رشتہ داری کو توڑنے والے کا انجام

[ماریہ انعام]

السلام علیکم ورحمۃ اللہ وبرکاتہ

باب البر والصلۃ کی دوسری حدیث کچھ یوں ہے
وعن جبیر ابن مطعم رضی اللہ عنہ قال قال رسول اللہ ﷺ
لا یدخل الجنۃ قاطع یعنی قاطع رحم
متفق علیہ

جبیر بن مطعم رضی اللہ عنہ سے روایت ہے کہ رسول اللہ ﷺ نے فرمایا
جنت میں کاٹنے والا داخل نہیں ہو گا یعنی رشتہ داری کو کاٹنے والا
متفق علیہ

 

[ماریہ انعام]

قرآن مجیدنےقطع رحمی اور فساد فی الارض کرنے والوں کو لعنت کی وعیداور خسارے کی نوید سنائی ہے

وَيَقطَعونَ ما أَمَرَ اللَّـهُ بِهِ أَن يوصَلَ وَيُفسِدونَ فِى الأَرضِ ۚ أُولـٰئِكَ هُمُ الخـٰسِرونَ
اللہ تعالیٰ نے جن چیزوں کے جوڑنے کا حکم دیا ہے، انہیں کاٹتے اور زمین میں فساد پھیلاتے ہیں، یہی لوگ نقصان اٹھانے والے ہیں (27)

فَهَل عَسَيتُم إِن تَوَلَّيتُم أَن تُفسِدوا فِى الأَرضِ وَتُقَطِّعوا أَرحامَكُم ﴿٢٢﴾ أُولـٰئِكَ الَّذينَ لَعَنَهُمُ اللَّـهُ فَأَصَمَّهُم وَأَعمىٰ أَبصـٰرَهُم ﴿٢٣
اور تم سے یہ بھی بعید نہیں کہ اگر تم کو حکومت مل جائے تو تم زمین میں فساد برپا کر دو اور رشتے ناتے توڑ ڈالو (22) یہ وہی لوگ ہیں جن پر اللہ کی پھٹکار ہے اور جن کی سماعت اور آنکھوں کی روشنی چھین لی ہے (23)

 

[ماریہ انعام]

صلہ رحمی کا کم از کم درجہ یہ ہے کہ آپس میں سلام وکلام کا سلسلہ قائم رہے۔۔۔۔اگر یہ بھی باقی نہ رہا تو پھر قطع رحمی کا مرحلہ آ جاتا ہے۔۔۔۔سلام وکلام سے آگے اقارب کی خبر گیری ‘ جان ومال سے ان کی مدد اور غلطیوں سے در گذر کرنا صلہ رحمی کے مختلف درجے ہیں
وہ صلہ رحمی جو اللہ تعالی کو ہم سے مطلوب ہےرسول اللہ ﷺ نے بیان فرمائی ہے

لیس الواصل بالمکافی ولکن الواصل الذی اذا قطعت رحمہ وصلھا ( البخاری)
صلہ رحمی کرنے والا وہ شخص نہیں جو برابری کامعاملہ کرتا ہے ۔۔۔۔لیکن اصل صلہ رحم کرنے والا شخص وہ ہے کہ جب اس کی رشتہ داری قطع کی جائے تو وہ اسے ملائے
(بخاری)

 

[ماریہ انعام]

رشتہ داروں سے سلوک سے تین درجے ہیں

صلہ رحم
رشتہ دار تعلقات منقطع کریں تو وہ انھیں ملائے اور حسنِ سلوک کرے۔۔۔یہ اعلی ترین درجہ ہے

مکافات
رشتہ دار اچھا سلوک کریں تو اچھا کرے

قطع رحم
رشتہ داروں سے تعلق قطع کر لے۔۔خواہ ان کے برا سلوک کرنے کی وجہ سے تعلقات منقطع کرے یا اچھے سلوک کی وجہ سے۔۔۔۔بہرحال اگر ان کی طرف سے اچھا سلوک ہونے کے بعد برا سلوک کرتا ہے تو یہ قطع رحمی کی بدترین صورت ہے۔۔۔دونوں جانب سے قطع تعلقی ہو تو بدترین وہ ہے جو قطع تعلقی میں میں کرے

 

[نصر اللہ خالد]

بارک اللہ فیک۔

 

[ماریہ انعام]

السلام علیکم ورحمۃ اللہ وبرکاتہ

ابو ہریرۃ رضی اللہ عنہ سے روایت ہے کہ ایک آدمی نے عرض کیا کہ میرے کچھ رشتہ دار ایسے ہیں کہ میں ان سے ملاتا ہوں وہ مجھ سے قطع کرتے ہیں ۔۔۔میں ان پر احسان کرتا ہوں وہ مجھ سے بد سلوکی کرتے ہیں ۔۔۔میں ان سے حلم اختیار کرتا ہوں وہ مجھ پر جہالت کرتے ہیں تو آپﷺ نے فرمایا

ان کنت کما قلت فکانما تسفھم المل ولا یزال معک من اللہ ظھیر ما دمت علی ذلک (مسلم)
اگر ایسا ہی ہے جس طرح تم کہہ رہے ہو تو گویا تم ان کے منہ میں گرم راکھ ڈال رہے ہو ۔۔۔۔اور جب تک تم اس عمل پر قائم رہو گے ہمیشہ ان کے مقابلے میں اللہ کی طرف سے ایک مدد گار تمہارے ساتھ رہے گا (مسلم)

 

[عبدالقیوم]

الهم ربي ذدني علما