حرم مدنی کے سابق امام شیخ محمد ایوب چل بسے

[خضر حیات]

بڑے حزن و ملال کے ساتھ یہ خبر دی جاتی ہے کہ شیخ محمد ایوب برماوی مدنی کئی سال قرآن اور اہل قرآں کی خدمت میں بھرپور زندگی گزار کر آج صبح داعی اجل کو لبیک کہہ گئے ۔
شیخ رحمہ اللہ جامعہ اسلامیہ ، میں قراءت اور تفسیر کے استاد بھی تھے ، کلیۃ الحدیث کے مستوی اول میں ہم نے ان سے مادۃ القرآن پڑھا تھا ۔
شیخ رحمہ اللہ ایک عرصہ تک مسجد نبوی میں امامت کرواتے رہے ، پھر وہاں سے علیحدہ کردیے گئے ، چند سال پہلے شیخ کے ایک انٹرویو میں اینکر نے پوچھا ، آپ کی خواہش کیا ہے ؟ کہنے لگے میری دو خواہشیں تھیں :
1۔ میں ساری اولاد حافظ قرآن ہو ، اللہ نے پوری کی ۔
2۔ اب دوسری خواہش ہے کہ دوبارہ اللہ تعالی مجھے امامت مسجد نبوی کی سعادت عطا کرے ۔
اس سال رمضان میں ان کی یہ خواہش پایہ تکمیل کو پہنچی ، اور انہیں تراویح کی امامت کا موقعہ دیا گیا ، ایک دن دوران امامت شیخ کی طبیعت اچانک خراب ہوگئی ، اور ہسپتال منتقل کردیے گئے ، اس کے بعد رمضان کے باقی دن کسی اور نے ان کی جگہ تراویح پڑھائیں ۔
البتہ مسجد نبوی میں تلاوت قرآن اور تجوید کا حلقہ آخری ایام تک پڑھاتے رہے ۔

 

[یوسف ثانی]

اناللہ وانا الیہ راجعون

 

[محمد فیض الابرار]

استاذي فضيلة الشيخ الدكتور القارئ محمد أيوب رحمه الله تعالى ، إمام الحرم النبوي سابقًا - والأستاذ بالجامعة الإسلامية بالمدينة المنورة - إنا لله وإنا إليه راجعون ، والصلاة عليه ظهر اليوم في المسجد النبوي .
فأتمنى من الأعضاء الكرام الدعاء له بالمغفرة والثبات عند السؤال
والدعاء لأهله بالصبر والإحتساب اللهم اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس اللهم وأبدله دارًا خيرًا من داره وأهلاً خيرًا من أهله وأدخله الجنة وأعذه من عذاب القبر وعذاب النار اللهم إنه في ذمتك وحبل جوارك فقه من فتنه القبر وعذاب النار وأنت أهل الوفاء والحق فاغفر له وارحمه إنك أنت الغفور الرحيم اللهم إن كان محسناً فزد في حسناته وإن كان مسيئا فتجاوز عنه ،،،،،، اللهم حاسبه حسابا يسيرا .
ربنا اغفر لنا ولاخواننا الذين سبقونا بالإيمان ولا تجعل في قلوبنا غلا للذين آمنوا ربنا إنك رؤوف رحيم .
إنا لله وإنا إليه راجعون - إن لله ما أخذ وله ما أعطى وكل شيء عنده باجل مسمى .

 

[محمد فیض الابرار]

یہ تحریر مجھے واٹس اپ گروپ میں شیخ انس مدنی حفظہ اللہ کی پوسٹ میں ملی بہت اچھی لگی اللہ انہیں جزائے خیر عطا فرمائے ہم سب کی ترجمانی کر دی

 

[خضر حیات]

شیخ رحمہ اللہ کا مختصر تعارف

ولادت : 1374ھ ( 1952ء ) مکہ مکرمہ ۔
ابتدائی تعلیم : حفظ قرآن اور ابتدائی کلاسیں مکہ مکرمہ اور پھر مدینہ منورہ میں مکمل کیں ، اور 1392ھ میں ثانویہ ( سیکنڈری ) کا امتحان پاس کیا ۔
اعلی تعلیم : 1396 تا 1408 ھ تک جامعہ اسلامیہ مدینہ منورہ میں تعلیم حاصل کی اور بی اے ، ایم فل اور پی ایچ ڈی کی ڈگری حاصل کی ۔
عملی زندگی :
1397ھ سے لیکر تادم وفات جامعہ اسلامیہ مدینہ منورہ ، کلیۃ القرآن میں مختلف درجات و مراتب میں بطور استاد خدمات سر انجام دیتے رہے ۔
ساتھ ساتھ شاہ فہد قرآن کمپلیکس میں علمی کمیٹی کے ممبر رہے ۔
1410 تا 1417ھ مسجد نبوی میں امام تراویح رہے ، پھر طویل عرصہ کے بعد دوبارہ 1436ھ میں ان کی خدمات حاصل کی گئیں ، لیکن صحت کی خرابی کی بنا پر کچھ ہی دن یہ فریضہ سر انجام دے سکے ۔
اسی طرح مدینہ منورہ کی معروف تاریخی و شرعی مسجد قباء میں بھی امامت کروائی ۔
شیخ اور قرآن :
عصر حاضر میں قرآن مجید کو خوبصورت آواز میں پڑھنے والے عالمی اور معروف قراء کی بات ہو ، تو شیخ کا نام اپنی پوری شان و شوکت سے اس میں موجود ہوگا ۔ حسن اداء ، پر تاثیر آواز ، مترنم اور انوکھا لہجہ شیخ کی تلاوت کی خصوصیات ہیں ۔
مسجد نبوی میں بھی آپ کا مکمل قرآن مجید ریکارڈ کیا گیا ، پھر مجمع ملک فہد کے لیے شاہ فہد کی خواہش پر بھی آپ نے قرآں مجید ریکارڈ کروایا ۔
شیخ کی تلاوتیں انٹرنیٹ پر معروف ہیں ، گوگل پر سرچ کرنے سے آپ کی بیسیوں تلاوتیں سامنے آجائیں گی ، طریق الاسلام ویب سائٹ پر ان کےنام کا مستقل صفحہ موجود ہے ۔
آل اولاد :
شیخ کی دو بیویوں سے 13 بیٹے بیٹیاں ہیں ، اور سب کے سب قرآن مجید کے حافظ ہیں ، شیخ کے ایک فرزند زبیر محمد ایوب جامعہ اسلامیہ ( کلیۃ اللغۃ ) کے معروف اساتذہ میں سے ہیں ، اور باقی اولاد بھی تعلیم و تعلم کے شعبہ سے منسلک ہے ۔
پاکستان سے تعلق :
شیخ ایک سے زیادہ مرتبہ پاکستان تشریف لائے ، پاکستان کے بڑے بڑے قراء سے ان کے خصوصی تعلقات تھے ، قاری ابراہیم میرمحمدی ، قاری صہیب صاحب وغیرہما کو ناموں سے جانتے ہیں ، اور اس طرح کے مشایخ جب بھی مدینہ آتے ، شیخ سے ان کی مسجد یا گھر میں خصوصی ملاقاتیں ہوتیں ۔ اردو اچھی طرح بول سکتے ہیں ، اب بھی کئی ایک پاکستانی طالبعلم مسجد نبوی میں ان سے تلاوت قرآں مجید اور تجوید کا درس لے رہے تھے ۔

 

[Dua]

اناللہ وانا الیہ راجعون
ماشاء اللہ شیخ رحمہ اللہ کو عرصہ دراز سے جانتے آئے ہیں۔بہترین قراء ، اللہ تعالی ان کے درجات بلند فرمائے۔

 

[عمر اثری]

انا لله و انا اليه راجعون
اللهم اغفر له وارحمه و عافه وعف عنه و اكرم نزله ووسع مدخله و نقه من الخطايا كما نقيت الثوب الأبيض من الدنس وابدله دارا خيرا من داره واهلا ميرا من أهله و ادخله الجنة

الحمد للہ میں نے انکو بہت سنا ھے.

 

[محمد عامر یونس]

انا للہ وانا اليه راجعون


اَللّٰهُمَّ اغْفِرْ لَهُ وَارْفَعْ دَرَجَتَهُ فِی الْمَهْدِیِّیْنَ وَاخْلُفْهُ فِیْ عَقِبِهِ فِی الْغَابِرِیْنَ وَاغْفِرْ لَنَا وَلَهُ یَا رَبَّ الْعَالَمِیْنَ وَافْسَحْ لَهُ فِی قَبْرِهِ وَنَوِّرْ لَهُ فِیْهِ

اے الله! اسے معاف فرما اور ہدایت یافتہ لوگوں میں اس کا درجہ بلند فرما اور اس کے پیچھے رہ جانے والوں میں تو ہی اس کا خلیفہ بن جا۔ یا رب العالمین !ہمیں اور اس کو بخش دے اور اس کی قبر میں اس کے لئے کشادگی فرما اور اس میں اس کے لئے روشنی فرما۔

(صحیح مسلم:2130 )​

 

[سید طہ عارف]

انا للہ وانا اليه راجعون
اَللّٰهُمَ اغْفِرْ لَهُ وَارْفَعْ دَرَجَتَهُ فِی الْمَهْدِیِّیْنَ وَاخْلُفْهُ فِیْ عَقِبِهِ فِی الْغَابِرِیْنَ وَاغْفِرْ لَنَا وَلَهُ یَا رَبَّ الْعَالَمِیْنَ وَافْسَحْ لَهُ فِی قَبْرِهِ وَنَوِّرْ لَهُ فِیْه
اے الله! اسے معاف فرما اور ہدایت یافتہ لوگوں میں اس کا درجہ بلند فرما اور اس کے پیچھے رہ جانے والوں میں تو ہی اس کا خلیفہ بن جا۔ یا رب العالمین !ہمیں اور اس کو بخش دے اور اس کی قبر میں اس کے لئے کشادگی فرما اور اس میں اس کے لئے روشنی فرما
(صحیح مسلم:2130 )

Sent from my SM-G360H using Tapatalk

 

[محمد طارق عبداللہ]

انا للہ وانا الیہ راجعون

اللہ تعالی انکی اخطاء کو معاف فرمائے ۔ انکے درجات کو بلند فرمائے ۔
آمین