((دیواروں کے کان ہوتے ہیں))

[محمد عامر یونس]

ہم اکثر یہ جملہ سنتے اور دہراتے ہیں ((دیواروں کے کان ہوتے ہیں))۔۔۔۔اس کی جگہ یہ جملہ ((فرشتوں کے پاس قلم ہوتے ہیں))
اگر زبانوں پر جاری ہو جائے تو ایک ایسی نسل پروان چڑھے جو گناہوں سے بچنے والی اور صرف رب سے ڈر کر بخششیں مانگنے والی ہو گی

 

[محمد علی جواد]

جزاک الله

متفق

 

[اسحاق سلفی]

ہم اکثر یہ جملہ سنتے اور دہراتے ہیں ((دیواروں کے کان ہوتے ہیں))

آج کل تو دیواروں کی آنکھیں بھی ہوتی ہیں ،ایسی آنکھیں جو منظر کو محفوظ کرلیتی ہیں ،(cctv camera)
اور رب تعالی نے نگرانی کا کڑا نظام پھیلا رکھا ہے ،جس سے کوئی شاہ و گدا بچ نہیں سکتا:اس نظام میں ،(cctv camera) کی جگہ کراماً کاتبین ڈیوٹی دے رہے ہیں؛

 

[اسحاق سلفی]

رب تعالی نے نگرانی کا کڑا نظام پھیلا رکھا ہے ،جس سے کوئی شاہ و گدا بچ نہیں سکتا:اس نظام میں ،(cctv camera) کی جگہ کراماً کاتبین ڈیوٹی دے رہے ہیں؛

 

[اسحاق سلفی]

کراما کاتبین کی نوٹس پر یقین
اگر آدمی کو یقین ہو جائے کہ اس کی زبان سے نکلی ہوئی ہر چھوٹی بڑی بات لکھی جارہی ہے تو زبان سے نکلے ہوئے ہرہر کلمہ کی اہمیت کو محسوس کرے گا اور بولنے سے پہلے ضرور سوچے گا۔
ارشاد باری تعالی ہے ( إِذْ یَتَلَقَّی الْمُتَلَقِّیَانِ عَنِ الْیَمِیْنِ وَعَنِ الشِّمَالِ قَعِیْد' مَا یَلْفِظُ مِن قَوْلٍ ِإلَّا لَدَیْْہِ رَقِیْب عَتِیْد)''جب دو (فرشتے)لکھنے والے اس کے دائیں اور بائیں بیٹھے سب ریکارڈ کرتے ہیںوہ کوئی بات منہ سے نہیں نکالتا مگر اس کے پاس ایک تیار نگراں موجود رہتا ہے''سورئہ ق:١٧۔١٨)

دوسری جگہ فرمایا (:(وَِإنَّ عَلَیْْکُمْ لَحَافِظِیْنَ،، کِرَاماً کَاتِبِیْنَ 'یَعْلَمُونَ مَا تَفْعَلُونَ)''اور تم پر نگراں مقرر ہیں جو معزز ہیں اعمال لکھنے والے ہیں وہ جانتے ہیں جو کچھ تم کرتے ہو''سورئہ انفطار:١٠۔١٢)

 

[یوسف ثانی]

معمول کی بول چال میں کسی فرد کی جانب سے کی گئی کوئی بات مشکوک یا غلط محسوس ہو ۔۔۔ تو ہم نے ایک خاندان میں یہ ”رسم“ دیکھی کہ دوسرا فوراً یاد دلاتا کہ ۔۔۔ کاندھے پہ فرشتے ۔۔۔ (بیٹھے تمہاری یہ بات نوٹ کر رہے ہیں) ۔ اگر واقعتاً کہنے والے نے کوئی غلط بات کی تھی تو وہ یہ سن کر فوراً اپنی بات کی تصحیح کرلیتا۔ اور درست بات کی صورت میں اپنی بات پر قائم رہتا۔ جس سے سننے والے کا شک و شبہ دور ہوجاتا۔