حیات طیبہ شاہ اسماعیل شہید

[عبد الرشید]

کتاب کا نام​

حیات طیبہ شاہ اسماعیل شہید

مصنف​

مرزا حیرت دہلوی

​

ناشر​

اسلامی اکادمی،لاہور

​

[URL=http://s1053.photobucket.com/user/kitabosunnat/media/TitlePages---Hayat-e-Tayyaba-Shah-Ismaiel-Shaheed.jpg.html][/URL]​

تبصرہ

ہندوستان کی فضا میں رشد وہدایت کی روشنیاں بکھیرنے کے لیے اللہ تعالیٰ نے اپنے فضل خاص سے ایک ایسی شخصیت کو پید ا فرمایا۔ جس نے اپنی قوت ایمانی اور علم وتقریر کے زور سے کفر وضلالت کے بڑے بڑے بتکدوں میں زلزلہ بپا کردیا اور شرک وبدعات کے خود تراشیدہ بتوں کو پاش پاش کر کے توحید خالص کی اساس قائم کی۔ یہ شاہ ولی اللہ محدث دہلوی کے پوتے شاہ اسماعیل محدث دہلوی تھے۔ شیخ الاسلام ابن تیمیہ اور امام محمد بن عبدالوہاب کے بعد دعوت واصلاح میں امت کے لیے ان کی خدمات ناقابل فراموش ہیں۔ انہو ں نے نہ صرف قلم سےجہاد کیا بلکہ عملی طور پر حضرت سید احمد شہید کی امارت میں تحریک مجاہدین میں شامل ہوکر سکھوں کے خلاف جہاد کرتے ہوئے بالاکوٹ کے مقام پر شہادت کا درجہ حاصل کیا اور ہندوستان کے ناتواں اور محکوم مسلمانوں کے لیے حریت کی ایک عظیم مثال قائم کی۔ ان کے بارے شاعر مشرق علامہ اقبال نے کہا کہ ’’اگر مولانا محمد اسماعیل شہید کےبعد ان کے مرتبہ کاایک مولوی بھی پیدا ہوجاتا تو آج ہندوستان کے مسلمان ایسی ذلت کی زندگی نہ گزارتے‘‘ زیر نظر کتاب برصغیر پاک وہند کی اسلامی تاریخ کے اسی عظیم جرنیل شاہ اسماعیل شہید کی حیات مبارکہ پر مشتمل ہے کتاب کے پہلے حصہ میں شاہ اسماعیل شہید اور دوسرے حصہ میں سید احمد شہید کا تذکرہ ہے۔(م۔ا)

اس کتاب حیات طیبہ شاہ اسماعیل شہید کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین

عرض ناشر
دیباچہ
پہلا باب ۔ نام ، لقب ، خطاب ، ولادت ، تعلیم
دوسرا باب ۔ مولانا شہید کی ورزشیں
تیسرا باب ۔ مولانا شہید کا پہلا وعظ اور عوام الناس کی شورش
چوتھا باب ۔ ضروری تمہید ، مولانا شہید کے مختلف مضامین پر وعظ
پانچواں باب ۔ گورنمنٹ انگریزی کی انصاف پسندی ، سرکار انگریزی کی طرف سے وعظ کی ممانعت
چھٹا باب ۔ مولانا شہید کی متواتر کامیابیاں
ساتواں باب ۔ سکھ مذہب اور اس کا بانی ، سکھوں اور مسلمانوں کا اخلاقی اور ملکی برتاؤ
آٹھواں باب ۔ سفر سے مراجعت ۔ بے بنیاد افواہیں
نواں باب ۔ جہاد کی تدبیریں ، بعض واقعات کا ذکر
دسواں باب ۔ مذہبی لڑائیاں جن کی ابتداء 1241ھ سے ہوتی ہے
گیارہواں باب ۔ فتح پشاور اور بعض بے اعتدالیاں
بارہواں باب ۔ شہادت
تیرہواں باب ۔ عبدالوہاب عینی ( نجد میں ) اور مولانا شہید دہلوی
چودہواں باب ۔ شریعت
پندرہواں باب ۔ دین اسلام میں سہولت
سولہواں باب ۔ مولانا شہید کی تصنیفات اور بعض خط