رسم عثمانی اور قراء ات کے درمیان تعلق

[ساجد]

رسم عثمانی اور قراء ات کے درمیان تعلق

ڈاکٹر قاری اَحمد میاں تھانوی
مُترجِم: قاری فیاض اَحمد​

شیخ القراء ڈاکٹر قاری احمد میاں تھانوی﷾ رُشد قراء ات نمبر کی تینوں اشاعتوں میں مجلس مشاورت کے بنیادی ارکان میں سے ہیں۔ آپ کی شخصیت علم قراء ات کے حوالے سے علمی و عوامی حلقوں میں کسی تعارف کی محتاج نہیں۔ آپ نے پنجاب یونیورسٹی کے شیخ زاید اسلامک سینٹر سے چند سال قبل علومِ اسلامیہ میں پی ایچ ڈی کی اعلیٰ ڈگری ’رسم عثمانی‘ کے حوالے سے حاصل کی۔ آپ کا تحقیقی مقالہ امام ابوالقاسم شاطبی﷫ کے قصیدہ عقیلۃ أتراب القصائد کی شرح اَز ملا علی قاری﷫ کی تحقیق و تعلیق پر مشتمل تھا۔ حضرت قاری صاحب کا زیر نظر مضمون درحقیقت اسی عربی مقالہ کی ایک فصل کا انتخاب ہے جو موصوف نے خود رُشد کے صفحات کیلئے مرحمت فرمایا۔ رسم عثمانی کے موضوع پر مطالعہ کے شائقین کو مذکورہ مقالے کی طرف ضرور رجوع کرنا چاہئے۔ (ادارہ)

 

[ساجد]

نزول قرآن کے وقت سیدنا جبریل﷤ نبی کریمﷺ کی راہنمائی فرمایا کرتے تھے کہ ’اس آیت کو فلاں سورت میں فلاں جگہ پر رکھا جائے۔‘ اسی وجہ سے یہ کہا جاسکتا ہے کہ مصاحف عثمانیہ جو سیدنا عثمان﷜(متوفی ۳۵ھ) کے دور میں لکھے گئے وہ اسی ترتیب پر لکھے گئے جو ترتیب لوح محفوظ میں موجود ہے۔ مصاحف عثمانیہ کے بارے میں یہ بھی ثابت ہے کہ وہ نقطوں، شکلوں سے خالی تھے اور حذف و اثبات اور فصل ووصل وغیرہ کے بارے میں مختلف تھے ،اور یہ مصاحف راجح قول کے مطابق ان سبعہ احرف کے مطابق تھے جن پر قرآن نازل ہوا اور یہ بھی احتمال موجود ہے کہ یہ مصاحف ان قراء ات کے مطابق تھے جوعرضۂ اَخیرہ میں باقی رہ گئی تھیں۔
مصاحف عثمانیہ کی تعداد کے بارے میں علماء کا اختلاف ہے۔ چار اَقوال زیادہ مشہور ہیں:
(١) چار مصاحف تھے (٢) پانچ تھے (٣) چھ تھے (٤) سات تھے۔

 

[ساجد]

٭ مکی بن ابی طالب﷫ (متوفی ۴۳۷ھ) فرماتے ہیں:
’’جب انہوں نے مصاحف تیار کیے تو سات بنائے بعض پانچ کہتے ہیں لیکن سات کے رواۃ زیادہ ہیں۔ ‘‘ (الإبانۃ للمکی بن أبي طالب: ۶۵)
٭ امام شاطبی﷫ (متوفی ۵۹۰ھ) ’العقیلۃ‘ میں فرماتے ہیں کہ وہ سات تھے۔

وسار في نسخ منھا مع المدني
کوف و شام و بصر تملأ البصرا
وقیل مکۃ و البحرین مع یمن
ضاعت بھا نسخ في نشرھا قطرا​

 

[ساجد]

’’مصاحف عثمانیہ کی تعداد سات تھی:
(١) مصحف مدنی (٢) مصحف کوفی(٣) مصحف شامی (٤) مصحف بصری (٥) مصحف مکی (٦) مصحف بحرینی (٧)مصحف یمنی۔‘‘
اور یہ بات ہی فائدہ سے خالی نہیں کہ سیدنا عثمان﷜نے ہر مصحف کے ساتھ ایک ایک قاری بھیجا ،جو اس شہر والوں کو اس مصحف سے وہ قراء ات پڑھاتا تھا جو عرضۂ اخیرہ میں باقی رہ گئی تھیں۔
سالم محیسن اپنی کتاب میں فرماتے ہیں:
’’ سیدنا عثمان﷜نے ہرمصحف کے ساتھ قاری اس لیے بھیجا تھا کیونکہ قراء ات میں اصل اعتماد تلقی اور مشافہہ پر ہے نہ کہ مصحف پر۔‘‘(الفتح الرباني: ۷۴)
اب ہم ذیل میں بالاختصار قراء ات اور رسم عثمانی میں تعلق کا تذکرہ کرتے ہیں۔
اس کی سات فصلیں ہیں:

 

[ساجد]

پہلی فصل
ان قرآنی کلمات کے بارے میں جن میں قراء ات تو دو ہیں لیکن رسم ایک ہی طرح ہے۔

 

[ساجد]

دوسری فصل
ان قرآنی کلمات کے بارے میں جن میں قراء ات بھی دو ہیں اور ان کی رسم بھی دو طرح سے ثابت ہے۔

 

[ساجد]

تیسری فصل
ان قرآنی کلمات کے بارے میں جن میں دو قراء ات ہیں ایک اثبات الف کے ساتھ اور دوسری حذف الف کے ساتھ لیکن رسم صرف حذف الف کے ساتھ ہے۔

 

[ساجد]

چوتھی فصل
ان قرآنی کلمات کے بارے میں جن میں دوقراء ات ہیں ایک اثبات یا ء کے ساتھ اور دوسری حذف یاء کے ساتھ لیکن رسم میں یا ء کو حذف کرکے صرف کسرہ پر اکتفاء کیا گیا ہے تاکہ وہ یاء محذوفہ پردلالت کرے۔

 

[ساجد]

پانچویں فصل:
ان قرآنی کلمات کے بارے میں جن میں تمام مصاحف عثمانیہ میں واؤ کو حذف کرکے صرف ضمہ پراکتفاء کیا گیا تاکہ ضمہ اس پر دلالت کرے۔

 

[ساجد]

چھٹی فصل
ان قرآنی کلمات کے بارے میں جن ھاء ثانیث (ھاء مدورۃ) ہے۔ لیکن بعض قراء ات کی موافقت کی وجہ سے رسم میں تاء تانیث لکھی گئی ہے۔