حاملہ عورت کا نکاح

[رانا ابوبکر]

السلام عليكم ورحمة الله وبركاته

حاملہ عورت کا نکاح۔ نکاح خواں کی پوزیشن۔ گواہوں کی پوزیشن۔ دولہا کی پوزیشن اور دوسرے لوگ جو اس نکاح کے وقت موجود ہیں یا کسی نہ کسی طرح ان کا اس نکاح سے تعلق ہے۔
(1) اگر مندرجہ بالا تمام لوگ یا کچھ اس بات سے واقف ہوں یا ناواقف ہوں کہ عورت حاملہ ہے۔ (2) اگر نکاح خواں کو علم نہ ہو یا جان بوجھ کر نہ بتایا گیا ہو؟

 

[رانا ابوبکر]

جواب

 

[حافظ راشد]

الجواب بعون الوھاب
بشرط صحت سوال
یہ جرم ہے کیونکہ اللہ تعالی کا فرمان ہے ’’ وَأُولَاتُ الْأَحْمَالِ أَجَلُهُنَّ أَنْ يَضَعْنَ حَمْلَهُنَّ ،،
[اور حاملہ عورتوں کی عدت یہ ہے کہ وہ اپنا بچہ جنم دیں . الطلاق 4]
علم والوں کا جرم لا علموں سے زیادہ ہے بہرحال مجرم سب ہی ہیں .اس جرم کی حد کتاب وسنت میں موجود نہیں ہے البتہ تعزیر ہوگی جو دس کوڑوں سے زیادہ نہیں ہے کیونکہ رسول اللہ ﷺ کا فرمان ہے [ لایجلد فوق عشر جلدات الا فی حد من حدوداللہ ] بخاری کتاب الحدود
مجرمین کو اولین فرصت میں توبہ کرلینی چاہیے .
اوریہ نکاح فسخ ہوگا کیونکہ یہ شرعا نکاح نہیں ہے .مرد اور عورت کے درمیان جدائ کروانا ضروری ہے . واللہ اعلم بالصواب