شیخ القراء قاری محمد ادریس العاصم﷾سے ملاقات

[ساجد]

رشد: حضرت جبرئیل﷤کا جو آخری دور ہوا تھا وہ سبعہ احرف کے مطابق ہوا تھا یا کہ کسی ایک کے؟
شیخ: سبعہ احرف کے مطابق ہواتھا۔

 

[ساجد]

رشد:اس کا طریقہ کار کیاتھا؟
شیخ: آپﷺتمام اختلافات پڑھتے جاتے تھے۔

 

[ساجد]

رشد: اس کا مطلب ہے کہ جمع الجمع اللہ کے رسولﷺسے ثابت ہے؟
شیخ: حضرت عمر﷜اور حضرت ہشام﷜کا اسی وجہ سے اختلاف ہوا تھا۔

 

[ساجد]

رشد: اگر قراء ات منزل من اللہ ہیں تو ان کی نسبت رجال کی طرف کیوں ہوتی ہے؟
شیخ: کثرت تعلق کی وجہ سے ان کی طرف نسبت ہوتی ہے۔انہوں نے اس کو بہت زیادہ پڑھا اور پڑھا یاہے۔

 

[ساجد]

رشد: تحریرات کے بارے میں آپ کا کیا خیال ہے؟
شیخ: اس میں شدت اختیار نہیں کرنی چاہئے۔

 

[ساجد]

رشد: شاطبیۃ، درۃ اور طیبۃ کیا تمام قراء ات پرمشتمل ہیں یا بعض قراء ات ان سے باہر بھی ہیں؟
شیخ: بعض نے لکھا ہے کہ ایسی وجوہات موجود ہیں جو صحیح ہیں اور اس کے باہر موجود ہیں۔

 

[ساجد]

رشد: طلباء کے لیے کوئی پیغام؟
شیخ: اپنے اَساتذہ کادل سے احترام کریں اور اگر کچھ بنناچاہتے ہیں تو شدید محنت کریں۔

 

[ساجد]

رشد: اَساتذہ کے لیے کوئی پیغام، خصوصاً تجوید کے اَساتذہ کے لئے؟
شیخ: اَساتذہ کے لیے بھی پیغام یہی ہے کہ وہ اپنے اَساتذہ کے ساتھ ہمیشہ تعلق قائم رکھیں۔تلقی یہی ہے کہ وہ اَساتذہ کی خدمت میں حاضر ہوتے رہیں۔ ’’وصحبۃ أستاد وطول زمان‘‘
میں جب جامعہ اسلامیہ گوجرانوالہ میں پڑھتا تھا تو تقریباً ایک ماہ کے بعد گھر واپسی ہوتی جب میں گھر آتا تو والدہ وغیرہ سے مل کرفوراً گھر سے نکل جاتا۔والدہ کہتی کہ ایک ماہ بعد گھر آئے ہو پھر بھی آرام سے نہیں بیٹھ رہے اور میری نظر گھڑی پر ہوتی تھی کہ قاری اظہاراحمد﷫ نے اس وقت جزری کا سبق پڑھانا ہے اور اس وقت شاطبی کا سبق پڑھانا جو میں نے سننا ہے۔

علاوہ ازیں استاد کے لیے مطالعہ از حد ضروری ہے۔ مطالعے کے بغیر استاد، استاد نہیں ہے اور اساتذہ کو اس بات کا بھی خیال رکھنا چاہئے کہ وہ اپنے اساتذہ کو تلاوت سنا کر اپنی خامیوں کودور کریں اور تجوید و قراء ات کے فن کی کتابیں ضرور خریدیں۔

٭_____٭_____٭