جنریشن گیپ

[اخت ولید]

السلام علیکم ورحمۃ اللہ وبرکاتہ
بہت اچھا اور چبھتا ہوا موضوع ہے!
والد محترم نے کبھی ڈانٹا تک نہیں لیکن ان کی مصروفیات و دیگر وجوہات کی بنا پر ہم ان سے بہت سی باتیں ڈسکس نہیں کر سکتے تھےشاید اسی بنا پرشادی کے بعد بھی بہن بھائیوں کو جھجھک سی رہتی ہے حالانکہ فارغ وقت میں والد محترم ہمارے ساتھ خصوصاچڑی چھکا اور غباروں کے ساتھ خوب کھیلا کرتے تھے۔گھر میں والدہ محترمہ نے ہمیشہ دوستانہ رویہ رکھا کہ ہمیں کبھی انہیں کچھ بتانے میں دقت نہیں ہوئی۔۔لیکن ضرورت کے وقت ڈانٹ اور پٹائی بھی جاتی تھی۔۔والدین سے تعلق نہ رکھنے کی ایک بڑی وجہ عدم تعاو ن اور دوستانہ رویے کا فقدان ہے۔۔بچے والدین سے ڈر کر اپنی باتیں باہر دوستوں،سہیلیوں سے شئیر کرتے ہیں اور پھر وہی ان کا اثاثہ بن جاتے ہیں،،والدہ محترمہ کے رویے کی بناپر ہمیں باہر بات کرنے کی نوبت بہت کم آئی اور خصوصا مجھے تو شاید کبھی نہیں۔۔اردگرد کے سوالات کہ آپ کی کوئی سہیلی نہیں ہے؟ پر ہمیشہ سے میرا یہی جواب رہا ہے کہ جب ہم اپنی باتیں گھر والوں کے ساتھ ڈسکس کر لیتے ہیں تو باہر کی کیا ضرورت ہے؟؟اور الحمدللہ وہی رویے مجھے گھر بھر کے افراد میں ملے کہ آج تک کوئی بات نہیں چھپاتی نہ چھپا سکتی۔۔حتٰی کہ فارم پر آنے والے عمومی پی ایمز بھی سربراہ گھرانہ سے ذکر کر دیتی ہوں!!)والدہ محترمہ کا دیا ہوا اعتماد۔۔آج سب بہن بھائیوں کے گھروالوں اوراعزا کو ان پراعتماد ہے الحمدللہ! ہم سب بہن بھائی گھرآتے ہی باہر کی روداد سناتے تھےکہ کہاں گیا؟کیوں گیا؟کیا ہوا؟کون کون ملا؟کیا کیا کہا؟حتٰی کہ والدہ محترمہ خود ہمارے ساتھ بیٹھ کر اپنے سفر کا سب قصہ سناتیں۔۔
دوسری وجہ کہ بچے پڑھ لکھ کر والدین کو دقیانوس و جاہل سمجھتے ہیں۔۔ان افراد کو اپنے ماضی سے کوئی دلچسپی نہیں ہوتی انہیں ماضی شرمناک لگتا ہے۔۔اور والدین ان کا ماضی ہی تو تھے۔۔انہیں اپنے والدین کا وجود اپنے سٹیٹس کے مطابق نہیں لگتا۔۔انہیں محسوس ہوتا کہ اماں ابا کے باس بیٹھ کر وقت ضائع کرنے سے بہتر جیو گرافک چینلز اور ٹاک شوز ہیں۔۔اماں ابا کے پاس کرنے کو باتیں ہی کیاہیں؟؟۔۔وہی ماضی۔۔چھوٹا سا گھر!ہمارا سٹیٹس خراب ہوتا ہے۔۔بیوی بچے کیا سوچیں گے؟؟دوستوں میں سبکی ہو گی!!!

شہر میں آ کر پڑھنے والے بچے بھول گئے
کس کی ماں نے کتنا زیور بیچا تھا؟​

انہیں یہی یاد رہ جاتا ہے کہ انہوں نے ماں کو کتنا زیور دیاہے؟وہ اماں جس نے انہیں اب کی پہچان کروائی تھی اب وہی بیوقوف دکھائی دیتی ہے۔۔بچوں کو اپنے ماضی اور روایات سے پیار کرنا سکھائیں اپنی جدوجہد سے آگاہ کریں۔۔والدین کے احسانات کو ذکر کریں۔اسے اپنے آبائی علاقے میں لے کر جائیں۔۔اسے سب کچھ بتائیں اور سب سے اہم اپنے والدین کو وقت دیں تا کہ بڑا ہونے پر وہ آپ کے ساتھ وہی معاملہ کرے جووہ دیکھتا آیا ہے!اللہ سبحانہ وتعالٰی مجھے خود بھی ان باتوں پر عمل کرنے کی توفیق عطا فرمائے۔۔
تیسری وجہ میں والدین کو بھی کچھ سوچنا چاہیے کہ اولاد کی رائے بھی سمجھیں ،اسے اہمیت دیں۔۔ان سےچھوٹے موٹے کاموں میں مشورہ طلب کریں۔۔ان پر ہمیشہ اپنے فیصلے اور تجربات مسلط کرنے سے وہ تنگ دل ہو جاتے ہیں اور پھر والدین کے ساتھ سے گھبرانے لگتے ہیں!

 

[محمد فیض الابرار]

بہت اچھے
اصل میں ۱۷ جنوری کو کراچی کے ایک خواتین کے تربیتی ادارے میں میری گفتگو ہے جس میں میں اس موضوع پر بات کرنا چاہ رہا ہوں کہ ہماری مائیں اپنی اولاد کے ساتھ کیسا رویہ رکھیں اور رسول اللہ صلی اللہ علیہ وسلم کااپنی اولاد کے ساتھ کیسا سلوک تھا

 

[Dua]

والدین اپنی اولاد کو تین چیزیں دیتے ہیں ، وراثت ۔ اخلاقیات اور مقصد حیات۔۔۔۔۔جنریشن گیپ تب زیادہ محسوس ہوتا ہے جب والدین اور اولاد کی ترجیحات میں فرق آتا ہے۔جنریشن گیپ کا بہت تعلق وقت اور عمر سے بھی ہے ، ایک بچہ شرارت کرے تو برا نہیں ، مگر بلوغت کے بعد کرے تو اسے درست نہیں کہا جائے گا۔وقت اور عمر کا خیال والدین کے ساتھ اولاد کے لیے بھی سمجھنا ضروری ہے۔ کیونکہ تقاضے اور فرائض ہم سب کی زندگی کا حصہ ہیں!!

 

[محمد فیض الابرار]

والدین اپنی اولاد کو تین چیزیں دیتے ہیں ، وراثت ۔ اخلاقیات اور مقصد حیات۔۔۔۔۔جنریشن گیپ تب زیادہ محسوس ہوتا ہے جب والدین اور اولاد کی ترجیحات میں فرق آتا ہے۔جنریشن گیپ کا بہت تعلق وقت اور عمر سے بھی ہے ، ایک بچہ شرارت کرے تو برا نہیں ، مگر بلوغت کے بعد کرے تو اسے درست نہیں کہا جائے گا۔وقت اور عمر کا خیال والدین کے ساتھ اولاد کے لیے بھی سمجھنا ضروری ہے۔ کیونکہ تقاضے اور فرائض ہم سب کی زندگی کا حصہ ہیں!!

آپ کی ساری باتیں ٹھیک لیکن سوائے ایک جملہ ۔۔ جب والدین اور اولاد کی ترجیحات میں فرق آتا ہے۔۔۔ اس لیے اولاد جنریشن گیپ کا شکار اس وقت ہوتی ہے جب اس کی ترجیحات سوائے توجہ طلب کرنے کے کچھ بھی نہیں ہوتی اس وقت تو والدین کا حکم چلتا ہے اور ہمارے معاشرے میں زیادہ تر والدین اپنی مرضی اپنی اولاد پر ٹھونستے ہیں البتہ آپ کی بات عمر کے اس مرحلے میں بالکل سولہ آنے ٹھیک ہے جب اولاد ہوش سنبھال چکی ہوتی ہے
اور غور کیا جائے تو وراثت ، اخلاقیات اور مقصد حیات تینوں ایک ہی تصویر کے پہلو اور رنگ ہیں

 

[محمد فیض الابرار]

میں اپنی گفتگو کا خلاصہ یہاں درج کروں گا لیکن پروگرام کے بعد ان شاء اللہ

 

[محمد فیض الابرار]

ویسے جس طرح میری ایک بہن نے اپنے والدین کا رویہ اور ایک ساتھی نے بھی اپنا رویہ لکھا اگر تمام ساتھی اس میں اگر محسوس نہ کریں تو اپنے مشاہدات اور تجربات ضرور لکھیں

 

[اخت ولید]

میں اپنی گفتگو کا خلاصہ یہاں درج کروں گا لیکن پروگرام کے بعد ان شاء اللہ

@محمد فیض الابرار بھائی

 

[محمد زاہد بن فیض]

ا
تیسری وجہ میں والدین کو بھی کچھ سوچنا چاہیے کہ اولاد کی رائے بھی سمجھیں ،اسے اہمیت دیں۔۔ان سےچھوٹے موٹے کاموں میں مشورہ طلب کریں۔۔ان پر ہمیشہ اپنے فیصلے اور تجربات مسلط کرنے سے وہ تنگ دل ہو جاتے ہیں اور پھر والدین کے ساتھ سے گھبرانے لگتے ہیں!

بہت عمدہ بات۔جزاک اللہ خیرا۔

 

[محمد فیض الابرار]

@محمد فیض الابرار بھائی

اللہ اکبر کبیرا
اس سے مجھے یہ تھریڈ بھی یاد آ گیا اور آج جمعہ کے بعد باقی ادھورے تھریڈز بھی مکمل کرنا شروع کروں گا بتوفیق اللہ
جزاک اللہ خیرا

 

[محمد زاہد بن فیض]

میں یہاں چند سوالات لکھنا چاہوں گا شاید وہ اس ٹاپک سے ریلیٹیڈ ہیں بھی یا نہیں؟
میرا پہلا سوال تو یہ ہے کہ جنریشن گیپ کے متعلق شریعت ہمیں کیا حل پیش کرتی ہے؟
دوسرا سوال یہ ہے کہ والدین کی ترجیحات کس کے لئے ہونی چاہیے؟بہن بھائیوں کے لیے یا کہ اولاد کےلیے؟اس سوال پوچھنے کی وجہ یہ ہے کہ بعض اوقات دیکھا گیا ہے کہ والدین اولاد سے زیادہ اپنے بہن بھائیوں میں د لچسپی لیتے ہیں۔خواہ وہ مالی معاملات ہوں یا اولاد کے حقوق کے معاملات یہاں تک کہ اولاد کے رشتے کے معاملات بھی والدین اولاد سے مشورہ کرنے کی بجائے اپنے بہن بھائیوں سے مشورے کرتے ہیں۔حالانکہ زندگی اولاد نے گزارنی ہے۔ان سے مشورہ تک نہیں لیا جاتا۔اور زبردستی اپنی رائے اولاد پر مسلط کی جاتی ہے۔جس سے اولاد احساس کمتری کا شکار ہوجاتی ہے۔جس سے نہ صرف اولاد اپنے و الدین سے دور ہوجاتی ہے بلکہ اپنےرشتے داروں سے بھی دو ر ہوجاتی ہے۔اس کاحل کیا ہے؟شرعی نقطہ نظر سے ایک مرد اور عورت کے شادی کے بعد اولاد پر زیادہ حقوق ہیں یا بہن بھائیوں پر؟
تیسری بات۔کہ اکثر خواتین میں یہ بات دیکھنے میں آئی ہے کہ وہ شادی کے بعد بھی اپنے شوہر یا اپنی اولاد پر کم توجہ دیتی ہیں اور اپنے میکے کی پرواہ زیادہ کرتی ہیں۔یہاں تک کہ مالی معاملات میں بھی اپنے میکے کو زیادہ سپورٹ کرتی ہے۔یعنی لیتی شوہر سے ہے دیتی میکے والوں کو ہے۔تو شرعی نقطہ نظر سے کیا ایسی خواتین مجر م ہیں؟
@اسحاق سلفی
@محمد فیض الابرار