جنابت کی حالت میں رسول اللہ صلی اللہ علیہ وسلم پر درود بھیجنا

[محدث میڈیا]

افضل اور بہتر یہی ہے کہ انسان مکمل طہارت کے ساتھ رسول اللہ صلی اللہ علیہ وسلم پر درود بھیجے، یا اللہ تعالی کا ذکر کرے، لیکن اگر وہ جنابت کی حالت میں رسول اللہ صلی اللہ علیہ وسلم پر درود بھیجتا ہے یا اللہ تعالی کا ذکر کرتا ہے، یا دعا کرتا ہےتو کوئی حرج نہیں ہے۔

ارشاد باری تعالی ہے:
الَّذِينَ يَذْكُرُونَ اللَّهَ قِيَاماً وَقُعُوداً وَعَلَى جُنُوبِهِم( آل عمران: 191)
’’ وہ لوگ جو کھڑے اور بیٹھے اور اپنے پہلوؤں پر اللہ کویاد کرتے ہیں۔‘‘

سیدہ عائشہ رضی اللہ عنہا بیان فرماتی ہیں:
كَانَ النَّبِيُّ صَلَّى اللهُ عَلَيْهِ وَسَلَّمَ يَذْكُرُ اللهَ عَلَى كُلِّ أَحْيَانِه (صحيح مسلم، الحيض: 373)
’’ رسول اللہﷺ اپنے تمام اوقات میں اللہ تعالیٰ کا ذکر کرتے تھے۔‘‘