سوشل میڈیا پر مجہول آئی ڈی کےساتھ دین کی تبلیغ کا حکم

[طاہر اسلام]

آج کے واقعات کے لیے راوی کا معلوم ہونا ضروری ہے یا نہیں ؟جیسا کہ علامہ صاحب کے حوالے کوئی واقعہ بیان کرنے کی بات ہے تو یہ بھی قابل غور ہے کہ اس کی روایت کو رد کرنا بھی ضروری نہیں جب کہ مجہول کی رویت حدیث ہر حال میں مردود ہوتی ہے؛دوسرے اسے ماننا یا نہ ماننا سرے سے ضروری ہی نہیں لہٰذا یہ دلیل زیر بحث مسئلے پر منطبق نہیں ہوتی۔

اس پر میرے محترم دوست نے یہ عجیب اعتراض کیا ہے کہ

اس طرح تو جو چاہے گا، مجہول آئی ڈی سے کسی معزز مسلمان پر، جیسے چاہے گا، کیچڑ اچھالے گا۔ کیا کسی مسلمان کی عزت کو محفوظ کرنا مقاصد شریعت میں سے نہیں ہے؟

تو عرض ہے کہ میں نے صرف یہ کہا ہے کہ اسے ہر حال میں رد کرنا ضروری نہیں نہ یہ کہ اسے ہر حال میں قبول کرنا واجب ہے؛اب کسی پر کیچڑ اچھالنا ایک خاص فعل ہے جس کے لیے دلیل کی ضرورت ہے ورنہ وہ بہتان ہو گا؛یہاں مجہول ہونے نہ ہونے کا مسئلہ نہیں؛ کسی کو ہر مقام پر اپنا نام بتانے کا شریعت نے پابند نہیں کیا لیکن اس کا یہ مطلب کیسے ہو گیا کہ اسے دوسروں پر طعن و تشنیع کا حق مل گیا ؛یہ ایک الگ معاملہ ہے جس کے لیے شرعی تعلیمات کی پابندی ضروری ہے۔

 

[طاہر اسلام]

قطع نظر اس سے کہ اس دھاگے کا عنوان غلط یا کم از کم غیر موزوں ہے ،اگر احناف کے اجماع سکوتی کے تصور کو مان لیا جائے تو اس کے آغاز کنندہ کی راے ایک شاذ راے ہے؛لیکن یہ اجماع چوں کہ بجاے خود اختلافی ہے اور صاحب موصوف بہ ہر حال تخلیقی سوچ کے حامل عالم دین ہیں اس لیے میں اس راے کو ان کا علمی تفرد سمجھتا ہوں اور بس۔

 

[حیدرآبادی]

ہم بھی کہتے ہیں قلمی نام، مجہول نام نہیں ہے لیکن قلمی نام کے پیچھے لکھنے والی شخصیت ضرور مجہول ہے۔ جس طرح کسی بھائی نے خامہ بگوش صاحب کی مثال دی ہے

حضور آپ تو میرے بیان کردہ موقف کا بالکل الٹ بتا رہے ہیں۔
میں نے اس مثال کے حوالے سے وضاحت کی تھی کہ قلمی نام کے ذریعے مشہور شخصیت مجہول نہیں کہلائی جا سکتی۔

 

[ابوالحسن علوی]

قاھر الارجاء والخوارج بھائی، مجھے آپ کی پوسٹ نمبر 29 سے اتفاق ہے۔ ہمارے مابین اس مسئلے میں کوئی اختلاف نہیں ہے۔ محل اختلاف یہ ہے جو میں ذیل میں دوبارہ بیان کر رہا ہوں اور اسے میں پہلے اس تھریڈ میں پوسٹ نمبر 6 میں نقل کر چکا ہوں لیکن بدقسمتی سے اس پر کسی مکالمہ کرنے والے نے علمی گفتگو آگے نہیں بڑھائی سوائے فتوی کی زبان اور اسلوب استعمال کرنے کے۔ اس عبارت میں جو سوالات اٹھائے گئے، ان کے جوابات عنایت فرمائیں تو میرے خیال میں یہ اس موضوع پر بات آگے بڑھانے کے مترادف ہو گا جس کے لیے میں آپ کا شکر گزار ہوں گا۔ جزاکم اللہ

ایک مجہول آئی ڈی بنانا: اس کے بارے سوال یہ ہے کہ کیا یہ غلط بیانی اور جھوٹ میں شامل ہے یا نہیں۔ تو میں اسے جھوٹ میں شامل سمجھتا ہوں کیونکہ جب آپ سے نام پوچھا گیا ہے تو پوچھنے والے کا مقصد یہی ہے کہ آپ اپنا معروف نام ہی وہاں لکھیں اور آپ نے ایسا نہیں کیا۔ واللہ اعلم۔ باقی لوگ اپنی رائے دے سکتے ہیں۔

اور دوسری بات یہ ہے کہ مجہول آئی ڈی سے روایت اور فہم دین کو قبول کیا جائے گا کہ نہیں۔ تو میرے نزدیک قبول نہیں کیا جائے گا۔ دینی روایت سے مراد صرف حدیث نہیں ہے بلکہ مجہول آدمی اگر کسی واقعہ کو آج بھی نقل کرتا ہے تو اس کی جہالت کی بنا پر اس واقعہ کی تحقیق لازم ہے یعنی صرف اس کے خبر دینے کی بنا پر یہ واقعہ قابل قبول نہ ہو گا مثلا کسی مجہول آئی ڈی کے ساتھ کسی شخص نے یہ دعوی کیا کہ میں علامہ احسان الہی ظہیر رحمہ اللہ کی مجلس میں رہا ہوں اور وہ ایسے ایسے تھے یا کچھ بھی واقعہ نقل کرے۔ اور دوسرا مجہول آئی ڈی کا دین کی کوئی تعبیر پیش کرنا ہے یا دین کا فہم بیان کرنا ہے تو یہ بھی قابل قبول نہیں ہے کیونکہ دین کی تعبیر یا دین کے فہم کا مطلب ہے دینی رائے دینا۔ اور دینی رائے دین ہی کہلاتی ہے کہ جس کی نسبت اللہ کی طرف ہو جاتی ہے۔ اور اللہ کے دین کو کسی مجہول شخص سے لینا درست نہیں ہے جیسا کہ روایت لینا درست نہیں ہے۔ ہاں، اگر کوئی کتاب وسنت کی اسکین شدہ تصاویر لگا رہا ہے یا دینی رائے نہیں دے رہا کوئی دنیاوی بات کر رہا ہے تو اس صورت میں اس پر یہ اعتراض رفع ہو جاتا ہے لیکن پہلا باقی رہتا ہے۔

 

[قاھر الارجاء و الخوارج]

جزاک اللہ خیرا
شاید میں آپکی یہ پوسٹ دیکھ نہیں سکا تھا اللہ یبارک فیک
بھائی یہ تو فورم والے پہلے طے کریں کہ ان کی مراد کیا ہوتی ہے کیونکہ کبھی ذھن میں یہ نہیں آیا اصلی نام یہاں لکھو یہی سوچا کہ جو نام رکھنا ہے بتاو جیسا کہ آپ میل بنائیں تو وہاں آپ کچھ لکھتے ہیں تین چار آپشن آتے ہیں ان میں سے ایک رکھ لو کیونکہ مطلوبہ نام کی گنجائش نہیں ہے ویسے آپ کا بھی معروف نام تو یہ نہیں ہے نا ابتسامہ
اگر میں آپکی کتاب والا تھریڈ نہ پڑھتا تو مجھے کیا پتا تھا یہ کون صاحب ہیں (اس کو سیریس نہیں لینا)
اور جو فتاوی ہیں ان میں بھی یہی کہا گیا کہ یہ معروف بات ہے کہ اکثر نام سوشل میڈیا پر حقیقی نہیں اور عبدالرحمن السحیم کا تو اپنا فورم ہے وہ بھی یہی کہتے ہیں
لہذا اس میں گناہ نہیں الا یہ کہ اس نام سے اسکی نسبت غیر ابیہ کی جانب ہو جائے
بہر کیف اگر تو فورم والوں کی مراد یہی ہوتی ہے کہ اصلی نام بتائیں جو کہ حالات کی وجہ سے متبادر الی الذھن نہیں (کیونکہ اکثریت رمزی نام استعمال کرتی ہے اور یہ تو دماغ کے کسی خانے میں تصور نہیں آتا کہ یہ جھوٹ لکھ رہے ہیں ان کی مراد اصلی نام ہے ) تو پھر تو اسے جھوٹ کہا جا سکے گا الا یہ کہ کوئی توریہ کرے جیسا کہ اللہ کے نبی علیہ السلام سے بدوی نے کہا غزوہ بدر کے موقعہ پر تم کون ہو مراد اس کی تعارف تھا نام قبیلہ تو آپ نے جواب دیا من الماء
امید ہے کہ اب فورم پر یہ خانہ پر کروانے والے آ کے اس گتھی کو سمجھائیں گے اور کسی کے پلے نا پڑے بے شک اپنے دماغ میں تو سیٹ ہو جائے گا

 

[123456789]

حضور آپ تو میرے بیان کردہ موقف کا بالکل الٹ بتا رہے ہیں۔
میں نے اس مثال کے حوالے سے وضاحت کی تھی کہ قلمی نام کے ذریعے مشہور شخصیت مجہول نہیں کہلائی جا سکتی۔

حیدر آبادی بھائی ہم نے آپکی بات کو اپنی تائید میں پیش نہیں کیا ہے بلکہ آپ نے خامہ بگوش صاحب کی مثال دی ہے کہ '' ایک زمانے میں بہت کم لوگ ان کے اصل نام سے واقف تھے" ہم نے صرف خامہ بگوش کی مثال پیش کی ہے کہ جب تک صرف قلمی نام کے پیچھے رہا مجہول ہی رہا۔ یہ تو بعد میں پتہ چلا" کہ یہ ہمارے دور کے مشہور قلمکار محقق و دانشور "مشفق خواجہ" کا قلمی نام تھا "

 

[ابن حسیم]

البتہ میں تو اب یہ سوچ رہا ہوں کہ فورم کے جن لوگوں سے میں واقف نہیں ان کی پوسٹیں ہی پڑھنا ترک کردوں کہ وہ میرے لیے مجہول ہیں؛
کہیں ایسا نہ ہوں میں حرام کا مرتکب ہو جاؤں،وہ تو ہو ہی رہے ہیں!!

"ابوالحسن علوی" پتہ نہیں کون ہیں، ثقہ ہیں تو انکی ثقاہت کون بیان کرتا ہے؟؟ لہذا انکی تمام پوسٹ متروک ۔۔۔۔ (ابتسامہ)

ویب ہارویسٹنگ ایک ایسا علم ہے جسکی بدولت ڈارک ویب کو فلٹر کیا جاتا ہے۔ جس میں بنائے گئے الگاردمز اتنے قوی ہوتے ہیں کہ وہ ان مجہول آئ ڈیز کی بیک پر چھپے ہوئے لوگوں کو ٹارگٹ کر لیتے ہیں۔۔۔
کمپوٹر سائینس کو سمجھنے والے بھائ گوگل سکالر کے ذریعے ویب ہارویسٹنگ پر جاری ریسرچ کے بارے میں جان سکتے ہیں۔۔
اگر انہیں الگاردمز کو "ابولحسن علوی" بطور ان پٹ دے دوں تو امید واثق ہے کہ وہ مجحے بھائ کے گھر تک بھی پنہچا دیں گے۔۔ویسے بھائ اگر میں آگیا تو چائے پلائیں گے ناں؟؟

 

[123456789]

ابوالحسن بھائی شمولیت اختیار کرتے وقت نام کے خانہ کے آگے لکھا ہے یہ وہ نام ہے جوکہ آپ کے پیغامات کے ساتھ دکھایا جائے گا۔ آپ اپنی مرضی کے نام کا انتخاب کرسکتے ہیں۔ ایک مرتبی منتخب کئے جانے کے بعد اسے تبدیل کرنا ممکن نہیں ہوگا۔

مجہول آئی ڈی کے حوالے سے فورم کا اجماع آپ کے تفرد کے خلاف ہے ۔ :) شائد یہ موقف آپ نے غصے و غضب سے مغلوب ہوکر اختیار کی ہو تو اس پر نظر ثانی فرمالیں۔

 

[قاھر الارجاء و الخوارج]

بھائیو اس میں لڑنے کی کیا ضرورت ہے یہ بات تو بجا ہے کہ نا معلوم شخص اپنی رائے دین کے بارے نہیں دے سکتا ہاں کسی بھی عالم کا فتوی جو کہ صوتی یا کتابی شکل میں موجود ہو بیان کر سکتا ہے
اور میرا نہیں خیال ھم کوئی اتنے پانی میں ہیں کہ اپنی رائے دیتے رہیں لہذا ہمیں نہیں جھگڑنا باقی یہ بات تو 123456789 بھائی کی پوسٹ سے واضح ہو گئی کہ یہاں بھی اصلی نام کا تقاضہ نہیں ہوتا لہذا آپ اپنا نام بھلے جو بھی رکھیں شریعت کی حدود میں ہاں اگر ابوالحسن بھائی کی ایک رائے ہے تو اس کا بھی احترام کریں اگرچہ آپ کے دلائل ہی بھاری ہوں باقی جو بھی عقل سلیم رکھتا ہے وہ ان ساری پوسٹس کو پڑھ کے نتیجہ نکال لے گا لہذا کوشش کریں کہ اب کسی اور کونے میں کھسکیں کسی اور بات پر تبادلہ خیال کیا جائے
بارک اللہ فیکم جمیعا و جمعنا فی الفردوس الاعلی