صاحب السیف والقلم (امام ابن تیمیہ)

[عبد الرشید]

کتاب کا نام
صاحب السیف والقلم (امام ابن تیمیہ)
مصنف
سید حسین حسنی
ناشر
ندوۃ المحدثین گوجرانوالہ
[URL=http://s1053.photobucket.com/user/kitabosunnat/media/Title%20Pages%20---%20Sahib-Al-Saif-w-Al-Qalam%20Imam-Ibne-Taimiya.jpg.html][/URL]​

تبصرہ

شیخ الاسلام والمسلمین امام ابن تیمیہ(661۔728ھ) کی شخصیت محتاجِ تعارف نہیں۔ آپ ساتویں صدی ہجری کی عظیم شخصیت تھے،آپ بہ یک وقت مفکر بھی تھے اور مجاہد بھی ، آپ نے جس طر ح اپنے قلم سے باطل کی سرکوبی کی۔ اسی طرح اپنی تلوار کو بھی ان کے خلاف خو ب استعمال کیا ۔ او رباطل افکار وخیالات کے خلاف ہردم سرگرم عمل او رمستعد رہے جن کے علمی کارہائے نمایاں کے اثرات آج بھی پوری آب وتاب سے موجود ہیں۔آپ نے اپنی پوری زندگی دین اسلام کی نشرواشاعت ،کتاب وسنت کی ترویج وترقی اور شرک وبدعت کی تردید وتوضیح میں بسرکی ۔امام صاحب علوم اسلامیہ کا بحر ذخار تھے اور تمام علوم وفنون پر مکمل دسترس اور مجتہدانہ بصیرت رکھتے تھے۔آپ نے ہر علم کا مطالعہ کیا اور اسے قرآن وحدیث کے معیار پر جانچ کر اس کی قدر وقیمت کا صحیح تعین کیا۔آپ نے مختلف موضوعات پر 500 سے زائد کتابیں لکھیں۔ آپ کا فتاوی ٰ 37 ضخیم جلد وں میں مشتمل ہے۔امام ابن تیمیہ کی حیات وخدمات کےحوالے سے عربی زبان میں کئی کتب اور یونیورسٹیوں میں ایم فل ، پی ایچ ڈی کے مقالہ جات لکھے جاچکے ہیں ۔ اردو زبان میں امام صاحب کے حوالے سے کئی کتب اور رسائل وجرائد میں سیکڑوں مضامین ومقالات شائع ہوچکے ہیں ۔ چند کتب قابل ذکر ہیں ۔ابو زہرہ کی کتاب جس کاعربی سے اردو میں ترجمہ رئیس احمد جعفری ندوی نے کیاہے حضرت امام پر تحقیق کاحق ادا رکردیا۔ مولانا ابو الحسن ندوی نے اپنی مشہور تصنیف ’’تاریخ دعوت وعزیمت‘‘ کی جلد دوم امام ابن تیمیہ کےلیے وقف کردی اورڈاکٹر غلام جیلانی برق نے ان پر تحقیقی مقالہ لکھ کر ڈاکٹریٹ کی سند حاصل کی ۔ زیر نظر کتاب ’’ صاحب السیف والقلم ‘‘سید حسین حسنی کی تصنیف ہےجس میں انہوں نے امام ابن تیمیہ کے اصلاحی کارناموں کو اجاگر کرنےکی کوشش کی ہے اور بہترین انداز میں امام موصوف کی زندگی کےمختلف پہلو پیش کیے ہیں ۔مصنف نے امام صاحب کے متعلق جتنی بھی چھوٹی بڑی کتب لکھی گئی ہیں ان کا گہرا مطالعہ کیا مناسب اور موزوں اقتباسات اپنی اس کتاب میں شامل کیے ۔ جن سے نوجوان اور عمر رسیدہ تعلیم یافتہ حضرا ت فائد اٹھا سکتے ہیں۔جبکہ امام موصوف کے متعلق کئی ایسی ضخیم کتابیں لکھی گئی ہیں ۔جن میں فلسفہ وکلام اور تصوف کے دقیق مسائل سے بھی بحث کی گئی ہے ۔ ان سےوہی اصحاب علم زیادہ فائدہ اٹھا سکتے ہیں جو عربی کے قدیم جدلی علوم سے واقف ہو ں۔اللہ تعالیٰ امام کو جنت الفردوس میں اعلیٰ مقام عطافرمائے ا ور مصنف کی اس کاوش قبول فرمائے (آمین) (م۔ا)

ڈاؤن لوڈ لنک​

 

[عبد الرشید]

فہرست مضامین

انتساب
ابتدائی کلمات
پیش لفظ
مقدمہ
باب اول
پس منظر
باب دوم ابتدائی حالات ، وطن ، خاندان اور تعلیم
باب سوم علمی زندگی
باب چہارم عملی و دینی زندگی
باب پنجم دور آٖخر
باب ششم اعتراف عظمت
متقدمین
متاخرین
کتابیات