حافظ عبدالسلام فتح پوری صاحب رحمہ اللہ فوت ہوگئے

[خضر حیات]

شیخ فتحپوری صاحب کا ایک قول:
دنیا میں حافظِ قرآن تو بہت ہیں لیکن حافظِ نماز بہت کم دیکھنے میں آئے ہیں۔

(آج سے 45 سال ایک عالم دین کی وفات پر لکھے گئے آپ کے ایک مضمون سے اقتباس )​

 

[خضر حیات]

یہ حقیقت ہے کہ ایسے عالم باعمل کے اُٹھ جانے سے جو خلا پیدا ہو چکا ہے وہ مشکل سے ہی پورا ہو گا۔ چند ہی سالوں میں ہم سے علم و عمل کے بیش بہا موتی، موت کے آہنی پنجہ نے چھین لئے۔ اگرچہ وہ دنیائے فانی اور دورِ فتن سے محفوظ ہو کر ہمیشہ کے لئے میٹھی نیند سو چکے ہیں۔ لیکن ان کے چلے جانے سے ہماری ذمہ داریاں بہت بڑھ گئی ہیں۔ کیونکہ ہم پر یہ فرض عائد ہوتا ہے کہ جو کام وہ سر انجام دیتے رہے اس میں کمی واقع نہ ہو۔ لیکن کون ہے جو ان کے عالی مقام مساند درس و تدریس پر جلوہ افروز ہو۔ چنانچہ جب ان کے علمی مراکز خالی دکھائی دیتے ہیں تو دل سے آہ نکلتی ہے۔
''الٰہی! ہم تہی دامن ہیں۔ موجودہ حالات میں ہم ان کے مشن کو اچھی طرح قائم نہیں رکھ سکتے۔ تو اپنے فضل خاص سے ایسے خلفا پیدا کر! جو ان بزرگوں کی خالی علمی مساند کو پر کر کے وہی باغ و بہار لوٹا سکیں۔''
ابھی ان علمی مراکز کی فکر دامن گیر ہوتی ہے اور ان کے خلا کو پر کرنے والا سامنے نہیں ہوتا کہ ایک اور علمی مسند خالی ہو جاتی ہے۔

(آج سے 45 سال قبل ایک عالم دین کی وفات پر لکھے گئے مولانا فتحپوری رحمہ اللہ کے مضمون سے اقتباس )​

 

[خضر حیات]

استاذالعلماء شیخ الحدیث والتفسیر مولاناعبدالسلام فتح پوری جن کا آج انتقال ہو گیا۔ ان پر ان کے کوئی شاگرد۔ کوئ عزیز آج ہی کوئی مضمون لکھ کر ہمیں سینڈ کر دیں تو ہم ان شاءاللہ بزرگوں کی حیات و خدمات ہفت روزہ نویدضیاء کے موجودہ ایڈیشن میں شائع کر دیں گے ۔

محمد ابرار ظہیر
ایڈیٹر نوید ضیاء​

 

[ہابیل]

انا للہ وانا الیہ راجعون ، اللہ رب العزت ان کے درجات بلند فرمائے اور اعلی علیین میں جگہ عطا فرمائے امین

 

[رانا ابوبکر]

انا لله وانا اليه راجعون
اللهم اغفرله وارحمه وعافه وأعف عنه وارفع درجته فى المهديين

 

[خضر حیات]

انا لله وانا اليه راجعون
اللهم اغفرله وارحمه وعافه وأعف عنه وارفع درجته فى المهديين

آمین ۔
رانا ابو بکر صاحب استاد محترم رحمہ اللہ کا ماہنامہ رشد میں انٹرویو چھپا تھا ، اس کی فائل مل سکتی ہے ؟

 

[خضر حیات]

شیخ التفسیر مولانا عبدالسلام فتح پوری رحمہ اللہ

عبدالباسط بلوچ​

میں آج بھی چشم تصور میں ان لمحات کو دیکھ رہا ہوں کہ شیخ التفسیر اپنے سینے سے ابوداؤد شریف اور موطاء امام مالک لگائے پڑھانے کیلئے کلاس میں داخل ہو رہے ہیں اور ان کا مسکرانے کا مخصوص انداز اور شگفتہ طبیعت سارے دن کی تھکاوٹ ختم ہو جاتی اور ایک ہلکے پھلکے انداز میں اپنے سبق کا آغاز کرتے وہ کتنے ہی خوشگوار لمحات تھے جو گزرنے میں دیر نہیں لگی۔ 1932ء میں حبیب احمد کے گھر راجستھان ، ہندوستان میں پیدا ہونے والا درِ نایاب قیام پاکستان کے بعد ضلع ملتان تحصیل میلسی اور گاؤں فتح پور میں آ کر آباد ہوا۔ ابتدائی تعلیم کے بعد مدرسہ اوڈاں والا جامعہ تقویہ الاسلام فیصل آباد میں اپنی تعلیم کا آغاز کیا۔ وہاں پر مولانا یعقوب ملہوی سے کسب فیض کیا اور مزید تعلیم کے لیے جامعہ سلفیہ فیصل آباد میں امام العصر حافظ محمد گوندلوی سے شرف تلمذ حاصل کیا۔ لاہور میں محدث زمان حافظ عبداللہ روپڑی سے کسب فیض کیا۔ بہاولپور یونیورسٹی سے اصول حدیث میں ایم اے کے بعد جامعہ لاہور الاسلامیہ میں المعھد العالی الشریعہ والقضاء میں داخلہ لیا۔ یہاں پر ملک سعود ریاض یونیورسٹی کی طرف سے 500طلباء کے انٹرویو ہوئے اور اللہ کے فضل سے شیخ صاحب 50لوگوں میں شامل تھا جو سکالر شپ کے لیے منتخب ہوئے۔ وہاں سے ایم اے ایجوکیشن کیا۔ اپنے دور کے مشہور اہل علم جن سے کسب فیض کیا۔ حافظ عبداللہ روپڑی، حافظ محمد گوندلوی، مولانا صادق خلیل، مولانا منظور احمد نعمانی ا ور دیگر اساتذہ اکرام شامل ہیں۔ شیخ صاحب کے ہم مکتب افراد اپنے وقت کے شیوخ الحدیث اور علماء کرام میں شیخ الحدیث حافظ ثناء اللہ مدنی حفظہ اللہ، مولانا عبدالسلام کیلانی، حافظ عبدالرحمان مدنی، حافـظ بنیامین، مولانا عبدالخالق قدوسی، علامہ احسان الٰہی ظہیر، شیخ الحدیث مولانا عبدالحفیظ لکھوی اور شیخ الحدیث مولانا عبداللہ امجد چھتوی، حافظ محمد سعید اور شیخ ظفر اللہ کراچی والے شامل ہیں۔ شیخ التفسیر نے 40سال تک مختلف جامعات میں دین حنیف کی خدمت سر انجام دی جن میں جامعہ سلفیہ فیصل آباد اور جامعہ لاہور الاسلامیہ جامعہ رحمانیہ قابل ذکر ہیں۔ آپ کا میدان حدیث فقہ اور خاص کر تفسیر تھا اس لیے آپ کو شیخ التفسیر کے نام سے یاد کیا جاتا ہے۔ آپ نے اپنے سوگواران میں دو بیٹے اور دو بیٹیاں چھوڑی ہیں۔ اس کے علاوہ ہزاروں طلباء جو ان کے لیے صدقہ جاریہ ہیں۔ اللہ تعالیٰ میرے استادِ گرامی قدر کو کروٹ کروٹ جنت نصیب کرے۔

مقدور ہو تو خاک سے پوچھوں کہ اے لئیم
تو نے وہ گنج ہائے گراں مایہ کیا کیے​

 

[رانا ابوبکر]

رانا ابو بکر صاحب استاد محترم رحمہ اللہ کا ماہنامہ رشد میں انٹرویو چھپا تھا ، اس کی فائل مل سکتی ہے ؟

خضر صاحب میں پتہ کرکے آپ کو بھجوا دوں گا۔ ان شاء اللہ

 

[خضر حیات]

نوید ضیاء کے اسپیشل ایڈیشن ( صفحہ نمبر 8 ) میں شیخ کی سوانح پر آپ کے شاگرد عبد الباسط بلوچ صاحب کی تحریر نشر کی گئی ہے ، تحریر کا کچھ حصہ اوپر پیش کیا جاچکا ہے ، میں نے ان سے رابطہ کیا ہے ، اگر ان کی نئی تحریر یونیکوڈ میں مل گئی تو اسے یہاں پیش کردیا جائے گا ، إن شاءاللہ ۔
الحمد للہ اس تحریر میں بھی آپ ’’ محدث ‘‘ سے استفادہ محسوس کریں گے ۔

 

[اخت ولید]

وعلیکم السلام ورحمۃ اللہ وبرکاتہ
انا للہ وانا الیہ راجعون
یکے بعد دیگرے علماء و عاملینِ سلف کی وفات۔۔قرب قیامت کی نشانی۔
اللہ سبحانہ وتعالٰی ہمیں ان علماء کے علم سے استفادہ کرنے،اس پر عمل پیرا ہونے اور ان کے علمی وارثین بننے کی لگن عطا فرمائے۔آمین

یہ حقیقت ہے کہ ایسے عالم باعمل کے اُٹھ جانے سے جو خلا پیدا ہو چکا ہے وہ مشکل سے ہی پورا ہو گا۔ چند ہی سالوں میں ہم سے علم و عمل کے بیش بہا موتی، موت کے آہنی پنجہ نے چھین لئے۔ اگرچہ وہ دنیائے فانی اور دورِ فتن سے محفوظ ہو کر ہمیشہ کے لئے میٹھی نیند سو چکے ہیں۔ لیکن ان کے چلے جانے سے ہماری ذمہ داریاں بہت بڑھ گئی ہیں۔ کیونکہ ہم پر یہ فرض عائد ہوتا ہے کہ جو کام وہ سر انجام دیتے رہے اس میں کمی واقع نہ ہو۔ لیکن کون ہے جو ان کے عالی مقام مساند درس و تدریس پر جلوہ افروز ہو۔ چنانچہ جب ان کے علمی مراکز خالی دکھائی دیتے ہیں تو دل سے آہ نکلتی ہے۔
''الٰہی! ہم تہی دامن ہیں۔ موجودہ حالات میں ہم ان کے مشن کو اچھی طرح قائم نہیں رکھ سکتے۔ تو اپنے فضل خاص سے ایسے خلفا پیدا کر! جو ان بزرگوں کی خالی علمی مساند کو پر کر کے وہی باغ و بہار لوٹا سکیں۔''
ابھی ان علمی مراکز کی فکر دامن گیر ہوتی ہے اور ان کے خلا کو پر کرنے والا سامنے نہیں ہوتا کہ ایک اور علمی مسند خالی ہو جاتی ہے۔

(آج سے 45 سال قبل ایک عالم دین کی وفات پر لکھے گئے مولانا فتحپوری رحمہ اللہ کے مضمون سے اقتباس )​

مولانا رحمہ اللہ کا انداز تحریر بہت عمدہ ہے،ان کی مزید تحریریں میسر ہیں؟