جو شعبہ نشر و اشاعت سنبهالتی تهی. اور جس ہستی نے یہ سب تنظیمی امور انجام دیے تهے وہ شیخ الکل کے شاگرد تهے جو بعد میں اپنا مدرسہ رحمانیہ اور اسکی لائبریری جامعہ ملیہ اسلامیہ کو سونپ کر پاکستان ہجرت کرگئے تهے. آج اس مدرسے کی جگہ جامعہ ملیہ کا شفیق میموریل اسکول چل رہا ہے. یہ باتیں میں یاد داشت کی بنا پر لکه رہا ہوں اس لیے اس میں کچه ادهر ادهر کا فرق ہوسکتا ہے. ممکن ہے کتاب کا نام کچه اور ہو لیکن مصنف بهٹی صاحب ہی تهے.