رحماء بينهم

[کلیم حیدر]

رحماء بينهم

زیرمطالعہ کتاب میں مولانا محمد نافع رحمہ اللہ نے خلیفہ سوم عثمان رضی اللہ عنہ کے بارے میں اقربا پروری سے متعلق سبائیت کے ناپاک سازش وجھوٹے اتہامات سے پردہ اٹھا کر صدیق اکبر’فاروق اعظم’اورسیدنا عثمان غنی رضوان اللہ علیہم اجمعین تینوں خلفاء کے ساتھ على اور اولاد على رضی اللہ عنہم کے حسن سلوک’باہمى تعاون’خانگی مراسم’نسبی تعلقات اور امورخلافت میں بھرپوراعانت کوکم وبیش دوسوسے زائد قدیم وجدید کتب کے حوالہ جات سے روزِ روشن کی طرح واضح کیا ہے. یہ کہنا بے جا نہیں کہ اس موضوع پر اس دور میں یہ پہلی مدلل تحقیقی کتا ب ہے جو سادہ’رواں اور عام فہم اردوزبان میں لکھی گئی ہے.

اتحاد بین المسلمین اوراتحادِعالم اسلام کے ضمن میں اس کتاب کو اس لحاظ سے اساسی اور بنیادی حیثیت حاصل ہے کہ موصوف نے مخالفین اسلام کے تفرقہ اندازی کی اصل بنیادوں کی نشاندہی کرکے اِس سازش کے تاروپَود بکھیردئے ہیں. کتاب کے مطالعہ سے جہاں یہ اطمینان قلبی حاصل ہوگا کہ تمام صحابہ کرام ’اہل بیت عظام سمیت باہمی شیروشکرتھے. ان میں اختلاف کا شائبہ تک نہ تھا-وہیں یہ بات بھی مترشح ہوتی ہے کہ اسلام کی صداقت وحقانیت ’عالمگیرحیثیت اورغلبہ کے سامنے باطل کبھی ٹہرنہیں سکا.اورجب بھی اسے ضعف پہنچانے کی کوشش کی گئی ہے.اسکے لئے افتراق وتشتت ہی کا حربہ استعمال میں لایا گیا.

ڈاؤنلوڈ لنک

 

[اعتصام]

بھائی یہ لنک میرے ہاں نہیں کھلتی۔۔۔۔۔۔

آپ بتانا پسند کرینگے کہ فقط عثمان رضی اللہ عنہ رحماء بینھم کے مصداق ہیں یا دوسرے اصحاب بھی رحماء بینھم کے مصداق ہیں۔۔۔۔ ان میں سے چند کے نام بھی لکھ دیں۔۔۔۔؟؟

 

[کلیم حیدر]

بھائی یہ لنک میرے ہاں نہیں کھلتی

’’ ڈاؤنلوڈ لنک‘‘ اس پر کلک کریں کتاب ڈاؤنلوڈ ہونا شروع ہوجائے گی۔جب ڈاؤنلوڈ ہوجائے۔تب آپ کتاب ریڈ کرسکتےہیں۔

آپ بتانا پسند کرینگے کہ فقط عثمان رضی اللہ عنہ رحماء بینھم کے مصداق ہیں یا دوسرے اصحاب بھی رحماء بینھم کے مصداق ہیں۔۔۔۔ ان میں سے چند کے نام بھی لکھ دیں۔۔۔۔؟؟

آپ سے گزارش ہےکہ کتاب کو زیر مطالعہ لائیں۔آپ جن جن صحابہ کرامؓ کو رحماءبینہم کامصداق نہیں سمجھتے ان کےنام ذکر کردیں۔؟باقی مُّحَمَّدٌ رَّ‌سُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ‌ رُ‌حَمَاءُ بَيْنَهُمْ اس آيت كا اطلاق جن جن ہستیوں پر ہوسکتا ہے سب ہی رحماء بینہم کی صف میں شامل ہیں۔
آپ اس آیت سے کس کو خارج سمجھتے ہیں اور کس دلیل پر ؟

 

[اعتصام]

یعنی آپ تمام صحابہ کو شامل سمجھتے ہیں۔۔۔۔۔۔

میں اس آیت کے ظھور کے مطابق(اور یہی دلیل ہے) ان صحابہ رضی اللہ عنھم کو مصداق سمجھتا ہوں جن میں یہ تینوں صفات(اشداء، رحماء اور رکعا سجدا) جمع ہوں۔۔۔


سوال: کیا حکم بن عاص کو آپ طرید الرسول صلی اللہ علیہ وآلہ وسلم تسلیم کرتے ہیں۔۔۔۔؟

 

[اعتصام]

سوال: کیا حکم بن عاص کو آپ طرید الرسول صلی اللہ علیہ وآلہ وسلم تسلیم کرتے ہیں۔۔۔۔؟